Sponsorship atan helai hmun hi i tan a ruak e. To Advertise here contact: +919402125273 (Call / WhatsApp / SMS)

Labels

LightBlog

Friday, 8 September 2017

A REM VE SI NAWH


Model: Becky Khawbung

Ziektu : H.Zate , Hmar Rûn

'A nu le pa hlak chun a phing sungah kan naute thla 5 mi a  um mêk ti an hriet si naw a. Kan innei chu an phal thei mawl nawh!'
Kan intawng dan a mak ang bawkin kan inngaizawng țan dan khawm a mak a. Mak taka ințan na na na chu mak takin nun kan hmang pei a, a mak kuol vel vawng el a nih!

Hun hlimum le ngaium la'n chang ding tam tak kan hmang kawp a. Țapna le lungngaina chenin kan inhriltuo hlak. A tir chun a mi dit em leiin a taksa mawina lei chau a ngaizawng ka ni a. Sienkhawm, kan inngaizawng sâwt a, a taksa mawina khêla a sung tienga mawina um chu ka hmu pei a, ka zûn zâmah ka thamral ta a nih.
Nunghak hleitling, pieng nal le inno sùk el a ni a. Kei chau ni lo, tlangval tam tak khawmin zan khat bêk zalpui thei chu an châk ve vawng a nih. Chu laia kei a mi thlang chu, hmangaina lei ni naw khawma ka lo pawm ve el kha ka ruolhai khawma awm naw an ti naw a, chu nêk hmanin an mi thìk lem hiel a nih.
A hmel țha sieu el, a bienga biengsum inkhúr kâk el, a áwm bawr pawng lal el, a kawng infêk rai el, a mawng pawng țal le a mal inmum tal khela váwng țal el hai chu tlangval thisen hrât lai mita ding chun a mawi naw thei nawh. A piengzie le a hmel țhatna le a nalna ringawt tlân châk lei chau khawm hin tlangval tam tak chun thla tam an hél ruoi el awm ie! A hmel țha tak el khela a innui hmel mawi tak le a phêna zûn inzam riei le a râsi kai hieu mawl hi a nih, kei ka lungril po po hne a, a tira khumpui chau ngaituo a ngaizawngtu hi a zûn zamah chawl tui inrui si lova, ka lo thamral takna san!
A tira a pâr tlân châk lei ringawta kawptu kha tu hin chu a țhang lovin ka um thei ta naw a, a țhang lova nun hmang ka inzuom ta nawh. A hei innui zawng a a biengsum inlang sieu hlak ka hmu châk lei ringawt khawm hin a hlimna dingi thil ka thaw rawn ta si a!
Kan inngaizawng a, kan inhmangai a, kan hmangaina chun innêlnaah, chu innelna chun inngainatnaah a mi'n tlun a. Inngainatna a inthawk inngaina suolah kan lo tlu der el tah. Ka fawp a, fawp chau ka dittawk naw a, a tawpah chun nupa kar a ding chu nupa ni hmain kan lo pûk lawk der tah! Kan pûk a, kan pûk pei a, hnuk a lo hlat bawk leh kan zawngsak a, a tawpah lem chun kan sim thei ta naw a ni deu tak!
Kum khat kan inngaizawng tling meu lem chun ka sin inrim rá a phingah a hung um țan ta a. Ka hmangai a, ka dit a, ka leia a țap ka phal nawh.  Inphatsan ka tum naw  a, ka thil thawsuol chu pasal ka ni anga pasal taka paltlang ka tum tlat a nih.
A nu le pa kuomah an naunu hni dingin an khuo ka pan a. A hni khawm ka hni hma, kan inngaizawng thu ka hril a inthawk an phal naw chu a ni țan nghal. An phal naw ti hin a hrilfie zo naw a ni deu tak.  An lung a sen a, an mi pêt suok naw chau a nih. A nu le pa hlak chun a phing sungah kan naute thla 5 mi a um mêk ti an hriet si naw a. Kan innei chu an phal thei mawl nawh! A nu lem a hrâng hrât hrâtin a la țhang nawk nghal. An naunu hi tosan lang nuthlawi a ni el ding ti hlak an hriet nawh!
Sienkhawm, bansan el ka tum nawh. An phal naw leia inkiengsan ka tum nawh. "Ka nun i ni a, ka sunga um hi i nau a ni bawk. Mi'n phatsan naw hram rawh aw!" tia mi ngentu ngenna hi a ni naw zawng a dawn dingin ka huoisen táwk naw a. Ka nau fahra chan inchang tir dingin ka nunrawng tawk bawk nawh. A mawina ka thlakhla em em hlak, kei a leia chuoi mêk hi ka inkiengsan thei mawl nawh!
Inrûk kan rawt a. Ka hei inruk ta ngawt a. Sienkhawm, an mi zawng suok a. An țhuoi kir nawk a. A tawpah lem chun ka lungril a buoiin ka nghawk ve deu ta bawk leh, 'Rûn hmunkhata ei leng hi a rem ve si nawh!' tiin inthlana kan siem ta hiel a. Ama khawm a na a, kei khawm ka na tak zet! Chu thu kan hril zan chun a biengah mitthli a luong ngiei ngiei a, a bieng a biengsum, mawi ka ti em em hlakah chun a mitthli  a luong a, ka hrukfaipek a.
Kan inhmangaina a hun naw a, kan sukpuitling leiin ka inchuknain a tuor a, kan hlawsam naw a chu hlawtling naw neka hlawting an ti ang chau kan nih.
Anachu, thla a hung invawi a, a sunga ka nau a hung lien a, an hrietsuok tah a. Kei khawm, tha thar insuoin ka hmangai, khawvel nuhmei dang po po hnâwla ka thlang chu nei ngei dingin ka bei nâwk a. An naunu nuthlawi el ding nêk chun a nu le pa khawm chun an phal ve thei hrâm a. 'A rem ve si nawh!' tia thu ka lo inhlan ta hnung leh chun a tawpah chun lungruol takin kan leng hmunkhat ve ta a! A pâr mawina tlân ka'n zuom chu a mawina a chuoi a, taksaah ditumna le nalna hrimin hmun a chang ta naw hnungah khawm hmangai zing dingin ka intiem ta lem a!
07 Septemtem 2017 | G

1 comment: