Sponsorship atan helai hmun hi i tan a ruak e. To Advertise here contact: +919402125273 (Call / WhatsApp / SMS)

Labels

LightBlog

Saturday, 8 April 2017

BAWIHTE, ENGAH NGE MIN KALSAN?



Ziaktu : H.Zate,
             Hmar Rûn.
( _He tlangval khawngaihthlak, mittui nena a inpuanna hi ka khawngaih em a, ka ziahsak lo thei lo. Ka khawngaih em mai a, ka ziak țha thei mang lo. Ama țawngkam ang diak diakin ka dah hnem zawk hial ta ve ang!_ )


_Kha hna ka dil kha a ni ka tawn ni tûr a ni tih rêng ka hrelawk lo. Kha nula hmelțha tak kha ka nun chhiat phah a, ka buaina tûr a ni tih pawh ka hre lawk hek lo. Mahse, hre lawk pawh ni ila, a ni kha tawn ngei ka tum fan ang, ka hmangaih miau si a. 
Hna pakhat dilin Interview ka hmachhawn ve a. Kha ni kha ka hmuh hmasak berna  ani.  A hming pawh hre lo chuan, A chezia leh a awm dan engkim mai chuan ka mit a lain hmuhnawm ti em em hian ka thlir a. Mahse, Hmeichhe pakhat ka lo natpui tawh vangin hmeichhe dang melh leh erawh ka ngam lova, Ka thinlungin duh a ngaihven em em siin ka ngaihsak duh lova, a hming pawh hriat ka tum lo.
Interview Result a lo chhuak a, ka lo beisei leh a ruka ka lo suangtuah ang ngeiin a ni nen chuan kan tling a. Țhian dang tling ve te nen chuan kan hlim ngei mai. Tling zingah chuan ka hlim ber awm e, Gemma a tling ve miau a!
Kan hna zawmna atan kan training a. Training chhung chuan ni tin inhmuin kan inkawm a. A ni chuan țhian anga min enin țhian angin ka en ve a. Mahse, chhung lam erawh chuan ka ta ni turin a duh si. Kan awmho rei telh telh a, ka duhna a zual tual tual a, ka ngaina tulh tulh mai si.  A tawpah chuan ka bêm ta nghe nghe a. Duh takin ka sawmna min chhanni kha a va han niam tak em!
Thla 1 kan training chhung chuan kan inzui râwt a, kan kal dunin kan haw dun ziah a, mahse, ka ngaih a reh lova, a nêm thei hek lo. Ni khat ka hmuh loh hlek pawhin hrehawm tiin zanah ka mu thei lova, ka â thei mai dawn te hian ka hre țhin. Ngaihzawng neiin duh lo nei ve tawh mahila a ni ang êm a ka rilru luahtu leh ka vei hi ka la tawng ngai lo. A makin min hneh thlawt a ni. A ni lo chu engmah ka ngaihtuah thei lo a ni ber e.
Pathianni tlai khat chu Ka thianpa nen an inah kan va leng a, zakzum mi ka lo ni bawk nen an in ka han lut chiah chu an lo awm deuh thup a ka lai lutuk chu ka sa vut vut hian ka hria. Mahse, a felin a chhungte an fel a, thingpui te min lo lum a. mahse, kan zak miau a, țawngkaa inbe lovin phone ațangin thu kan sawi char char ringawt. Kan awm rei lo viau a ka hriat laiin tlai lam a lo ni der mai a, haw lo thei kan ni si lo, haw lam ka van hreh tak em. A kiianga reilo te ka awm chhung a ka hlim zia te, a nui hmel mawi tak te mitthla ah a cham reng a, ka thlahlel ngawih ngawih mai a ni.
Zan ah hian ka va call țhin a sawi tur ka hre lo dun thei khawp mai. Mahse, nuam ka ti ve em em țhin.  ka hmangaih em avangin a  tan chuan eng pawh tih ka huam a, ka ti bawk țhin.
Hun a kal zel a, chu ka ngaih em em, a ni pawhin min hmangaih ve nia ka hriat chuan, min rawn biak a  tum ve  ngai ta lo. Ka ngaih a țha lo țan a, dawt min hrilh a hreh lo țan. Mak ka ti lo thei lo.
An in a len ka tum chang hian, "ka awm lo," a ti țhin a, mahse, ka finfiah chuan a awm tih ka hre reng tho si. Dâwt min hrilh tih hre mahila, ka hmangaih a, ka duh miau avangin ka hnar thei lo. A chungah thinrim țhin mahila, a lo lan tawh chuan ka nêm leh mai țhin.
