Labels

LightBlog

Saturday, 12 August 2017

CALL GIRL AN TI!






[ Thlalak hi thlalak mai a ni e. Story nen inzawmna an nei lo. A thlalak hman phaltu Mimi Tochhawng chungah ka lawm e. ]

Ziaktu: H.zate, Hmar Run.

(  WhatsApp ah min rawn text a, a chanchin ziahsak turin min ngen a. Ka ziak ta nge nge a, mahse, veng hming leh mihring hming erawh tihlan a ni lo. Lo chhiar la, Ka hnena Tlangval khawngaihthlak inpuanna chu! )

Ka muhil thei lo tih tur hre lo chuan _Facebook_ a ka facebook thian thenkhat thlalak chu enin ka  chinglet vel a. Chutia ka en lai chuan mi pakhat thlalak chu ka hmu fuh hlauh mai a, nalh ka tiin ka en ning lo hle! Mit dawih leh khap zuk zuk thin kha a ni thlalak en nan hi chuan ka mit a khap lo chiang kher mai! A khap lo mai a ni lo, khap nachang a hre lo!


A thlalak enin, _'like'_  ka hmet kauh a, a thlalak zawng zawng, 300 chuangah _'like'_ ka hmet kim hman vek. Chutia a thlalak _'like'_ ta chiam mai chu mak a ti ve ni tur a ni. Lawmthu min hrilh hial a! Chutiang vel chu a ni, a ni nena kan inhriat tan dan chu!
Chu zan atang chuan kan hun awl neih apiangah kan inkawm a. Kar 3 vel chutia facebook kal tlanga kan inkawm hnu chuan amah kawm lo chuan ka awm thiam tawh lo. Facebook ringawt chu ka duhtawk lo, a tawpah chuan Ka zahtheih loh chhuahin a no. ka dil a, tha tak leh pangngai takin min pe ve mai a. Ka va han lawm teh lul em! 
A no. min pek zan chuan zan a rei tawh em vangin ka call nghal mai lova, a tuk pawh chu ka rial a. Zan a lo nia , ka han be ta a. A aw ngaihnobei zet kha ka bengah hian a va han ri mawi ber kher em! Kha aw tluka mawi ka bengah hian a la lut ngai lova, a lut leh ngai tawh pawhin ka ring lo. 
_Phone Call_ ringawtah tawp kan tum lo chiang kher mai! _WhatsApp_ lamah hnen, fb nen, kan inbe awl lo a ni ber mai.
Chutia inkawm reng ta chu keiin ka lo haw lo hrim hrim bawk nen karah inngainatna a lo awm a. A tawpah chuan kan inngaizawng chu a ni ta der mai a!
Inngaizawng e ti lo chuan a takah kan la inhmuh miau loh avangin lawm a kim thei lo.  A aw hria a, a message chhiarin a thlalak en thin mahila, lawm a kim thei mawlh lo!
In be ve reng ta chu inthlakhlel a na a ni ang e. Ni khat chu inthlahrungtakin a thlalak ka dil a. Mahse, a phal ta hauh lo mai. Ka dil ngun poh leh buaina kan hmasawn zing a ni mai a. Vawi 4 ka dilna ah chuan inthen a rawt ta nge nge a. A saruak thlalak ka dil pawh a ni zeng lova , a haw em em mai kha mak ka ti. Mahse, ka rilru a lo luah ve laklawh tawh si a, chuti maia inthen ka duh lo. Ka pawm thei hlawl lo. Kan han inbem tha leh rih vel a! Kan ni leh thei hram a. Hmeichhia hi chu an duh lo chung chu tihlui an lo har a ni.
Inngaizawng a inkawm ta fo chu kan inngaina a, kan innel tual tual a. _Facebook_ lamah pawh kan nun pangngai ang ni lovin kan thil tih apiangah kan in-tag fo mai thin.
A piancham a hnai a, a piancham a tan thilpek hlan ve ngei ka duh  a. A duh zawng ka zawt a, a va duh to si em! Phone mawi hnai ve tak a duh tlat mai. Ka neih loh thu ka sawi pawhin, "Min hmangaih chuan..." a ti tlat mai si. Nei lo viau mah ila, ka hmangaihin a phut miau si ah chuan ka inhlawh a, a duh ang chu leiin ka thawn ta a. A Phone duh ber mai ka leisak a, a hmuh nia a lawm zia kha aw! A lawm thiam zia kha ka ngaihtuah let hian mak ka ti zawk, mahse, a ni aiin kei hi ka hlim zawkin ka hre leh hnuhnaw.
A piancham thilpek ka pek atang chuan kan inpawh sawt a. Kha thil min leitir kha min lo fiahna chu niin a hnuah ka account ah a rukin a rawn thun leh vek! A mak a ni he nu hi chu. Ni tin mai hian inbe lovin kan awm thei lo a ni ber. Eng a hria ni maw, ni khat chu a thlalak min rawn thawn teh tlat a. Lawm tur nge thinrim tur pawh ka hrethiam lo. Ka tan chuan a mawi hliah hliah a, ka en ning lova, ka en kham thei lo, Ka Phone ka en ngun phah. A mawi zia leh a nalh zia ka theih ang tawkin ka hrilh ve a. Ka tawngkam thiamnain a daih lo.
Ingaizawng a inthlahlel ta chu tawngkam leh thu thawn ringawt kan duh tawk  lo, _Video Call_ ten kan inbia a. kan inngaina telh telh a, kan inbiak dan a a ril telh telh ni berin ka hria. Zan khat chu, "Ka hmangaih zia che lantirna'n hman a min dil aia tha kha ka pe ang che!", a ti a, Phone hmaah chuan a inphelh ta mai a. A kawng chin chunglam zawng min hmuh tira a hmuhnawmin a mawi ngei mai! A nalhin a mawi thlawt a ni. A pian a nalhin a vun rawng a ngo si a, a naute chaw lah a mawi. Mit laksawn a har nangiang e! Ka en zawng pawh khan ka ni deuh up up maiin ka hria. An hmangaih takte hmaah chuan hmeichhia hian ui an lo nei lo em!
