Saturday, 20 January 2018

MAI MAW!


Phuahtute: H.Zate  leh  Dintea Hlondo

Di nen hlimte’n kan len laiin,
Karah hmelma an lo hranga,
Thenna’n dawtthu an sel,
Di nen sam-ang in thenna’n,

#Lungrun min dawn ve che maw.
I zunngaia a riang te hi,
Thinlai rukah i khat liem si,
Thinlai hnemtu di Lenmawi,

Mahriaktea han dawnchangin,
Thinlai rukah i thar leh ṭhin,
Nang nena kan hlimlai te,
Ṭah khua ti seitu mai maw.


Mahriakte a han dawn changin,
Kan tuanna te ka’n fang vel a,
Lunglen tizualtu mai an ni,
Ṭah khua tiseitu mai maw.

( A lo rei ve ta e, 2006 kum a kan phuah a ni tain ka hria. )

Thursday, 18 January 2018

ROSY

Ziaktu: H.Zate, Hmar Rûn
www.hzate.in


WhatsApp aṭangin inhmu turin min lo sawm a. Chu  min sawmna chu ka beisei phâk loh thil a nih vang leh ka awih loh em avangin, "maw" ka ti hu a.


"Eng tikah nge i haw dawn?"


"Naktipah haw ka tum a."


"I haw hmain inhmu ang!"


"maw!"



Chutia inhmuh a duh ta mai chu ka ring lova, ka beisei ngai lo. Mahse, a tak a ni si, ka va han hlim tak em! Zing khua var vat vat se amah hmuh hlan mawlh ka nghakhlel tawh. Kha zan kha zan rei ka tih ber a la ni hial awm e.



Thingtlang khua aṭanga Aizawl khawpui a a rem rem thawka awm ve ka ni a. Ka ni tin hun hman dan chu inhlawhna remchang apianga inhlawh  a ni deuh tawp mai a. Nimina ka hnathawh leh vawiin lama ka thawh a inang lo thei khawp mai a. Kar hmasa lama ka thawh leh tun kara ka thawh chin phei chu inthlauin inang lo tak a ni ṭhin. A changin lei laiin ka inhlawh a, a changin in kan sa a, a changin puakphurah ka ṭang leh ṭhin. Tlangval chutia han thawh tak tak chu ka inla tlangval hman lova nula pawh ka ngaihtuah hman lo.



 Chuti ang reng renga nun ka hman lai chuan ni khat ka inhlawh chu tlai dar 5 velah kan bang chauh a. Ka in luahna lam panin chhun lama hna thawhna chau tawh nen kawng chhukah chuan ka kal chhet chhet a. Ka ngaihtuahna kâwmin ka ngaihtuahna lamah in ropui ka lo din a, ka in din chu a tak a nih theih nana thawhrim a ṭul zia ka chhut neuh neuh a..Chutih lai chuan ka hnung lam aṭang hian hmeichhe pakhat Scooter (scooty) khalh hian, "min pui r'u!" a rawn ti tla vawn vawn mai a. Ka ngaihtuahna ram ata harhin ka hawi chho zawk a. Chu hmeichhe thlaphang hmel tak mai chuan a scooty chu  thunun zo tawh lova puitu a mamawh a ni. Ka bul a lo thlen chuan engmah ngaihtuah hman mang lo chuan ka lo pan hnai a, amah chhan nan chuan a scooty hmaah chuan ka inbarh tawp a, thui vak lo min hnawl hnu chuan a thlang a mi bang nen min sut chilhin a ding thei ta hram a. Ka lawm kher mai.


"Ka lawm lutuk." thaw deuh hrawk pah chuan a ti a. Na a neih leh neih loh ka zawt a, a neih loh thuin min chhang a, ka lawm leh zual. A tho a, nichin lawka a hmela mangang leh thlaphang hmel chu hlim leh lawm hmelin a luah  ṭan a.  Mahse, pawi ta chu chet ka tum a, ka che thei der lo. Ka kut chu a che thei a, ka kawng lam a che thei lo. Miin min rawn bial luih luih a, ka chhan nu in "i na em? i na em?" a ti thawm chu, "na love!" tiin ka chhang a.  Ka bei ngial a, mahse, ka che thei tlat lo. Ka kut chuan min rawn pantute chu ka ban a, din ka tum a. Ka kawng chin hnuai lam a che thei lo. Min han hmehsak a, a ṭhenin minhan bawisawi hnu chuan ka khel vel an hmet chu a ri ṭhawt a, ka kal leh thei ta a. Kan nulai chuan, "Ka lawm lutuk!" a ti mawlh mawlh a, kan inthlaliam ta a.



Kan chetsual aṭangin ni thum a liam tawh. Ka thawh ngai thawkin ka inhlawh leh a. Tlai khat ka haw chu ka in luahna nu chuan min kova, "hei nula pakhat Rosy hming puin a rawn zawng che a. I lo awm si lova, 'zanah min lo call mai rawh se aw.' a ti a a no. a dah ta a nih kha" a ti a. Lehkha thema no. inziak chu ka la a. Ka in luahah chuan ka lut ta a. Zan chaw ei kham chuan chu no chu ka call ta a. Nula hian min lo chhang a,


"Hello, tunge aw?!"


".... Rosy i ni em? Hei ka in luahna nu hnenah no. i lo dah em ni?!"



