Labels

LightBlog

Friday, 22 December 2017

PEOPLE’S MIZO IDOL THAWHLEHNANIROPUI (Interview)

Puipuia leh an sikul tuolah - 2015

(Kum 2015 a Puipuia, an in ngeia ka interview, Manmasi Digest a suok ta hnung ka hung sie nawk. )
-H.Zate, Hmar Rûn
- www.hzate.in
Zohmun Tlangval, Mizo Idol 2015 top 3, Mipuiin ngaina em ema Tlangvalte tia an ko hiel, a thlak hnung khawm a ‘Mipuihai Mizo Idol’ tia an ko ngat Thawhlehnaniropui chu an inah ngei lengin ka inpawlpui a. Zan niin H.S.A Thuoituhai leh an in kan hei lut chun Pindanah lekha a lo tiem a, a nuin hei kovin ‘ a la laklaw deu a’ tiin minit 2 hnung chun a hung suok a. TV a nekin a taka chun a lo ngo lem a, a tawngbau ruok chu a  pangngai. Hnesaw zeta ka thil indawn a mi dawn zawt zawt lem khan chu H.S.A Thuoituhai lawmah a tlaa an lo innuidur dur a. hun intertep tak karah an tapa ngei chun inpawlna kan nei a. A mi dawn dan puitling taluo khan a nu khawm a suknui ngun hle a, kuva zel pumin kan inpawl a, inhawi kan ti ang reng.
Hi Hun intar tak karah inpawlna hun i mi siempek hi a hmasain  lawmthu ka hril che.
I Hming Mi tamtak sukbuoitu le an hriet bik em emna che hi mi hei hril thei i ti?
Puipuia chu HSA Education Campaign, Ṭinghmunah hla a saka, mipuiin an lawm hle. 

Thawhlehnaniropuia: Aw, hril thei ie THAWHLEHNANIROPUIA ( Hmar tawng chun Thonawknaniropui)
Anleh, I Nu le i Pa hming?
Puipuia: Ka pa chu C Zoramthanga a nia, ka nu chu Laldingliani a nih.
I Piengni?
Puipuia: 2001 April 15
Unau iengzat am innia? Nuhmei Pasal iengzat am? Iengzatna am i ni?
Unau: Unau hi Panga kan ni a, Nuhmei pakhat a um. A naupangtak dawt ka nih.
Inchuklai i la ni a, pawl iengzat am i inchuk ta a?
Puipuia: Pawl kuo ( 9)
Ieng sikula kai am i ni?
Puipuia: Zohmun High School, Zohmun
I hmatieng ieng am ni i tum a?
Puipuia:  Hlasak thiem inlar
Zonet Mizo Idol-a hin iegtinam i hung thang el? Tu thurawn a thang am i ni?
Puipuia: Ruolhai le pa thurawnna lei.
Zonet Mizo Idol-a khan ieng ang beiseina neia thang am i ni?
Puipuia: iengkhawm beiseina kan nei nawh. Kan sunghai le kan khuo hai chun tukum la thang naw a Zonet Mizo Idol buotsai nawk hun ding kum 2017 a thang lem dingin an mi ti a, sienkhawm ka pa in ‘Tawnghriet ani el annawm’  a ti leiin ka va thang ve mei mei a ka ring naw dei tieng Pathien zarin hi chen hi ka tlung anih. Hi chen ka tlung hi kan beisei phak nawh. Ka pa lem chun ’tu tum thang ata, a nawk pha khawm a thang nawk el ding annawm, lo va thang mei mei raw se’ a ti hiel a nih.
Hla isak tan dan mi hril thei i ti?
Puipuia: Aw, hril thei e. Kum 12 ka ni kuma inthawkin hla ka sak tan.
Mipui hmaa hla sak tanna?
Puipuia: Salvation coffee nite (Charity) –Zohmun
Inkhawmpuia a dam hla i sak ta am?
Puipuia: aw, sak ta ie. Sakawrdai-ah KNP Biel Inkhawmpui le ABC Inkhawmpui Ramhlun BCM Biek Inah , hi tum hin “Asawm reng che” ti hla ka sak.
        
Zonet Mizo Idol-a i thang khan i Nu le Pain an tawiawm tha che am?
Puipuia: Aw tawiawm tha taluo. Ka pa-in elimination round a inthawkin a mi umpui ran.
Top 10 i ni hnunga i beiseina?
Puia: Top 3 bek chu tling ka inring.
Mi hin iengtinam hrehai sienla che i nuom a?
Puia: Thangpui ngaihai thangpuitu.
Ditzawng:
                Thuoitu: Dr. APJ Abdul Kalam
                Hla: A sawmreng che
               Hlasakthiem: TBC Zaithanpuia
               Hlaphuoktu: C Lalzarmawia
               Hme: Arsa
               Rawng: Sen
               Actor: Priyanka Chopra
               Nambar: 10
               Infiemmi: Cristiano Ronaldo
              
I Hobby ?
Puipuia: Hlasak le Football pet
Hmasawp i nei am?
Puipuia: aw, lekha thiem taka inchuk le Music video siem ka tum.
Mipuiin an  nghakhla hle a nih. Tha deuin hung buotsai dingin ditsakna kan inhlan che. Hun intertep tak karah hun i mi pek leiin kan lawm ie.
Puipuia: Keikhawm ka lawm taluo.
Zonet Mizo Idol a inthawka a naupa a thlak khan iengtinam a um ti indawn ani a. “ Iengtin khawm ka um chuong nawh. Pawi tina khawm ka nei nawh.’ Hi chen hi i mi thuoia ka lawm ie’ tiin pathien kuomah lawmthu ka hril lem” a ti a, iengkimah a lawm thu a hril sa bawk anih.
[ Naupang tha tak ani a, a hmatieng peiah hmasawn pei dingin ditsakna ei inhlan.]

No comments:

Post a Comment