Chumi zan atang chuan en reng tur emaw ka ti a, a chung lam chu zan tin deuh thaw ka en thin a, a hmuhnawmna a dang chuang lo. Mahse, thil hi a lo mak a, tlemte hian a aia tam zawk a lo hring zel zawng a nih hi. Kan inkawm rei telh telh a, engkim mai hi kan inhmuh sak a ni deuh ber mai. Kan hlima nuam kan ti a, kan inpawh zual sawtin ka hre thin! Sex hman kan chak thu kan sawi fo a, mahse, insum tur kan nih zia erawh kan sawi ve fo bawk!
_Tun hnua ka ngaihtuah leh hian kha inngaihzawnna kha a lei a lo ani. Video Call leh internet hmaga Kan inbiak dawn apiangin Internet pack min thunsak zel a. Call pangngai nise, amah min  call hnem zawk!_
Inral sai reng chu kan ning ve ta a a taka inhmuh kan rawt a. Aizawla awm a ni bawk a, Aizawla inhmuh kan rawt a . Hmun remchang a lo ruatah chuan kan inhmu ta ngei a. Nuam kan tiin kan hlim khawp mai. Ni lengin hun hlimawm kan hmang dun a, a engkim mai kha ka tan a hlan a, ka lakah phal loh reng a nei lo, a zei nangiang e, heti ang zirna sikulah hian a kal emaw ni tih mai awl tak a ni. Amah avangin chakna in ka khat a, ka lum pup pup a ni der e, mahse, Sex erawh kan hmang lo! Kan insum ve tlat.
A chhungte min hmelhriattir a tum viau na a, kan hun neihin a zir si lova, ka hmu thei ta lo.
Mak deuh maiin he nula hian tumruhna, tuarchhelna leh thil tam tak min zirtir a, ka tan chuan a hlu hliah hliah a ni.
Nun hi kan duh danin a kal vek thei lova, kan nawm tih danin a kal reng thei si lo. Kan inhmuh atanga kar khat a liam hnu chuan ni khat chu a len tur thu a sawi a, "tlaiah kan inbe leh dawn nia," a ti a. Ni dangah pawh a thiante nena an len dawn te hian min hrilh a, a hnuah kan inbe leh mai zel a. Mahse, a ni tawh lo. Tlai a lo ni a, ka call a, a phone a off si, WhatsApp ah lah a lo online si lo. Chuta tang chuan  kan inbe thei ta reng reng lo mai a, mak ka tiin hreawm ka ti. Fb ah chuan online reng siin, thil engmah a post tawh ngai lo, _WhatsApp_ ah a online ngai tawh lova, ka call lahin a phone a in-off reng mai bawk si. Ni tin amah biak tumin tan ka la a, mahse, a theih si lo.
Min be duh lo a nia ka hriat avangin a chanchin hriat tumin an awmna hnaia ka thianpa ka zawt a. Ani pawhin an lo hre mai bik lo.
 Mahse, ngaihven tur a ka ngen miau a vangin a chanchin chu a theih angin min lo chhui sak a.  A va na si em. Ka thianpa'n a chanchin a han sawi chu ka awih lo hial zawk! " *Call Girl an ti* " a ti a. Chu ka thil hriat chuan min thawng khawp mai a, rin harsa ka ti a, hrehawm pawh ka ti. Ka thianpa chuan, "I rilru a na viau em?", a ti a, "ti na duh suh, i call thin a, hmeichhia a ni a, i tan chuan *Call Girl* a ni mai a lawm!" a rawn ti a, a mah lah chu a nui vak vak mai si a. Min lo fiam lek chu niin, "Ka hnek dawn che!", tih pahin ka dah ta hmak a.
A hnuah chuan ka thianpa chuan a chanchin chu tha deuhin min hrilh ta a. A va na si em! "Kha mi ni, leng tura a insawi ni khan, tlai lama a haw chu in a thlen hmain scooty in an chesual a, a boral ta a ni!", a va na ngai em. "A phone lah a chhe bawk si a, a chhungte'n  biak thin a nei tih hre mahse, tunge a nih an hre thei lova, a nu nen kan inhmu a, hetiang khawpa an fanu hmangaihtu chu eng ang mi nge a nih an hre duh a, zin turin an duh che a nih chu!", a ti ta a.
Ka hmangaih, hun remchang ka neih pawh a a par ka tliah phal loh chu Thihna nunrawngin a par vullai a lo thliak ta si!
10 February 2017 | Thingdawl
Thuziak hi tha i ti a nih chuan a hnuaia share button hmang hian lo share ve la!
Sharing Is Caring!

6 comments:

  1. tha hle mai...mahse ka share peih leuhhh...

    ReplyDelete
  2. This comment has been removed by a blog administrator.

    ReplyDelete
  3. Its my great pleasure to visit your blog and to enjoy your great posts here. I like it a lot. I can feel that you paid much attention for those articles, as all of them make sense and are very useful.  MonacoEscorts

    ReplyDelete
    Replies
    1. Thanks alot for visiting my blog..

      Delete
  4. This intrigues them and they want you more. So when calling a girl that you like or that is hot or high quality do it as if she was just another ordinary girl you aren't so into.New York escorts

    ReplyDelete