"e, aw ni e. Min lo bia chu ka lawm kher mai. Hmanni a i chhan tak kha ka nia. Hmuh che ka duh a, ka rawn kala i lo awm lova." a ti a. Min hmuh a duh thu leh a chhungte'n min hmuh duh thu a sawi a.



Chumi hnu chuan WhatsApp lamah kan inbe reng a. An inah leng turin min sawm a, chaw ei nghal turin min sawm bawk a. A chhungte an felin lawmthu min hrilh luam a. Ka hnathawhte min zawt a, ka sawi a, a pa chuan, "i thawh awm tawk hna dang kan ngaihtuah dawn nia." a tia kan inthlah ta a.



An ina chaw ka ei aṭanga kar khat a liam meuh chuan a pain min tiam ang ngeiin inhlawhna ṭha zawk min ngaihtuahsak a. A pa chuan a hna pakhatah enkawltu angin min dah ta a. Rinawm takin ka mawhphurna leh hna thar chu ka thawk a. A pa pawhin min fakin min duhsak khawp mai. Mahse, Rosy nen erawh vawi hnih, amah ka chhan leh chaw eia min sawm ṭum bak kha kan la inhmu lo. Mahse, WhatsApp lamah chuan kan inbe fo ṭhin a. A pain min duhsak thu leh fel min tih thu min hrilh pahin, "ka chhuang che a nia!" a ti a.


An hnuaia thawk chung chuan hun awlah Phone kaltlangin kan inkawm fova. Kan innêl ve hle tawhin ka hria. A hmel a ṭhain a fel a, min duh ve nite hian ka hre ṭhin. Mahse, an hnuaia inhlawh ve mai ka ni a ka tan beisei phak chi a ni lo tih ka hria a. Ka beisei ngam ngai lo. A hmel ṭhat thu leh a fel thute chu ka hrilh ve luam ṭhin a. Ka rilru puthmang tak erawh ka hrilh ngam ngai lo.


Ka biak dan velah chuan ka duh tih a hre ve tawhin ka hria a. A ni pawhin min haw lo tih ka hria. A tawpah phei chuan ka duh thu ka hriat loh hlanin ka rilru ka lo hrilh ve ta a. Engtin mah phei chuan min chhang lo. Ka beisei bawk hek lo.


Krismas dawn a ni a. Mahni khua ngeia hman tumin ka inbuatsaih mek a. Rosy pa hnen aṭang pawhin chawlh ka dil tawh a. A phal vek tawh nghe nghe. Ka haw hun tur ka tifel a, ka haw tur chu a lo hria a, inhmu turin min sawm ta a.



Zingah chuan min rawn be leh a, inhmuhna tur hotel te min hrilh a. "i hmingin ka book a nia aw." a rawn ti a. "dar 3 ah chuan a hmunah i awm tawh ngei ka beisei." a ti leh a. Sawmna nge thupek pawh ka hre chiah tawh lo. Mahse, zawm loh ka tum der lo.


Tlai dar 2:30 a rik chuan Kan inhmuhna tur a hotel a lo ruahmanah chuan ka ṭhu ran tawh a. Kan inbia a, a hmuna ka awm tawh thu ka hrilh a. Kawng lakah a awm thu leh minute 10 hnuaa lo thlen tur thuin min chhang a. Tichuan, nghakhlel takin ka nghak ta a. Ka nghak a, ka nghak ta zel a, tlai dar 3   riin hun a liam zel a. Dar 3 leh a chanve a rik pawh chuan a lo la thleng lo. Ka phone chu a rawn ri a, Rosy chu niin, ka la a, "khawiah nge i la awm a?" ka ti a. Mahse, min chhangtu chu Rosy a  ni ta hauh lo mai. "Hei, he phone neitu hi a chesual a," tia a rawn sawi chu mak ka ti ngei mai. Nikhaw hre lova a awm thu leh a awmna min hrilh hnu chuan hmanhmawh takin ka tlan ta a. Hotel neitute pawh chuan mak min ti hial ta ve ang. Chak takin ka tlan a, a hmun ka thlen chuan Rosy chu an lo buaipui a, ka kuah a, ka kova, min en a, a thaw hrawk a,  biak tur a awm tawh lo. Ka kuah a, ka pawm a, biak ka tum a, mahse, min chhang tur a awm tawh si lo. Min hmu tura lo kal siin kan inhmuh hmain min liamsan leh si! A na tak zet a ni.

Min liamsan mah na tih nak alaiin, a thih hnuah chauh min hmangaih thu a diary ka chhiar aṭangin ka hre leh si . Keiin phu loh ena ka en lai khan min lo hmangaih reng a, ka tan engkim a lo huam reng a. Ka biak ngam loh lai khan ka biak a lo thlahlel ṭhin a ni tih ka hre ta chauh a.  A diary ka chhiar zo chu "Rosy, Ka hmangaih che, Mangṭha le"  ka ti sap a!

