Thursday, 23 April 2015

PAWI SAWILO DAN PAWNAH



-H.zate

Hmar Rûn

Thingdawl

 

Tunlai Kan State dinhmun thlirin lawmna tur nge tahna tur pawh thliar rhiam a har hle mai. Kan Home Minister Zahawmtak-in Hmarchhak tlangdung khuate Disturbed Area-a puan tum anih thu a han sawi meuh kha chuan “Peaceful State’ kan ni tawh lo tih chu thenawmpa hrilhriat leh chuan ngai lovin, leh kawmthlang in a rawn auchhuahpui kherlo pawhin ka hrethiam ve nghal mai a. chutih rual chuan ngaihtuahna lamah thil tamtak rawn lutin , hmuntin hmun tang a fang vel a Arunachal Pradesh leh thenawm ram Manipur te fangin Mitthla-ah Manipur mipuiin Army Special Act an duhloh vanga Pi Irom Sharmilla-in nunna thapa chaw a ngei dan te leh Manipur-a pawisawilo tamtakin an tawrh nasatzia te, nunau tamtak fahrah a an awm leh Hmelchhe hmelthatna vanduaina anih zawk zia te a lo lut zut zut lo theilo.

Chumai ala ni lo, a beitute ngeiin ‘Khatiang khan bei le hula Ram innei ang min ti se kan peihtawhlo ang’ an tih hian rambuai hreawmzia a lantir chiang hlein a hriat. Mizoram a buai a,UT ah Sawrkar chu Mizo kan ni a, Mizo leh Mizo kan indo a, Vai sipai rawn lutin Kan Mizo hmeichhia tamtakin an tawrh phah a a hreawmia hre phalo pawhin a thawnthu talin kan hria e.

Chu tawrhna, kan beng leh ngaihtuahnaa la cham ngei mai, Theihnghilh kan tum zawh poh leh a kan hriatzual fo, a nat em vang te pawh ni fahmiang tunthleng maia  vai huatna rilru Mizote thinlunga a beh a ‘Vai vel ang’ tih tawh chuan vengkhat parawn hmelpu te pawh an pawr em em zel mai hi. chu tawrhna ngei mai; thenkhat tihsual avanga mipui nawlpui tawrhna ngei chu kum 20 chuang (30 kan hnaih tawh e)state ralmuang kan nih hnu-ah kan hmachhawn leh tur hi chu a zialo deuh lampang chu ani. Kan thenawm ram Manipur leh Arunachal in an duhloh hnu hi kan pawm dawn a ang  hle a, he dan hi pawmlo mahila he dan ang deuh hian ‘Sipai Thuneihna pumhlum ’pek theihna tur Dan hi chu kan zam ngei a rinawm. Chu dank an zama kan hmang anih chuan a nghawng tur chu kan hriattheuh a rinawm. Sipai tam zawk an lut ang a, a hmun a ralkhel nghal em em ang a, sipai thuhnuai-ah an awm deuh chaw tang. A area-ah chuan Civil Officer aiin Sipai Lal ho an lal tawh zawk ang. Chumi hunah chuan hel tamtak kan man anga, a tha lutuk. Mahse, hel nilo, hel ning em em tamtakin an tawrh phah ang. Mi engzatin nge an huatzawng te tih boralna atan Sipai hnenah Hel angin an than tir ang? Mi engzat fakoin nge an huatzawngte laka phuba lakna atan Hel hnenah an mahni dotu anga an huatzawngte thantira an nunna an chan ang?  Tih te hi Kan ram hruaitute te hian an ngaihtuah ve em ang chu maw?

Thenkhat chuan ‘Chutia buai an duhloh chuan helte chu puilo se ani mai alawm’ tih hi an rawn sawi leh ngei ang. Tu fain nge Helho hi phur taka pui ang? Saiphai bul chawnpui leh Saipum bula inkahna ah te khan Helho khan khawngaihna an dil i ring em? Khawngaihna ngena an dil an pek duhloh vanga kan sipai te kha kap ta ah i ngai a mi? teuh lo, an dil lo. Ni 28 march 2015 a Zokhawthiang khawdai-ainkahna-ah khan Kan MLA Zahawmtakte hnenah khan ‘Khawngaih takin silai kha kan mamawh lutuka min pe hram teh u’ tia ngenin an ngen hnua an ngenna an pawmloh vanga kap ta chauh ah  i ngai em ni? Ngai lo ti raw. Chutiang chiah chuan Helte chaw ei tur pe a i sawi ho hian phurtakin khualtha thlena an thlen a rinawmloh. Tin, khawngaihna dilin helho hian thlenin an dil a rinawm heklo. Hlau leh khur chungin a thlengtute hian an thleng ngei ang. Tin, tu zawk zawk pawh tan ngamlo tamtak an awm ngei ang. Hel tan dawna Mipui himna duh leh Sipai hlau, Sipai tan dawna Helhlau si. Hengte hi an dawih bik vang ani hranlo. Nunna duha thawk theuh theuh kan ni a, nunna hi a hlu em a tin ni.

