Monday, 4 September 2017

NUNHLUI TAWNA LUONGLIEM







Ziektu

: H.Zate
Hmar Run

I hung kir tah naw ding ti hre zing siin ka la nghak rawp hlak che a.
Ka ta dingin i vul ve tah nawh ti hre zing siin i parmawi chuong hun thlir ka lo tum fan hlak.


I ta dingin hlutna ka nei tah nawh ti hre zing siin i ta dingin ringumna ka la vawng fan si a.
I ta dingin mawina hrim ka nei tah nawh ti hre zing siin i ta dingin ka parmawi ka la chuong hlak.



Ka sietpui ding a nih ti hre zing siin i thatna dingin ka thaw nawk hlak a.
Ka natna intluntu el i nih ti hre zing siin tangnem-ah nemtein ka la pawm zing si che!

Beiseina mi siempekin Beidawngna ruomah i min tlun a.
Ka beidawngna intluntu el i nih ti hre zing siin i lakah thatna ka la beisei fan si.

Tapna i mi'n tlun nawk ding ti hre zing siin i hlimna dingin ka inpumpek a.
Hlimna tawite i mi pek hi a tehlem el a nih ti hre zing siin hlimna tak tak hmu ka tum nawk hlak.

I duthusam sukpuitlingna ding chauvin i mi hmang ti hre zing siin i lakah ringna ka lo innghat si a.
A tangkai tah nawh ti hre zing siin i laka ka lungril putzie hi ka hril nawk hlak si che.

I mi'n phatsan nawk ding ti hre zing siin ringum takin ka pawm hlak che a.
I hmangaina ka chang tah nawh ti hre zing siin ka la hmangai awp hlak che.

hzate.in

12 Feb 2016, Barjar, Nalbari, Assam

Model: Joseph Darngawn , Lalnieng Khawbung  and Esther Fanai

No comments:

Post a Comment