18 January 2018 | Thingdawl

Tuesday, 16 January 2018

HNAM DORAL HRANG LEIIN MAW! (Lusei)

Ziaktu: H.Zate, Hmar Run.
- www.hzate.in
mail@hzate.in

Haflong College in jubilee a hman dawn vangin a kawtlah chuan ka ding a, Alumni te pawh  ka hriat tawk chu an kim ve hle, a then khiang-awiin hraileng an chawi a, a then sakhmel tawng leh  tawh lo turin zamualpui an lo liam tawh a, chutihlai tak chuan Angelica hi fapa kai in arawn  lut a, a hmel ka han hmu chu lung hlui mu tawh  hnu a rawn  harh  zawk a, Kumtam veiin hun tam a liam a, zingah chhaktiang kawlah turnipui a lo inherchhuak a , thlangtiang kawlrawnah a liam leh ṭhin  ang hian, chu hun liam chuan  nunhlui chu liampui tawh mahse, lairilah erawh nimin maia thilthleng ang mai in ala thar si. Hlimtea inchhaia kan lenlai leh college tual mawia kan lenlai te ka mitthla ah alo thar a, ka chibai lai pawh chuan ka mittui a farlo chauh a,Val hi kan insum zolo thelh a, amah thung chu a rilru natna leh lunglenna chu lairil ah upzo tawhloin a mit ah fangin a biangno takah chuan a mittui ch a luang ngaih ngaih a, a fapa in “ nunu , iengthaw i tap a” ( nu ngatinge i tah a) a tih chuan  a chhanglo, “ bawia hi pa hi pate ti rawh “ ( bawiha he pa hi pate ti rawh) ati a, ‘pate’ mi rawn ti a. 
“Aw,  a nulat lai ang tho in ala fing anih hi maw le” ka ti a, ka ngaihtuah ati thui vawng vawng  mai a “ Thil kal fuh se ka fa hmingkoh tur ini tih I hrelo em ni”, tih ka tum a, mahse, ka ti leh ta lo.
Kum Sanghnih leh Pahnih(2002) kumtir ani a, B.A te chuan Haflong  College ah class kan tan tawh a, Lecturer rawn lut a piang mai chu an ninawm em em ringawt mai a, class la paihlo in kan Thianzaho chu pawnah kan chhuak a, chutia pawna kan len a Haflong Bazar lam pan tura pheikhai kan vawrlai tak chuan Gate atang chuan Nula hmeltha em em mai, Angel hawlthlak emaw tih mai tura tha leh no chuan Thiamna Runpui bel turin kal  a rawn chawi ve mek bawk a, ka lo en reng a, a kalchawi vel leh a kechheh han mawizia chu a sakhmingah “Kalchawimawi: vuah tak ka nap. Ka Thiante chuan ‘ehem’ anlo ti han zaih a, a Fu-ke, CHawnban, Sakruang kimtlang engkim mai chu ka tan chuan a mawi em em mai a. ka Thiante hnenah phei chan ‘Angel ho hi Haflong ah pawh anlo awm vet ho ani maw?!’ ka ti a, ka thianpa  Pakhat chuan
“ I bek” a ti a, an ngaihzawnge ka sawisel sak ṭhin vangin ka duhzawng ka hmu fuh a ka han fak chiam mai chu a lo lawm tehchiam lo a ni.
Ni tin mai hian, Ni danga Kawlej ( College ) kal tura an sawm chhuah zawhloh kha ka kal ziah tawh mai a, engdang vang nii lovin, ka n gihlai Biangsum-I hmu tur chauhin., ka thlir a, ka en a, “Duhthu aiang  samin nang nena len dun theih chang se!!” tiin ka dawn vawng vawng ṭhin.
Sakhmel tha chungchuong Dar ang ka tawng,
Parmawi tin kaina Tan tlang I ieng,
I nui mawi le chetdan, Fuke, chawnban sakruong,
Pheikhai le zai vawr iengkim ,
A hlu ka tadingin,
Theichansien nang le runhmun khata lengin,
Kar ah hraileng chawiza inla…..

Chtia Vala pumpa Tleitir zunleng tuara ka kur mai chu ka ṭhiante ngaihdan a ni ta hauh lo lehpek a, min biak pui an tum ta a. Ni khat chu be turin kan chhuak a, a hnen kan va thleng a, kan han biak chuan alo hawihhawm khawp mai a, a hming kan zawh chuan that akin, a aw  fel, fiah leh puamkak mai chuan “ Angelica a ni a, Dimasa ka ni” a lo ti var a. Ka ṭhianpa pakhat chuan  sawi tur leh sawiloh tur dawnloin ka duhzia leh a chanchin ka sawi thin dan zawng zawng chu zep leh dahthat awmloin min puanfai ta vek mai a, ka zak lutuk chu ka thlantui a far fep fep a, ka kimki chawih chawih a, a mah lah a tui tual tual/ tawlh tawlh mai bawk si. A tawp a tawpah chuan engtin tin emaw ni a tawp thei hram a.
Chutia ka ṭhianpa'n min phawrh mualpho tak si ah chuan Kei pawh chuan insum ṭangkaina ka hre bik tawh lova, Ka hmangaih Dimasa Lanu chu Biahthu hlan zai ka rel ve ta a. Kan klas-met ( Class mate) te zawng zawng pawn a an chhuah hlan chuan ka Dimasa Lanu bulah chuan ka va kal a, a tir chuan min lo lawm hmel vak lo a, mahse, ka be lui tho a, “ hei, I dam tha maw?!” ka ti a, amah pawh chuan ṭha deuhin min chhang ve  mai a. ti chuan  ka rilru put hmang zawng zawng chu ak inpuangfai vek a ( zak chung chung chuan), Mahse, chute maia awlaiin min chhang der lo. A nui saka “ a va lawmawm ve” a ti a, thil dang a sawi lo.
                 Ka'n hlan I tawnah hmangaina, 
Anreing lungmawlhin,
Dawnzai hung rel ve la,
Anrieng lawmna di’n