Disturbed Area a puanin a kentel tur dan chu The Armed Forces ( Special Powers)Act, 1958 hi ani a, he dan hi September 11, 1958 a parliament a pawm ani a, he dan hnuaiah hian section ruk chauh awmin, he dana Disturbed area a asawina hmuna India sipaite Special power a pekna ani.  He dan hnuaiah hian Sipai Officer chu;warrant tello pawha rinhlel kai man theihna pek a ni a, hmun endik theihna,  motor tihdin a endik theihna leh thildang dangte a kengtel a ni. He dan hi a tir chuan Armed Forces (Assam and Manipur) Special Powers Act 1958 tih ani a, mahse,  a hnu-ah he dana State  Governor leh UT a thuneitute chauhin Disturbed Area a puang thei ang tih chu duhtawklohna a awm tak avangin  1972 kumah Armed Forces (Assam and Manipur) Special Powers ( amendment) Act, 1972 angin siamthat ani a,India Hmarchhak state panga Assam, Manipur, Menghalaya, Nagaland, Tripura leh UT pahnih Arunachal Pradesh leh Mizoram (UT anal ni ve ve) te hmertelin  Armed Forces (Special Power) Act 1958 tih ani ta ani. ( Khang hunlai khan 8 sister ni lovin 7 Sister ala ni). He dan zul vek hian Armed Forces (Punjab and Chandigarh) Special Powers Act, 1983 chu section hnih,  belh leh siamthat niin Section 4 ah sub-sec e, belh a, Section 5 siambelhin adang zawng chu Armed Forces (assam and Manipur) Special Powers Act 1972 ami ang a hmangin an lo siam ve a, mahse, 1997 khan hlih ani. He dan hi Pawl leh Mimal tamtak atangin beihna a tawk a, UN ngei pawhin hlip turin India a lo ngen tawh ani. Chu dan sakei ngei chu kan state hian hman ve tumin kan hmanhlel a, a finthlak nge  a atthlak tih pawh ngaihtuah thiam a har zawk.

He dan hman kan tum Kan ram satheka Rambuaia puan tumna hi pawisawilo damnpawna dahna mai ani  a, hel tihremna tura hmanraw tha ber ani lo. Kan sawrkar chaktak inlambunna a thlen atanga thlakhat em pawh a ral hmaa HPC(D) hruaitu 2 leh Guard man theitu hian a luidung ruha hrai-a a sangha duh tlemte man nana a duhloh tamzawk tihlum mai lo hian nghakuaia a kuai chhuah theih mai  ka ring. Tin, he ngaihdan min tawmpui hian Pu Lalremruata Khiangte, editor Zawlaidi chuan a thuziak ‘Disturbed Area in Peaceful State’tih ah ‘Casting net thrown in dry land never catches fish’alo ni ve bawk ani. Kan sawrkar chaktak hian Sate ralmuang sathek a rambuai-a puang ta mai lo hian heng helho tukdawl tur hian Sipai leh ralthuam a ngah tawk tih a chiang a mipui nawlpui  pawhin kan hre vek awm e. Luidunga sangha awm zawng zawngin an tawrhloh dan deuh hian thil a tih theih ani.

A tawp berah chuan heng hel tlemte te thiltih avang hian kan MLA 3 te lambun an nih tuma lo sawngbawltu leh lo puitu, lo ngainat em em tu mipui , nunau pawisawilo , zirlai kan ram nghahfak te, zirtirtu leh kuthnathawk tamtak te kha Dan pawnah kan dah mai dawn em ni?

 

23 April , 2015,

Friday, 17 April 2015

HAULAWNG LANU


Ziaktu: H. Zate
- www.hzate.in

Kum 2012, Thihṭin thla Nilaini zan hnuhnung ber ani a, ka laikhum belin thil tamtak ka suangthuah a, hun kal tawh te ka chhuikir a, TKP meet kan neihlai te ka ngaihtuah a,

Monday, 13 April 2015

HNAM EI HMANGAI DAN HI



-          H.zate

Ka ruolpa in “zate, lusei laia um ini a, Hmar putarhai mizie hi i la hrietchiengnaw ani kha, ;lusei hai chu inchawisang an thiem a, mi pangngainaw khawm pangngai ah an siem hlak. Hmar putarhai chun ‘Ka hratna khawmin a zo tanawh, hna hlui chu hna tharin a thlek/thleng hlak annawm’ti ngainaw ni hai”  a ti

THE GIRL FROM YESTERDAY


Ziektu: H.Zate, Hmar Rûn. 



Jack Tempchin le Glenn Lewis Frey haiin lungthlu zeta an phuok, The Eagles in mawi le lungkuoi em em a an sak ‘The Girl From Yesterday’ hla hi tlawma hla hlui deu ngaina le hmangaina la na deuhai chun a ditnaw um kher naw ni hai. Hi hla a nuthlawi inchang el Nuhmei hi lunginsieta um em em a, a chan hi hei inchan sin la na i ti ve ngei ka ring. Hi hla hin hmangaina indiktak chun chinlem nei lova a nghak hlak zie a suklang chieng a.