Sponsorship atan helai hmun hi i tan a ruak e. To Advertise here contact: +919402125273 (Call / WhatsApp / SMS)

Labels

LightBlog

Tuesday, 10 February 2015

IT'S MY LIFE

ITS MY LIFE


IT'S MY LIFE
–   Ziektu: H zate
–   Hmar Rûn.
Jon Bon Jovi in a sak “Its My Life” ti hi a hrienaw ei um kher awmnaw ie. Mawi em em in anhung sak a, eini rawi chun nal ti em emin ei lo sak a. eilo lam pui ve hlak ani hi.
It’s my life
And it’s now or never
I ain’t gonna live forever
I just want to live while I’m alive
(It’s my life)
My heart is like an open highway
Like Frankie said
I did it my way
I just want to live while I’m alive
‘Cause it’s my life.
tiin eilo inkûr pui ve a, a umzie hre barlo khawm a ei sak thei pei a. An insuona sawtta hle sienkhawm ṭhalai lungril mil tak thumal a um tlat lei hin a chuoi thei tak tak naw anih. Mani a thei ni a in ngai le mani ṭha le var a in ngai ṭhalai hai laiah hi hla hin chuoi Ni nei ngaiin kei chun ka ring nawh. Ṭhalai tamtakin an  ditna lai tak chu “Its My Life” ”Hi Hi Ka Hringnun A nih” hei ti lai tak hi anih.
A hla umzie le a hla thufûn ah an buoinawh, tuphuok am? Ienglei a a phuok am? Ti ah anbuoi ve nawh. An buoina lai chu An Hringnun hi anni hringnun anih ti hi anih. Ṭhalai tamtak chu Setan thlemna tuor zolo in Zankhawthim ah Suor tin le Thler tin a hrût a, Khawvel hi anta anih ti hi anhrietchieng a, an hming anhrietchieng tluk zet in Khawvel hi anta ding a siem anih ti hi an hrietchieng. Ruol u lem le Midangin thuṭha an hei hril pha toṭawk ṭawk si khan an lungril a ruok chun “I hril ding a umnawh, ka nun anih”anti ve fan a.Ka Hringnun anih tiin  suolna lamtluong chu beidawngna intluntu ding anih ti hre der loin lungawi takin anhraw a. a hriltu taphawt chu an theida a, Nu le Pa in anhril a “Bawi, hienghin chu umnaw rawh”anti leh “Ka nun ani hi inhril ding a umnawh” ti chu an dawnna ani rawp hlak. An umna hmun a pui po leh Ka Nun anih anti dan a pui el a. Ei Ram sunga um haiin Zu le Sa ah Ka Nun anih anti laiin Rampum Khawpui inlar a um hai chun an thienghlimna thâpral le an nu le pa hai sininrim ra chu Phâm ral in ka Nun anih anti ve a. Hnam Ṭhuoitu haiin Hnam dang Ngaizawng phalnaw thu an insuo khawmin “Ka Nun annawm, anthu a umnawh”anla ti fan a. An inhawitirna ah tlanin an Hringnun chu an chên a. An Hanm chanpui ngaizawng nek chun Midum hai iengkhat lo chep chu insuktheina in an hmang a. a tawp a harsatna an hei tuok chie hlak chun “Its My Life”ti a khêk nasa hai kha a buoisie tak anni ta hlak. Hnam dang kara lenga Hnam Darthlalang annina an inhrietnaw a, ka Nun anih tiin Hnam Hming an sukbawrbâng a, anni rawi lei hin Ei Kristienna khawm hin vawitam ngainêp le Hmusit alo tuok tah. Its My Life tin gun deu hai hi Nu la Pa in “Its My Home, Get Out”anti tlangpui hlak.
Ṭhenkhat ruok chun “Ka Nun A Nih” ti hi a ṭha tieng a hmangin, an ruolhaiin thilṭhanaw tawding a anfiel khawmin an hringnun suksiet annuomnaw a, an ruolhai zu le sa hmun a nuomsik an bawllai khawmin ITS MY LIFE tiin an dawkan ah Lekha nlo tiem ngat ngat a, a tawpah an thawra an sîk ta hlak. An hringnun hin Hnam Nunphung a suklang a, Hnam darthlalang annih ti hrie in a ṭha thei ang takin an nun an hmang hlak a. an thilthaw a khawm hlawtlingna an chang ngei hlak. Mi hmusit el dingin an inphalnaw a, an hringnun hi miin an sukbuoi annuomnaw a, a ṭha tak ni a inlang Sandamna lam chu hraw in Its My Life ti el dittawk lovin Its My Life, Its My Home, Its My Family anla ti ngei ngei hlak.
Hieng ang hin ei hringnun hi ei ta anih ti hriechieng seng inla, a ṭha tieng KA HRINGNUN ANIH ti seng inla,a ṭha tieng ṭhang la inla, Inchûkna tieng khawm hmasawn ei ta, Its My Life tiin ei Hringnun hi suksie tanaw mei nih a, Mi hmusit ei Hnam khawm hin Nopui la dawm ve ngei atih.
Ni 24 July 2013,

No comments:

Post a Comment