Tiang chuan ni tin deuh thaw ka hmangaihna chu ka hlan a, chhhan zai a rel thei lo, ka rilru a buai em em mai a, bansan mai ka tum deuh tawh a.
Dawnzai rel silo Hmangaina inhlan nek chun,
Hmangai lungdi, lunglai damnaw sienkhawm,
Lungawitakin kiengzai rel lem ka tih, 

 tia biahthu hlanzai rel ka tum ta a, chutia rilru buai taka ka awmlai chuan ni khat chu min rawn ko a, ka va kal nak chuan khawvel a ka thu hriatchak  em em chu min lo hrilh ta a, “KA HMANGAIH CHE” tiin,. Chumi Ni a tang chuan kan hlim dun em em mai a, Nitin deuhthaw kan inhmu a, kan hlim em em a tudang reng kan ngai bik lo. Kan Pahnih chuan Haflong Lake, Park leh Hmun fianrial dang dang ah kan kal deuh reng a nuam kan tie m em thin.
             Hmangai, Dite, tlumte ienga ka lo thlir,
I hmangaina nemtea I min hlan ni khan
Lunglai ruk hi lawm in asip liem,


Ni khat chu Park ah kan leng a  pasal tur a min duh le duh loh ka zawt a, mahse min chhan dan adang khawp mai min zawt suh ti leh  ahmui leh ka hmui  chuktuah a rual a, kei pawh chuan ka fawp ve ta mawlh mawlh a, kan hriatloh hlanin thil thalo tak ti in a thanghlimna chu min lo hlan der tawh mai a.
Hun a lo rei a, kan induhna leh inhmangaihna chu a lo zual zel a, kan chhungte beng pawh alo thleng ve ta. kan chhungte pawh chuan Hnam dang ve ve mah ni ila pawi anti loin min duhpui tawn v eve a. mahse, khawvel hi kan duh dan ang ngawtin a kal silo, Kum 2002 kum tawp lam chuan NC Hills chhunga buaina neuh neuh alo chhuak tan ta a, mahse, keini pahnih erawh min la tibuai lo.
December ani a, SIKPUI RUOI hmangin  MUOLKHAWPUI chu a te a liana wm bik loin ka lam mup mup a, Zaithiam leh Hla Phuah Thiam Tv Ramsuok-in “Sikpui kan lawm Muolhoi tlangah , A chin a lien kan dang bik nawh” ti a ruah tham loh hla a rawn sa tekhan lung a kuai em em a, Sial thata ruaitheh te, Sikpui Lung lian tawk tak mai phun ani te chaun kha ‘SIKPUI RUOI’ kha a ti phuisuiin Histawri a tit ling bikin ka hria. Chutia hlim taka mipui engdang dawnlova na lenlai chuan kha NC Hills Buai rapthlak tak mai kha alo in mung reng chu niin, rei rialloin a tawpah chuan a rawn puakchhuak ta nge nge a,mitin an rawn tlankhawm a, buai vangin rifiuji ( refugee) an awm hnur tawh mai a, kei leh Angelica erawh chuan Hmangaihna Par kan la tlan a, Hmar leh Dimasa chu kan buai ta. Kan in Hmangiahna lah a zual tulh tulh/ telh telh a, kan Hnam a rawn buai chiah chuan a Chun leh Zua, Chinlai U leh Nau te chu karah Doralpui ianga hrangin hlimte a kan len chu an phal ta lo. An Hmelma Pa nena an farnu lengza tur chu an phallo. Kei pawh ka chhungten Hmelma hnam nena ru hmunkhat a lendun chu an phal tawh lo. Ka rilru a tap rawng rawng a “engvang khera lo tawng ni maw” tiin ka inngaihtuah mawlh mawlh a, chutia kan buai tâk si  chuan Hmangaihna Par tlana len reng chu a rem tawh si lo. 
Hmangaih viau mahila ṭhenna biahthu ka hlan a ṭul si. Kei lah Vawluntir ( volunteer) a luh ka tum bawk si. Karfiu ( Curfew) leh hmelma doral hrang karah chuan inhmu turin kan intiam a, kan inhmu ta a sawi tur ka vai hle a, ka tawng chhuak theilo lek lek ani ber. Kristian anih duh leh duhloh ka zawt a, a tumloh thu in min chhang a, hreawm ka ti hle, mahse, chutia ka Sakhua ber a vawn duh bawk siloh chuan tiin ti hian Biahthu  kan hlan ta a, “Angelica, hei kan hnam chu Hmelma kan lo nit a si a, eng nge kan sawi tak ang? Nangnen a kumtluonga runhmunkhata lendun hi ka duhaisam ani thin, mahse, thennan biehthu hlan a, kan biahthu thlun te kan sut a ngai ta si ani hi” ka han ti chu a tap zawih zawih a, ka en reng a, ka tawnglo, ani pawh a tawnglo, angawi reng a, kalsan tum a ka han thawh/tho chiah chuan ka kutah chelhin a in sut hlap hlap a, “ Fam chang thleng atan min tiam si a, Fame m chu ila changlo ani lawm ni? NGe, ka bula awm hi I rauthla leng, nge, ka CHhingmit vai zawk? A rawn ti chu chhan har ka ti hle a, engmah ka sawi theilo, “ Bawihte, Ka Hmangaih che a lawm” ka ti hman chauh tih ah chuan “Ni e, I tih ang chuan le, mahse, hei chauh hi lo hr eve la,nang ka Hmangaih vang che in engpawh tawk ila rinawm takin ka awm anga, Ka pasal tan pawh, mahse, Lawiṭhat zan a tanga ka thih ni thlengin ka taksa chu ka pasal ta ni mahse, ka rilru erawh chu a uire reng ang, insum theihloh tawpa ka Pasal tan pawh a ka lo rinawm zawhloh chuan ka chungah hian eng pawh thlengse, nangmah vang ani ang” ati a kal a tum a ka la chelh a,” Duat, ka hmangaih che alawm, ka hmangaih ngawih ngawih che, mahse, a rem silo, karah doralpui leh chun leh zua an hrang si, ka Hmangaih loh vang che ani lo, bawihte,  Hnam Doral Hrang Vangin maw nangnen sam ang thenzai rel a tul si, ka nghil ngailo ang che” tiin a hmui no tak ah chuan a tawpna atan ka fawp ngawih ngawih a, amah pawn duhthawh takin min lo dawng sawng a, inkhamlo tak leh bianga mittui far zawih zawih chungin kan inthlah ta a, Hnam Hmangaih vang chuan Hmangiah ber pawh thlah zawk ka thlang ta a, rilru hi a tap vawng vawng a, chhantu a ko a a tawng silo.
           Hlimtea zaleng dang ngailo te a lenga,
Hlimzai vawra lenglaiin,
Karah Doralpui, chun le zuo hrangin,
Nang le sam-ang thena di’n thutin an lo sel,
Hnam doral hrang leiin maw,
Sam-ang thezai rel a tul si.

