Sponsorship atan helai hmun hi i tan a ruak e. To Advertise here contact: +919402125273 (Call / WhatsApp / SMS)

Labels

LightBlog

Tuesday, 10 February 2015

FAM TA LANG

FAM TA LANG -H.zate
Hi Piellei, saktieng kawlah Turnipui(NISA) a hung suok a, Thlangtieng kawla an her liem nawk na hlak le, Pil chu Pilah anti a mim-ang pieng ta hnung thlafam chang (thi) a Piellei inthima an inzal nawkna hlak a hin, Hring changin mim-ang ka hung pieng ve a; Dairiel changin ka sakruong deidap el hi Piellei thuoriet hnuoiah mi hai tading a tha ka lo thawna hlak le Lenruol ka lo in awina hlak chu sam-ang inzal in hi khawvel hi suoksan dingni lang, tu tak kei a lei hin tap ve ding maw?
A ni!, sungkhat laina le thenruol hai chu an tap ve mana, , chunnu le zuopa tinaw chu tu tak luoithli nul ve maw le!,. Ka tading hin tu takin ” Hmangaina par i thlan ah kan hlan ie” ti ve in puonte in ka ruong inhlawm ve?!
Khawtlang ah in hmangna ka nei nawh, ka hman bawk hek nawh; suna fak le in le inrui bak thaw nei lo, zan a lengsuok a kawtthler suor tin hrut a suol rawngbawl, setan a hnungzuitu ringum tak tading hin tu singmittui tak far ve maw!!
Theina in a tlin bak thaw tum tlat hlak, a thei chin hlak thaw tum nawk hau si lo; nu le pa hai thu neka ruolhai le ngaizawng hai thu awi lem tlat hlak. Kohran a hlak a kawmaw bawl pawl, ‘sakramdn’ inrui tum pawl le kohran upa le rawngbawltu hai sualna le tlinnawna hrie em em a, thil tha thaw neka suol tieng ngawt thaw ching. ”
A hril chu pei tak, sienkhawm, a thaw pei nei silo; fak le dawn le zal bak thaw pei nei lo, mi siemsa fa a, la sawisel zui ching; hieng ang reng reng mihriem hi chu tu in a ruong tapkhum maw? Tap a hnek in ‘thangmawbawk’ a liem ta amani ei veng(khuo) a thawveng in anhawi sawl ani elnaw maw?!! Tlangsin (hnatlang) ah a thaw tan ni neka akotlang ‘a’ team ni tum zie. In sukbuoi a um hlek a, ama thawsuok am ani., a thiemnaw lem amani thang ve thei zie.
Thabo tieng a chun ‘samdal a u’, fak le dawn tieng chun ‘fakzo vawng ding’, sin thawding hril met a ‘kawngna tlat hlak’, a ni nghakhla tak chu ‘ruosur ni le chawlni’, krisimasi khawm thaw lova sa fak thei hun ani lei el chau a nghakhla, suol a chun a ‘tak’ pawl a thang thei zie hi
FAM TA LANG
Ka chatuon hmun ding khawla’m ning ata?
Pastor hai tawngka hrengtu le a vuitu bau hrektu el ka lo ni el naw maw?! FAM TA LANG khawla’m fe ka ta tiin i ngaituo hlak am?

No comments:

Post a Comment