Pathianni zan khat chu, len tumin ka va hrilh lâwk a, a ni pawh chuan leng turin min sawm ve a; Mahse, Ka kal hmain min rawn be leh a, "kan khua-ah ka haw dawn!" a ti a, kal lo tur chuan min hrilh leh ta a. Kan inhmuh loh rei tawh vangin ka ngai em em a, hmuh ka châk a, mahse, a phal tlat si lo.
A tukah ka va kal a a lo zin chu niin thawhțan ah a lo haw tur tu min hrilh a,
ka lawm ngei mai thawhțanni a ni a, a lo haw a, Training turin kan kal dûn a, Min rawn kuah a a va'n nuam em; mahse, Ka ring thei tak tak tawh lo.
Training chu kan haw  dun leh a, ka Hmui ka tuam avangin a chhanah chuan min fawp zeuh a  mahse  ka la ring thei tak tak lo.
Kan haw thla dun a,  training te kan zo tawh boka "inhmuh khat âwm!" tih thu te kan sawi mawlh a ani chuan fiamthu deuh hian inru ila tiin nui ver ver hian a sawi a. Kan nui dun hak a. "Min van be duh lo em em ve" ka ti a, 'ka buai thei lutuk a"  ka hrethiam, a buai ang, mahse, min ngaihsak hman lo khawpa buai erawh a ni lo tih ka chiang.
Zan a lo ni a,  ka va bia a, peih lo hmel deuh hian min rawn reply zauh leh țhin a  zan a rei tulh tulh a,  chu zan chu mi dang tam tak tan chuan zan hlimawm tak ani awm e, mahse ka tan chuan zan țihbai awm leh zan lungchhiat thlak a ni. Ka hmangaih, ka duh leh ka inghahna chuan țhenna biahthu min hlan a, chutah zet zawng mipa hi ka lo va pâ lo si em! Mittui a far lo thei lo, ka rilru na lutuk chu ka țap lo thei lo.
Ni tin ka  ngaihtuah a, kan lenna, kan awm dan leh kan hlim țhin zia  te rilruah châmin mitthla-ah a lo lang zut zut reng a. Ka be leh țhin, mahse,  "Min theihnghilh tum rawh!" tih chu a hnen ațanga chhanna ka dawn awm chhun a ni. "Ka thei lo, ka tum chuang lo ang." ka ti fan a. Ka țawngka chuan a lakah chuan sava hrâm ri pawh a tluk tawh lo. Ninawm mai ka ni tawh si.
"Eng ati nge min tina turin hmangaih biahthu min lo hlan."  ka ti țhin.
"Engah mah min ngailo em ni?" tia ka zawhna pawh chhangtu awm lo, "Bawihte, engah nge min kalsan?"  tia ka zawhna chu min chhang lova, a chhan min hrilh hek lo,  a lakah chuan ninawm leh tibuaitu mai ka ni tawh a, hlutna rêng ka nei tawh lo.
"Di, Ka hmangaih Che!" tia ka tana engkim phal.min fawptu ngei khan, a sawina ka leh min fawhna hmui ngei țhenna min hlan si. Ka hmangaih a, ka hmangaih reng anga , ka hmangaih reng fo ang.
Mahse, a tana ninawm ni tura tihbuai erawh ka hmangaih em avangin ka tum bik lo. Kan ințhen ațang chuan ka tuar thiam lovin ka nat phah em em a. Pathian hial pawh demin kohhran lama ka rawngbawlna thleng ka hnual phah a, țhalaia ka mawhphurhna pawh  ka hnâwl ta zel a. Ka nun hian a chhiat phah ta a ni.
A tawpna a tan he thu hi, "Bawihte, Nang chuan theihnghilh tur che in min duh a; Mahse, Kei chuan ka thei lova,  i bula awm reng chung pawhin ka ngai țhin che a nih kha! Nang chuan min theihnghilh mahla, ka hre reng ang che. ih maw, hei chauh tal hi, *I lungngaih ni talin min lo hre ve  țhin la*, Ka theihnghilh ngai lo ang che,  ka hmangaih reng bawk ang che.
Kalsan nih hrehawm zia min hriattir a, bawihte, ka nat ang hian tu mah an nat ka phal lovang a, ka tina hek lovang. Tin, ka tawrh ang tuar a, ka thinlunga ser i siam ang hi tawng ve lo turin duhsakna ka hlan che a, chu chu Lalpa hnenah pawh ka dil a ni fo.
Hei chauh hi ka zawt leh ang che,
" Bawihte, Engah nge min kalsan?! "
07 April 2017 | Thingdawl
https://hzate.wordpress.com/

No comments:

Post a Comment