Hmangaih then natzia ka hria a, Mi chungah hian thleng tawhlo se ka duh. 
Kum tam liam tawhin amah ngei pawhin Khiangawiin Hraileng chawi tawh mahse, lampui changkhata intawn changing lunglaiah a thar lo theilo.
Tichuan, Ka hringnun liam tawh hnu chu chhui kir leh ngai tawh lo turin ‘HAFLONG COLLEGE’ leh Angelica te Nufa chu  ka kalsan ta a.

15 August 2012
Translated from  Hmar on 25 Oct 2012.

WhatsApp group join turim hetah hian hmet rawh.

( He thuziak hi Hmar Ṭawnga ziah niin, 'HNAM ROLUNG' Magazine ah a chhuak a, Mizo ṭawngin ZawlaiDi Magazine a chhuak tawh bawk a ni. ) 

Sunday, 14 January 2018

LIAM TAWH HI A CHÂM RENG - 3



Ziaktu: H.Zate, Hmar Rûn.

- www.hzate.in


Part - 3


Min hawsan hnu chuan ka intifai a, ka intihfai zawh chuan mu turin khumah ka lawn a. Ka phone ka en chu a thuthawn hi a lo awm a. A tana ka inhlan leh a tana ka vul vanga lawmthu min hrilh pahin rinawm tlat turin min ngen a. Darkar khat dawn WhatsApp a kan inbiak hnu chuan mut zai kan rel ve ta a. Ka han mu chu ka muhil thei lêk lo mai a, ka rilru-ah thu tam tak a rawn lut zut zut a, amah ka vei em em ringawt mai a ni.

'Engvanga a tana khatianga awlsama inhlab mai nge ka nih? Min ngainêp viau mai ang em? Min phatsan leh si ang em? tih vel te ka rilruah a lo lut a. Ka ngaiin ka thlahlel ngawih ngawih mai bawk si. Keimah hi ka inhrethiam lova, ka awm dan zawng zawng hi mak ka ti a ni ber mai a ni.

Ka tal ka tal a. Ka hriat loh hlanin ka lo muhil a. Ka harh meuh chuan zing lam dar 5:30 a ni der tawh. Ka phone ka en chuan a thuthawn a lo awm a, "ka hmangaih che. Rinawm takin aw! Krismas chibai le!" tih hi a lo awm a, "kei pawhin ka hmangaih che. awle, ka rinawm reng ang." tih chu ka thawn ve ta a.


Krismas ni chu hlim takin chhungkaw kimin kan hmang ve a. Mahse, zanah erawh min rawn biaa, lenchhuah pui atan min sawm dawn emaw ka tih laiin, "zaikhawm ang aw." a rawn ti daih mai a, mak ka ti ang reng khawp mai. Egmah ngaihtuah chiang lo chuan, "khawiah?" ka ti hu a.

"in kohhran zaikhawmnaah"

"i duh tak tak a maw?"


"duh lo ila ka sawi nang aw. ka lo kal ang aw?!"

"i peih phawt chuan le"


"awle, in inkhawm ban hunah min lo hrilh la ka rawn kal ang."

"awle, muah!"


"muah!"



