Labels

LightBlog

Friday, 17 April 2015

HAULAWNG LANU


Ziaktu: H. Zate
- www.hzate.in

Kum 2012, Thihṭin thla Nilaini zan hnuhnung ber ani a, ka laikhum belin thil tamtak ka suangthuah a, hun kal tawh te ka chhuikir a, TKP meet kan neihlai te ka ngaihtuah a,
MTKP Organiser lo kal te, serkawn ho zai te, kolasib Bial zaipawl ho zai te,a engkim mai khan lung a ti leng ve em em a, khang hun liam tawh te kha engtik hunlai khan lo liam ni maw, lairil ah chuan nimin leka thil thleng ang main ala thar si a, zan dar sawm vel ani a.
Gandhi mall atangin kan chhuak a, Vishal ah kan lut phei a, reilote hnun chuan kan chhuak leh ta nghal a, tichuan, Ellora lam panin kan kal a, Dsa Ground, Mizo Tlangval inkhel en a thlakhlumna zawn (Devdoot Cinema hall) kan va thlen chuan Nula Hmeltha em em mai, no nak mai, mahse, a hmela hlimna reng reng awmlo, lungngaihna in a bawm hi kan va tawk fuh hlauh pek a.
A hmelah Mizo tih a inziah tlat vangin ka va pan hnai a, ka han bia a, a hming ka zawt a, a aw fel leh mawitak mai chuan a hming chu min hrilh a. ‘Ngatinge, I va lungngaih hmel ve’ kan tih chuan ‘ka thian ten tui in tur ka lei hlanin min lo kalsan a, haw dantur ka hre tawhlo, darkar hnih vel ka awm tawh, motor a awm tawh bawk si lo’, a ti a, kei chuan, ‘chute chu, kan In lamah rawn kal la, Nakzan ah I haw mai dawn nia, hetia awm ringawt chu hmeichhe tan phei chuan a fuh ber in ka hre lo’ ka ti a, ani pawh chuan alo amen ve mai bawk a.

Tichuan, ka in lamah chuan ka thiante ho nen Rickshaw a awm tawhloh vangin ke in kan kal ho ta a, ka thiante hi vai deuh vek anni a, mizo hmeichhia hi anzuam em em a, a hmaa anlo hmuh tawh te zuamawm in anlo awm ni tur ani. ka thiante zinga pakhat chuan ‘thianpa, I thiannu hi va chhelo ve, zan in chu ka tan aw…. Hei zu pawh ka la a’, a ti a, engmah sawi set set lo chuan ka lo Amen ve ringawt mai a, I theih chuan ka la ti zui, ka hralh chu a ni ti tih tawh mai a.
In kan thlenga, kan in chinfel zawh chuan, Bual In lam ah inbual turin ka luh tir ta a, ka thiante chuan, "parawl inah nula a riak dawn a," an tia a, a dang an sawi lo. A rawn inbualzo a, keini pawh chuan ei rawng kan lo bawlzo chiah a, chaw kan khawrh nghal mawlh mawlh a, kan ei ve nghal mawlh mawlh bawk a, lalmatei chu a che vel a felin anundan pawh a mawi khawp mai a, chaw kan ei kham a, kan eina hnawk vel a sengfai vek a, a hahdam thlak khawp mai.
Chutia chaw kan ei zawh chuan thu chungin thil tam tak kan inzawt a, an khua te ka zawh chuan Haulawng a nih thu in min chhang a, ka thianpa chuan zu anrawn phawrh a, "in ang," a ti a, kei chu ka chhuak daih a, a hnua ka va luh leh chuan ka thianpa chuan, vai tawngin, ‘hei, he mihring hi amak tawp, a in duh miah lo, a fel lutuk ringawt mizo nula feltak anih hi’ alo ti suam suam a, tichuan kan zawh fel a mut kan tum meuh chuan zing lam dar khat a lo ri der tawh a, ka thiante chu an in lamah an haw a, kei leh Remsangi chu ka inah kan riak a, kan chau bawk ani ang, hriat loh karin khua a lo var leh ta der mai.
Zingah ka tho a, kan in phihfai zawh chuan ei rawng bawl ka tuma, a phal tlatlo, aman a bawl a, a siam thiam phian lehnghal a, chaw te kan ei zawh chuan, ka bazaar pui ta a, thil a lei hnem khawp mai a, kan han bazarpui takah chuan thil pawh an niin an lei ai chuan a tlawm deuh a, zali an tih te kha za sawmnga te a dawn a ngai tlat. Kha kha an lo hre ve si lova, Mizoram angin an lo bazar chu ni in, thil tlemte lei a tumna ah khan tam tak kan han lei cu mak a tiin a lawm khawp mai.
A bula awm a nuamin a fel em em mai a, a hawihhawm a, a zia hian Krista a ti mawi tlat a, a han nuisaih te chuan Vala lung hi a kuai em em mai a, hriatloh Karin tlailam alo nil eh ta der mai, Sumo Stand ah ka va thlah a, a number min pe a, MTKP Inkhawmpui , Haulawng 2013 a awm turah in hmu leh turin inngaitak chungin kan in vai liam ta a.
Sumo ka hmuh theih chhung chu ka thlir reng a, khatianga nula fel kha alawm zofate hian kan mamawh ni, khawilo kala mizona leh pathian dahtha mai ngai lo chi hi, tiin ka ngaihtuah a, thenkhat chuan Vairengte ah mizo-na te,kristianna te, minu mipa annihna te, leh kohhran hruaitu leh khawtlang hruaitu annihna te dahtha in, Lailapool anthlen chinah chuan uluk takin anluak tawh mai thin a, Bhaga leh Silchar an han thleng phei chu, Mi pa in pa ka ni an inti tawh lo a, Mi nu in nu ka ni an inti tawhlo a, ran ang maiin an awm thin a, heng, mi tlemte awm khawlo ho vang hian MIZO ka ni intih pawh zahthlak khawpin MIZO hming hi a chhia in a mawi lo ta thin a ni.
Aizawl Nu zahawm pui pui pawh Silchar an thlen thlak chuan Zudawr ah an lut tlat zel, zu hian haleluina a dal vaklo ni chek tur ani a, anla halelui thei tho zu nia.
A tuk zing a ni a, ka thiante anrawn lenga, an fak em em mai a, khatiang em em a mizo nula fel anti ve tlawt a, henglaiah mizo nula fel tak tak hmu mahse, hengho hi chu Mizoram mi annihloh vang nge, mizo ah anngailo, anni ngaihah chuan Mizoram mi chauh hi mizo an ni tlat.
Chutia ka thianten an han fak tak liam liam ah chuan ka hrechhuak thut a, kan chhuanzia te han hrilh ka tum a, phone tumin a number min pek chu ka zawng a, dawhkan ke ah chuan ka inchhuihpalh ta hlauh mai a, ka ke chu ana em em mai a, ka han harh nak chuan ka mumang lek lo ni in…. Ui tak chungin ka tho ta a. college kaltur chuan ka insiam ta a..


2012 | Silchar
ZAWLAIDI Magazine a chhuak tawh hnu a ni. 

No comments:

Post a Comment