Sponsorship atan helai hmun hi i tan a ruak e. To Advertise here contact: +919402125273 (Call / WhatsApp / SMS)

Labels

LightBlog

Wednesday, 8 February 2017

SILCHAR TLANGVALHAI LAI CANCER INVAWI AN TAM

Ziektu-  H.Zate,
Hmar Rûn
Silcharah Bawng sung neka Kel sung zawr a fe lem thu hril ka tum naw a. Alu neka Arsa inhnik lem thu hril ka tum nawh. Hmar neka vai an tam zie hril ka tum chuong naw a. Nunghak hmeltha an tam thu hahipin hril ka tum bawk nawh. Hi hi a nih hril ka tum chuh; natna hin mihriem a lo sukna thei ti hih.

Nu le pahai khawmin mi lo hrethiem hai sien an nauhai natna ka hei hril el hih! Kei ngei khawm hin hi thu hriltu ka ni hi pawi ka tih, Silchar Hmar Tlangvalhai laia a tam lemin Cancer an invawi ti hih.
A makin ana; hieng ang natna an hei invawi el hih ! Thenkhat sikser leiin an na a, thenkhat dadu lei damin, sienkhawm, a tam lem chu cancer invawia na an ni tlat si.
Hienga cancer invawi an tam lei hi ni ngei ding a na, Damnaw kan ding an um a, SMC-a dam naw nek chun Cancer Hospital a mi kan inhawi an ti lem hlak. Ngaisak khawm an hlaw bik hlak an tih.
Ngaisak naw chi ziezang a ni nawh. A tlangval po po deuthawin an invawi el si. Natna dang ang le hmun danga Cancer ang lem chu nisien thipui khawp hiel a ni awm ie.
An sum le pai, an tha le zung a fak ral a, an hun tam tak hi natna lei hin an khawral bawk. Sienkhswm, mak ve deu chu an cancer invawi hi a thawk hrat rak naw am a nih , chemo khai khawm an la um nawh.
A hmaa 'SMC' ti hlak hai khan tuhin chu 'Cancer Hospital' an ti zo tah a. Mi thangpui inhawk a, SMC&H , South City, Medilane, Nightingale le damdawiin dang danga tlan hlak hai kha tuhin chuh an lungrilah Cancer-in hmun a chang tah a, an thisen zung zam fangin an rawp ral mek a ni si a.
Mak hi ka tiin na ka ti hlak, hieng ang lawm lawma Cancer invawi an tam el hih!
Hieng hin ka ngaituo hlak a, CANCER HOSPITAL ah hin Tlangmi nunghak hi, hi nek hin tlawm deu hai sien Silchara Hmar tlangvalhai hin CANCER hi an lungrilah an invawi naw deu el di'm ?!
06 Feb 2016 | Silchar

No comments:

Post a Comment