Labels

LightBlog

Monday, 23 May 2016

TAP SUH, NGAIHSAKTU I NEI

Pic: Dawngi
Ziaktu: H.Zate, Hmar Rûn
- www.hzate.in -

Beidawnna leh lungngaihna hual velin, bawrhsawmna leh natna tam takin a bawm ṭhin che a. Harsatna leh hrehawmna tinrengin a bawm ṭhin che. mahse, chuti ang hunah pawh chuan hlim hmel pu reng ṭhin ang che.



Facebook leh Vantlang inbiakpawhna site dang dangah i luangliamin i ziak kur dup dup a. Lehlama i hriat miah lova lo thlir a, i status leh i thil post tinreng lo bih thintu lam hi i ngaihtuah ngai em? A ni chu i hlim chuan a hlim a, i lungngaih thu i post chiah khan lungngaihna in a khat ve nghal thin. Tu emaw laka i luanliam thu leh a laka i nat thu i sawi khan a ni chu tihtheih a nei lo tih inhre chungin a lo na ngawih ngawih thin. Ngam leh ngam lova i thil phochhuak a rawn tuihnih a i lo ngaihsak loh phei chuan a na ngawih ngawih ṭhin.

Beidawnnain a hual vel che vanga dam i thlakhlelh loh thu i tarchhuah chuai chuai lai khan i kianga reilote tal pawh ṭhut ve chak , i kianga hun hman chak leh thlahlel ngawih ngawih a awm a sin. Tu emaw vanga i nat vanga i nun pawh hlut lova i hman laia khan tu emaw tan chuan i hluin a tan chuan a damchhan i ni fo. Ni tina i nun hman kha a tan chuan a hlu a, tu khaw khain an ngaihsak pawh ring lova fb-ah "Vawiin chu ka va hlim tak em!!" i tih ringawt pawh kha i nun engkim lo chhiartu tan chuan hlimna thlentu a ni thin.

Hmangaihna vanga i hlim thu i thairan chiam te khan thik deuh siin i hlimna a nih miau a vangin a lo hlim hle thin a. I nun a hlim a, i hlim hmel, nui sen sen chunga i thlalak i chhawpchhuahte kha a tan chuan hlimna vawrtawp thlentu leh thlir ninawm loh a tling fo.

He khawvel, mihring sang tam kan lennaah hian , Ngaihsaktu nei lo anga i inhriat lai khan a ruka lo thlir rengtu che a awm a. I hlim vanga lo hlim ve em em ṭhin a awm a. I tan i nun i uluk peih lova, i tan i nui peih lo a nih pawhin a ni tan tal chuan nui ve la; Chu mi, i hlim vanga hlim thin, i ṭah vanga lo ṭap thin. I nat changa lo na ve a, i nun engkim lo chhiar ṭhintu tan tal chuan.

Bawihte, Tap suh, NGAIHSAKTU i nei, Ngaihsaktu nei lo anga i inngaih lai khan a ruka ngaihsaktu i nei. Chu ngaihsaktu chu nangmah vanga a nunin hlutna a neih, nangmah vanga nun nuamtitu i mihringpui , lo vei ngawih ngawih ṭhintu che leh mihringte tel lova nun nuam ti lova, sual laka thi khawp hiala nunna thapa tlantu che, amah fak ning lotu van angel tam tak nei chunga Leia a tlansate fak phut tlattu I Lalpa ngei chu a ni.

An ni hian i nat an phal ngai lova, i ṭah an phal hek lo. Hlim reng la, hrehawmna phena malsawmna awm hi chhar fo turin an duh che a sin.

19 May 2016 | Thingdawl

No comments:

Post a Comment