Monday, 9 February 2015

THIH A HLAUHAWM TAWHLO


H.zate
Hmar Run


Khawvel hian nihphung a nei a, a chhunga cheng inti khawvel neitute hian tihdanphung kan nei leh a, chu kan tihdan chuan a thalam leha chhelamah min hruaiin min herliam thin zawng a nih hi.


Hnam tin hian kalphung le nihphung kan nei a, thihna ani emaw lawmna lam ani emaw kan tihdan leh kan dan ang zel chuan kan kalin kan lawmin kan lawmlo  thin. Nula thianghlim leh Tlangval thianghlim kohhran dana an inneih hian kan Unau Hmar leh Hmar kohhrante chuan Dan a innei anti a, Kohhran  dan  nilo a innei chu dannaw (danlo) a nil eh mai a, keini Mizoram a chengte leh Kohhrante chuan Dan sang leh Dante kan nei thung a, chu chuan kawng thenkhatah thatna thlen mahse a tamzawkah chuan Dan a innei hlutna a tibo a, Dan leh Danlo a nih tawpna ah chuan danlo a innei chu anzak a, dana inneih an tum vek thin. Keini ah chuan dan v eve anih tak avangin dansang aiin dante a innei antam a, dan sang ngaihthahna a tamphah te pawhin a lang. engnge i ngaih ve dan le.
Dan hi kan zam ve teuh a, thihna leh Thatna ah thleng dank an nei a, Hamaa Bharat a cheng kan nih vag te pawh nifahming heti em em a dank an ngah bik em em ta mai hi. Sawisel thu cheng suh, kan dan ngah em vang hian thihdan pawh hi kan ngah narawh, Tualthi, Sarthi,Hlamzui kan ti a tam lutuk emawni tih mai awl tak ani.  Heng hi chu thuhran nise, thihtha leh thalo kan nei a, thihdan rau rau-ah thlanna-awm deuh hlek te pawh a awm thin anih kha. Tunhma chuan Thihdan thalo a thi kan tih mai, sara thi leh natna avanga boralte, Ruihhlo vanga boral nih te kha a zahthlakin a hlauhawma, thih hrim hrim pawh a hlauhawm tawh laiin khang anga thih leh lek phei kha chu khawtlangin an diriam mai bakah vuituin a vui danah pawh a zahthlakin a nuam lemloa, a thalmuanthlak lo hle thin.
Tunah chuan, khawvel a danglam, nilo, a chhunga chengte kan danglam tawh a, kan ngaihdan te hi a tluag zo tawh nge thil hi kan ngaizamin kan sawimam thiam tawh riau a , ruihhlo ngawlvei thi pawh kan sawimawiin kan sawi vanram kai zung zung tawh mai a, ruihhlo ngawlvei thi leh Kohhran rawngbawltu thi kan sawi thlamuandan a in ang pat tawh mai a, a then phei chuan ‘ Kohhran rawngbawltu pawh hi engmah anni biklo’ an ti a, a thlaraumi zawk hi rinhelh an kai zawk mah tawh n te hian a lang hial thin. Hetia kan insawi thlamuan vak hian engnge sawtna awm a? engnge hlawkna awm chuang ang le? Nawhchiuar thi pawh kan sawi kai thei mai chu ani tawh si a. heti hi chuan  sual rawngbawla thih hi a hlauhawmlo zo tawh a, vanram kai vek tur kan nih takah hi chuan sual rawngbawl a thih a thlanawm zawk fo tawh.( Kan sawi danah). Mitthi chhungte an han ding a Ruihhlo bawiha tang, khawtlang tan leh Kohhran tana engmah nilo, Puitling a a luh zana a inkhawm bak chu ala inkhawmlo hial lo’ng maw?! Tih mai tura inkhawm ngailo pawh ‘ a thih dawn tep khan danglam takin Pathian a hmu a’ a thih hma ni khan amah ah hlimna thar a awm tlat a, Pathian a ko ve a’ tih te an han sawi a, kan hriatloh hlanin an lo sawi vanram kai der tawh mai a, ani tak e, Isua ruala thi tura khenbeh pawh a thih dawn a ruaiah chatuan nunna a char kha ani a, thihdawn a ruaiah chatuan nunna chu a char theih the meuh mai, mahse, heng kan sawimawiho hi hetiang hi an ni vek ang em? Kan in sawimawi a, khawtlangin a thi pawh kan lawm a a tla zawk emaw kan tih te pawh an han sawimawi a, chatuan ro luah ngei ngei tur angin kan han sawi a, a fuh chiah em chu ka hrelo. A vuitute ngei pawhin thawhlehnani a tho ve a Chatuan ro luah ve ngei tur leh Fapa dinglama awm ve turin kan han vui ngawt te hi a thlamuanthlak a, a zia phian hian ka hria. Hetia kan intihfo avang hian Sual rawngbawl a, Khawtlang tan pawha hnawksak ni chunga thih hi a hlauhawm tawhlo a, Drugs ngawlvei puar lenglung pawh kan sawikai theih  chuan thih hi a hlauhawm tawhlo a, chuai chuan khawvel hreawm a awm reng ai chuan thih vat vat a chatuan ro luah ve vat hi a chakawm tawh a, anihloh vek pawhin Khawvel mawina hi chen ila, Ruihhlo, mipat hmeichhiatna laka insum a ngailo, Drugs ngawlvei le zu ngawlvei mah kan sawikai theih chuan nawhchiuzar pawh kan sawikai thei tih hi ka hria a, tin, nawmchenna avanga natna tihbaihawm veite pawh kan sawi kai theih tak zelah hi chuan Ui leh Ar ang hian a rem rem inkawp fer furmai ila engnge pawina vak awm anga, kan thih hnu-ah vanram lamah min thawlut dawn tho a. chumai ala nilo, Kohhran a inhmang a, Thatlai nun pawh chen ve hmanlo a Krista tana inhlan a ni tin zan tin mai a buaite chan ang kan chan leh theih dawn tho chuan inser thianghlim hi engnge a tulna awm chuang le. Chak ve reng si a insum te hi engnge a tulna awm chuang Fapa dinglama ding tur theuh theuh te chu le, chumai ala nilo , leiah khawvel chen bawk, vanah a chan tha tha kan chang leh dawn tho a, sual rawngbawl a ruihhlo leh mipat hmeichhiatna bawiha tang chunga thih hi a hlauhawm tawhlo. Kan sawimawi thim em a sual rawngbawl chunga thih hi a hlauhawm tawhlo ani berin a lang e.

Hmar Run,
Thingdawl
Ni 9 February 2015

No comments:

Post a Comment