WELCOME TO WWW.HZATE.IN,
WWW.HZATE.IN hi i lo tlawh fo dawn nia!
i chanchin kha mi dang tan thawnthu ṭha leh inzirna a ni thei, email: mail@hzate.in or WhatsApp @ +919402125273
Kolasib ni tin chanchinbu rintlak
ZINGṬIAN, hi lo chhiar ve la.
Call/SMS/WhatsApp +91 98 62 254565


Saturday, 25 November 2017

LUNG KA CHHIR



Model : JC Esther

Ziaktu: H.Zate, Hmar Rûn.

- www.hzate.in 

Zan dar 11 a pel tawh a, a dan pangngai bawkin ka pasal chu rui em emin a rawn lût a. A thawmhnaw leh taksa zu rim nam chung chuan kan nupa khum, hmana hlim taka kan mut dun țhinna ngeiah chuan a rawn mu ve a. Tunah chuan kan hlim tawh thlawt lo. Ka ning ngawih ngawih tawh mai a ni. Han ințhen mai dawnin a tih chi tawh si lova. Ka țhianpa pakhat phei chuan, "Hmangaihna mitdel chu ka hre tawh a, nang erawh i hmangaihna hi a hnar a ping a nih hi!" tia min fiamin a zu rim chhe lutuk leh ruihhlo rim nena ka la mutpui thei chu mak tiin țhen mai turin min ti fo țhin. 



Ka nulat lai chuan nula hleitling leh nalh, tlangval tam takin phu loh ena an en, tam takin an chhai ka ni ve țhin. Ka luckin nuam ka ti a. Heltu leh ngaizawngtu ngah na na na chuan Ngaihzawng pawh ka kawp hnem țhin na rawh. Ka vanglai chenin khawvel par ka tlan a, nun hi a nuam thei ang berin ka hmang ve țhin! 

Ka ngaihzawng zinga pakhat nen chuan kan induhin kan inhmangaih ve hle a. Inneih hial kan tum a, kan chhungte hriattir ve ngei a ngai ta. Ka chhungte ka hrilh a, ka nu chuan, "Ruihtheithil ti țhin a ni em?" tiin min zawt a, a tih ngai loh thu a chhangin, a changa zu a in zeuh zeuh thuin ka chhang a. Ka nu chu a lawm lo. Ka tana a țhat loh tur thu leh Pathian țih mi ngei nei tura min duh thu leh a duhzawng ngei, kan veng tlangval chu nei turin min ti a. Mahse, ka duh lova, ka pawm hek lo. "Anni ang nun zalen lo lutuk a hun hman ka duh teuh lo!" ka ti ve ngat a. "Ka kawppui tur chu keimah ngei hian ka thlang ang." ti chungin, "Nakinah a zu in chu ka simtir mai ang." ka ti ngat a. Chutih lai chuan ka nuțapa lo lutin, "a hel lai che, i hlut lai ber leh in inngaihzawn laipawha i sim tir theih loh a awm hnuaia i thawk dep dep a a nupui i nih hnu chuan i thei lovang e!" a rawn ti ve chat a.  Kan inhnial chu a ni ta reng mai.

Ka ngaihzawng chu țhen ka tum lova, ka țhen bawk lo. A ni lo pawh mi dang ka kawp ve reng tho. Zanah kan leng a, min care dan te hi nuam ka ti thei hle. Ni e, Ruihhlo rui chunga inngaihzawngna chen țhin na na na chu a țha lo ber thlengin kan thleng ngun malh malh e. 

Chutia mahni fing leh țha intia khawvel ka chen mek lai chuan kan khawloh rah a rawn lang a. Chhungte rem tih loh chungin kan inhruai a, kan innei ta a. Kan inneih tirh chuan min duatin min ngaihsak em em a. A ruihhlo tih erawh a sim lo.  Khawvel hi kan pahnih a kan awm chuan nuam hliah hliahin ka hria a, ka hlim veng veng țhin.

Mahse, kan fa a rawn piang a, tun hmaa a zia; zan len a rawn ching a. Min chhuahsan ta fo mai a, ka ngai thei hle.  A tlangval laia zalen taka nun a hman anga hman reng a la tum a. Ka hrilh a, ka zilh a, kan inhnialin kan inhau ta fo mai. Kan inkar nunah nawmna a awm tawh lova, thlekhlelh tur reng reng a awm tawh lo.

Hun a liam zel a, ka pasal chuan ngaihzawng a nei tih ka hria a. A ngaihzawng nen zan tin chhuakin, ka chan ve tur chu a ngaihzawng hlanin, kei, a nupui, a fa nu ngei chuan a rim chhe em em bâk ka chang tawh ngai lo.  'A dan pangngaiin zan dang ang bawkin a rawn rui leh ta' tih hi kan zan tin dan a ni a. Nupa anga hlim taka kan awm lohna chin pawh ka hre tawh lo. Pasal nei siin ka pasal chu ka ta a ni lova, ka pasal bula mu siin ngaih veng veng ka nei si.  A ni, hlim tak leh inthlahlel taka kan nun kan chen dun lai leh, "i nalhin i mawi lutuk!" tia duhthawh taka hun kan hman dun laite kha ka ngai țhin a ni. Mahse, chung hun erawh a liam a, kir an rel tawh si lo.

A țha ber leh a duhawm ber ka beisei a, beiseina nen ka thlir țhin. Mahae, nun hi kan duh angin a inher si lo. Ka pasal, ka nu pum hlan tura ka lo thlan ngei mai chuan a ngaihzawng chu kan inah ngei a rawn hruai lut ta. Kan nupa khumah ngei mai chuan muin, kei chu pêt chhuah ka ni si! A va han na si em. Hmanah chuan he mipa ngei mai hian , "Ka hmangaih che" min tiin khawvela hmeichhe duhawm leh nalh ber ka nih thu min hrilh țhin a sin. Tunah erawh,kei min hnawlin, ka awm lai ngeiin hlim taka kan zalna țhin kan nupa khumah ngei hmeichhe dang nen muin, min țhen a ni si a.

Chu zan ațang chuan hmana nula nalh leh hmelțha kha nû mai ni lovin nuthlawi ka lo ni ta a. Ka khawvel chu keimahin ka tuar a, hnemtu mamawh em emin ka țap ta fo mai a ni. Ka chhungte'n min hrilh lai khan lo zawmin khawvel tan ni lovin Min siamtu tan zawk nun lo hmang, ka tana țha tura ka chhungte sawi ngei nei chu ni ila tun ang hian ka nain ka buai lo tur. Mahse, ka thu leh duhthlanna chu dah lal hmasain ka duh danin nun ka lo hmang a, heti hi ka thleng ta si!  Khang ka hun liam ta te kha kohkir theih nise tiin ka inngaihtuah a, kir thei nise, ka hlut lai leh vullai khan țha taka hun hmangin ka nung ve tur,  ka duhthlanna hian inchhirna bak min thlen si lo! Ka thlan kawng chu ka zawh a, ka nunah inchhirna mai ka tawng si!

25 November 2017 | Thingdawl



No comments:

Post a Comment