Sponsorship atan helai hmun hi i tan a ruak e. To Advertise here contact: +919402125273 (Call / WhatsApp / SMS)

Labels

LightBlog

Sunday, 28 May 2017

UNSPOKEN LOVE - 3

​Model: Ms Mapuii
Ziaktu: H.Zate
A um dan ang ang chu mawi ka ti a, a nun dan iengkim el kha ka ta ding chun thlir nghawkum naw a ni ringawt el a nih.
A hmel hmu châkin ka buoi a, a hmel ka hmu leh en dan tawk ka thiem naw a. Ka en nuom nawk taluo hlak.

Kan inhmu changa kan inbiek hin kan buoi ve ve hlak. A ngaizawngnu chun ka dit ti a hriet leiin ka hmu hawiah ka thik ding kherin a umpui hlak a. Ka natpui thei khawp el.
Sienkhawm, a hlim hmel ka hmu pha ka dam nawk vawng vawng hlak! Ka tieng nghaa a hung innui sieu tluka ka ta dinga damna intluntu a um awm nawh.
Chuonga ngaizawng a nei a inthawk chun kan hmu ngai rak ta naw a. ka hmu chang a ngaizawngnu leh a ni deu tak a. Ngaizawng a nei fuk naw am amain a zir ve hrim hrim, ngaizawng a nei a inthawk chun ruihlo thawin a nun a bawraw ta khawp el. A nun dan mak taluo ka hmu chun a hriet si lo hin ka lo na ngawi ngawi a. Sienkhawm, a nunah inrawl thei ka ni naw a, thaw thei ka nei ve si nawh. A rukin ka lo tuor tlawk tlawk el hlak a nih. 
Hun a liem a, kum a liem a, kum hni zet a lo invawi tah. Ka lungrila a hlutna a la danglam chuong der nawh. A thil thaw a hlawtlingna a changah ka lawmpui a. Lawmpuina thu dam thawnin, kan inbiek ve zeu zeu hlak.  A ngaizawngnu leh ințhein ngaizawng a thleng zut ta a. Sienkhawm, mak deuvin, a nuhmei lemin an kher pei a. Zu le sa ah a nun hmangin khawvel par a tlan a, a nun chu a khawlo ta khawp el. Hmangaitu ta ding chun a tlawm lai hmel le a tluksiet hmel hei hmu chu a rinum khawp el.
Ni khat chu a sangnu leh kan inhmu a, "Ka u um dan hi nang a lei vawng a nih!" a tia, mak ka ti kher el. Ka hrietthiem naw taluo lei chun dawn dan ding le hril dan ding khawm ka hriet nawh. 
27 May 2017 | EFCI Center, Guwahati
        Part 1          Part 2
( A sangnu thil hril a umzie hre dingin Part 4 lo tiem nawk la. )

No comments:

Post a Comment