Kan inbiak zawh chuan a duhzawng leh nalh a tih dan tur ber chuan ka insiam a, ka inchei mawlh mawlh a. Zan dang ai zawngin ka inulukin ka hria. Inkhawm tur chuan ka chhuak a. Inkhawm lai chuan engmah ka rilruah a awm lo amah chauh lo chu. Inkhawm kan bang a, thingpui sa ver vawr kan inzawh chuan ka call a, "lo phei tawh la." ka ti a. "awle. In biak in kawtah min lo nghak la," tih pahin phone a dah a, Kan biak in kawt kawngpuiah ka lo nghak a. Ka nghahhlelh vang nge ni lo thleng har ka ti riau mai a. Khua a vawt ve vur bawk nen a hrehawm lek lek a ni. Mahse, duh ber nghak ka ni miau a a zie deuh. Chutia rei fang ka nghah hnu chuan a rawn thleng a, kan inkuah chawt a. A thim laiah ka hmui min fawp zauh pahin kan zaikhawmna lamah chuan kan kal ta a.

A hmun kan thlen chuan mi an lo awm ṭhap tawh a, an zai tui hmel khawp mai. Kan lut a, a hnung lamah chuan kan ṭhu a. Ṭhian ṭhenkhatin min hmu a, mak an tih hmel. Anni aiin ka chhungte'n zaikhawma ka tel ve ta mai kha mak an tih hmel zawk. Ngaihtuah chiang lova min sawmna ka lo aw liam puat kha ka inchhir leh hnuhnaw. Kan zai a, hla dang an la a, kan sa zel a. Duh ber bula awm ka ni bawk a, nuam ka ti ngei mai. Kan inkarah ka kut chu a hmer leh ṭhin a, min thlah reng a tum lo. Min thlakhlel hmel hliah hliah hian  ka hria.

Khang hun kan hmante kha a nawm vang nge nina rei lo riau hian ka hria. Keimah vangin ruai pawh kan kohhran lamah a rawn ṭheh a. Krismas chu kan kohhran lamah a hmang reng ang vel a ni.

Kumhlui thlahni a ni a, Ka tunhma nun ang chu nise nuam tinreng chen a, khawvel chen tumin ka ṭhiante nen khawi lai tlang remchangah emaw kan phusa nasa viau ang. Mahse, A ni nen erawh a dang tlat. Tlai ni tla tur chu kan thlir liam ngei mai a. Mahse, a dang tlat. A nun a buai thu leh a nuna thil inthlak a tam ziate, a tunhma nun kalsan a tum laia kei min tawn thute, urlawk zana kan awm dana a inthiam theih loh zia leh hrehawm a tih thu a sawi a. Keimah lamah chuan inthiam loh phah lo turin ka hrilh ve ngial a. Mahse, keimah ringawt ni lovin ama nun leh Pathian inkar lam a nih thu a sawi a. Kei pawh Bible chhiar ngun turin min hrilh a. Ka aw ve tawp tawp ringawt a , mahse, ka zawm pawh ka ring chuang lo. Kan haw dawn chuan an inah kala a chhungte hmuhpui turin min sawm , ka nial viau naa, "min lo nghak vek ang." a tih tlat vangin a sawmna chu ka pawm a, an in lam pan chuan kan kal ta a.

An in kan thlen chuan a chhungte an lo awm ṭhap a. A nu, a pa, a pi leh pu, a farnute leh a unaupa te an lo awm a, fel leh hawihhawm takin min lo bia a. Min chibai pahin an insawi sap sap a, an mo ni mai tur ang mai hian min en a, ka zak zawk. Mahse, an felin an nelawm a, an chhungkaw boruak a nuam lutuk.  Chaw ei tura min lo nghah thu an sawi a, ka hnial viau naa hnial theih a ni lo. Sawi lawk leh insawm lawkna awm miah lova chaw ka ei ta mai chu mak ka ti a, ka inthlahrung khawp mai. Zak theilo min tih ka hlau si a, awm dan tur pawh ka thiam lo a ni deuh ber mai. A pa lah chuan, "kan monu tur chu" tiin duhsak em emin ei tur min pe lehnghal a. Mahse, a hnua a sawi leh danin, "ka sawm lawk che chuan i duh  ka rinh si lo, khati ang khan ka ti ta mai a nih kha." a ti a. An ruahman lawk vek a lo ni a, mak ka ti leh hnuhnaw.


14 January 2018 | Aizawl
chhunzawm tur..

Saturday, 13 January 2018

I-LEAGUE A HMUNAH NGEI


Ziaktu: H.Zate, Hmar Rún.
- www.hzate.in

Kei leh Hmaa Hauzel, Aizawl FC Stand ah

Ka Aizawl zinlai nen a inrual vangin leh karleh lam thlenga tihtur hmabak ka la neih vangin vawiin, 13 January 2018 khan i-League chu a hmunah ngei ka en ve ta ngei e. 
A tir chuan en ka tum hran lo, Mahse, Lalvansanga, Editor, MZP Chanchinbu leh The Zozam Times a thawk mek chu MZP Pisa hawn hun tur zawtin ka call a, a hun tur min hrilh pahin i-League en tura an kal mek thu a rawn sawi zauh a, Tichuan, Ka thlenna pa, Salem veng pa fel tak mai, Pu Ramṭana Khawlhring-in, "i duh chuan va en ve la." tia min sawihmuh takah chuan en tur chuan ka insiam a. Amah, Pu Hmangaihhlima Hauzel, (Hmaa Hauzel ) , Sport Writer, The Aizawl Post & DDK Aizawl chu Call-in Ticket min ngaihtuahsak turin ka bia a, a niin lungngai lo tura min hrilh hnu chuan ka chhuak ve ta a. A thlawnin min la pe zui ! Ka va lawm tehlul em!
Kawngah Lalvansanga Pautu nen intawkin a niin min phur a, Mualpuikawnah Hmaa Hauzel, RFa Chawngthu te nen inhmuin kan inchibai a, Pu Hmaa chuan Ticket min pe a, Kan chhuak chho ta a. 
R Dengṭhuama Indoor Stadium hnuaiah Motor kan dah a, RG Stadium, Mualpui lam pan chuan kan kal ta a. A taka ka vawi khat hmuhna a ni a, a lo ropui narawh e. Mahse, ropui ka ti lo! Pawnah chuan TV Channel lamin Live a an pekchhuahna tura pawimawh an Motor chu an lo chhawp run mai a. Keini ang duang, thingtlang tlangval tan chuan hmuhnawm thlira thlir tham a ni nghal hawt mai. 
RG Stadium Mualpui kawt

Stadium kan lut dawn a, Venhimna lam an uluk khawp mai a. Kan ṭhian hova gate pakhata luh kan tum a, mahse, a lo theih der lo. Ka ṭhian dangte chu Gate 2 ah lutin kei erawh Gate 3 ah ka luh a ngai thung! A mikhual ber chu a hrangin ka kal ta a nih chu. Mahse, ka zâm hran lo, a chhan chu Mizo ṭawnga biak theih an ni veka bakah Aizawl fc  inkhel en tur ka ni tlat!  Stadium ah chuan ka lut a, wash Room ah lutin ka zung te te a. Mizote ta, mizote cheibawl ni awm rengin a faiin hmuh a nuam. Ka chho leh a, Inkhel en turin ṭhutna lam ka pan a. Aizawl FC standah keimahin ka ṭhu a, mahse, mi dang chu an tam tho. An ri le lu nghal mai a, a nawm hmel khawp mai. Aizawl FC Stand lamah keimaha rei vak lo ka ṭhut hnuin Pu Hmaa Hauzel a rawn lang a, kan ṭhu dun ta a. Ka thaw a vengin ka thla a muang huai mai! Ka tan engkim kha hmuhnawm a ni a, zawhna ka ngah a, hriat loh lah ka ngah!  RG Stadium ka luh vawikhatna a nih mai bakah I-League a hmuna ka en vawikhatna a ni bawk a hriat chak ka ngah khawp mai. 2nd I-League bak a hmunah la en ve hek lo le! Hriat châk ka ngah ang aiin zawhna ka ngah lo mai zawk a!
Rei fang kan ṭhut hnuah Rfa, Vansanga leh Nangsawmthanga ( Sawmtea ) te awmna lamah kan insawn thung a, a hlimawmin a nuam khawp mai.
AIZAWL FC INKHEL A ṬUM HNIHNA A TAN
13 January 2018, Inrinni tlaia ka inkhel en hi Aizawl FC inkhel a hmuna ka en ṭum hnihna a ni a, a vawi 2na erawh a ni lo. Mahse, I-LEAGUE an khelh hnua ka en vawi khatna a ni thung. I-League 2nd Div an khelh lai khan District Sport Association Stadium, Silchar ah khan ka lo thlir ngun ve malh malh tawh a. Aizawl FC fans damlai zingah ka la tel fan a ni ber e! E taka, khami ṭum khan Kan ṭhianpa, Malsawmthang, Sakawrdai chu vanduaiin kha stadiumah khan a nun a chan a, a pawi takzet! Kan ui a, Hmar Students' Association, Silchar Branch a kan memberpui niin kan ui takzet! Mahse, kan chunga khua rel kei ni lo dan rual  ni si lo!  A pualin HSA Silchar te khan Tournament te an buatsaih a, Mizoram lamah pawh MFA leh ADFA lam pawh khan a pualin programme an buatsaihin ka hria. An fakawm khawp mai. ( Ka sawi sual palh a awm chuan min hrethiam se. )
Aw, lung te riau riau a leng mai dawn a lawm le.  DSA Stadium khat ve mup khawpa football ngaina ten 2nd i-League  han thlir kha chu a nuamin a hlimawm a. Khang hunlai khan, "Engtikah tak kan ramah I-League ngei en ve ang maw?!" tih kha a tak a thlen ring tak tak lova kan beisei ṭhin kha a ni!    Chuti chuan, 2nd div an khelh laia ka en bâk kha chu i-League ji a hmunah ka la en leh lova,  13 January 2018 kha ka en leh hmasak ber a ni.

INKHEL CHU!
Aizawl FC in Chennai City FC an mikhual a, mikhual an duat tehchiam lo! Si hnih faiin an lo sawp zêk mai. Inkhel en a hmuhnawm a, mahse, a aia hmuhnawm erawh beisei tur a la awmin ka hria! Inkhelh hrim hrim kha Aizawl FC in an thunun a, mikhual lam pawh duai zek zawk erawh an ni chuang lo.  Player-te game khelh a hmuhnawm a, thlirtu tan pawh thlir man awm tak a tling. 

FANS LAM
Mipui kan tam a, amah Nl Bd-i'n a puan danin mipui sangthum chuangin a hmunah kan thlir a, fans leh supporter te an fakawm. Fans hruaitute lam an fakawm a, mi tihphur an thiam. Mexican Wave (Hmaa min hrilh dan) pawh a hmuhnawm.  Fans lam kha an hmuhnawm zawk lek lek lek. hihi

STADIUM A ROPUI MAHSE A ROPUI TAWK LO
Kan Stadium, RG Stadium Mualpui chu ropui viau mahse, a ropui tawk lo!  Ni e, football ngaisang lo ram chu ni ila a awm tawk thova, mahse, Hetiang khawpa football ngaihsanna ram nisi, kan sawrkar chak tak hnuaiah kum heti chen hnuah pawh a la pum thei lo hi a pawi takzet. A pawi tih mai lo chu sawi theih a awm si lo,keini ang duangte chu lo iak iak mahila an ui bauh pawh kan tluk awm chai si lo!

RG Stadium, Mualpui

Mahse, Kan ṭhenawm state Assam Sawrkar, 'sawrkar chak tak' tia inchhal ngai lo mahin, hman hmanah êng hnuaiah, zanah inkhel min entirt thei si a. Mahse,hmasawn lo erawh kan ni lo, Awh namen lova kan awh hnuah Lammualah kan  nei ve hram a, hmun dangah pawh hei kan neih belh mêk zelin, neih belh zel dawn pawhin a lang! 


Inkhel a zova, inkhel entu mipuiin an tihhnawk an thian sap sap hmel hmuh kha a va nuam tehlul em! A Mizo in a kristian hliah hliahin ka hria. R Dengṭhuama Indoor Stadium a motor lachhuakin Vansanga bawk chuan min phur a, kan haw ta a. Aizawl ka châm ve chhungin Inkhelh a la awm a, ka en hman chuan la enho ve zel tura intiam pahin kan inthlah ta hlawm a!

Ṭhiante hi an hlu a, 'ṭhian' hian rethei leh hausa a thliar lova, kei pawh he ṭhian zarah hian ka kawm phak loh tur ka kawm a. An ni zarah a thlawnin I-League a hmunah ngei ka en theih phah a, an chungah ka lawm takzet! 

13 January 2018 | Aizawl 

Saturday, 6 January 2018

HNAM DORAL HRÂNG LEIIN MAW!


Ziektu: H.Zate, Hmar Rûn,
- www.hzate.in
( Fiction )
Haflong College in Jubilee a hmang ding leiin a tuola chun ka ngir a, Alumni hai khawm ka hriet tawk chu an kim ve hle, a ṭhen khieng-awiin hrailêng an chawi a, a ṭhen sakhmel tawng nawk ta lo dingin zamuolpui an lo liem ta a. Chu lai tak chun, Angelica hi a naupa keibât in a hung lût a, a hmel ka hei hmu chu lunghlui in ta hnung a hung thar zawk a.
 Kum tam invawiin hun tam a liema, zingkar saktieng kawlah turnipui a hung inhersuoka, thlang tieng kawlrawnah a liem nawk hlak ang hin, chu hun liem chun nunhlui chu liempui ta sienkhawm, lairila ruok chu zani laia thiltlung ang el in a la thar si. Hlimte a insaia kan lenglai le college tuol mawia kan lenglai hai ka mitthla-ah a hung thar a, ka chibai lai khawm chun ka mittui a far naw chau a,Val hi kan sum zo naw vâng. Ama ruok chu a lungril natna le lunginlengna chu a lairila up zo ta lovin a mit a fangin a mittui chu a bieng inno taka chun a luong ngai ngai a. A naupa in “Nunu, iengthaw i ṭap a?” a ti chun a dawn nawh. ‘Bawi, hi pa hi pate ti rawh” a ti a, “pate” ami hung ti a. AW! A nunghak lai ang tho in a la var ani hi tie ka ti a, ka ngaituo a suksei vawng vawng ngei el. “Thil infu sien ka nau Lutir ding i ni in sawn naw” ti ka tum a, anachuh, ka ti em ta nawh.
Kum Sanghni le Pahni (2002) kum bul ani a, B.A hai chun Haflong College ah class kan ṭan ta a. Lecturer hung lût phawt chu nghawk an um em em ringawt a, Class la pei lovin kan ruolcham chu tuola kan suoka, chuonga tuola kan lênga, Haflong Bazar tieng pan dinga pheikhai kan vawrlai chun Gate a’nthawk chun nunghak hmelṭha em em el, Angel vuokthlak amani ti ding khawpa ṭha le inno chun Thiemna Runpui bel di’n kal a hung chawi mek bawk a. Ka lo en rân a, a kalchawi vel le ke se hei mawi zie chu a sakhmingah ‘Kalchawimawi’ inbuk tak ka nâp. Ka ruolhai chun, ‘E..hem’ an lo ti hman zar a. A fuke, chawnbân, sakruong kimtlang tinreng el chu ka tading chun a mawi em em el a, ka ruolhai kawla lem chuh, “Angel hai hi Haflong a khawm an lo um ve tho ani maw” ka ti pek a, ka ruolpa pakhat chun “I bek” ami ti a, an ngaizawng hai ka sawisel pek hlak leiin ka ditzawng ka hmu fûk a ka hei inpak rak chu a lo lawm bek naw a nih.
Nitin el hin, ni danga College fe dinga inhawk naw tawpkhawk hlak khah, fiel ngai lovin ka fe zie el ta a, ieng dang lei ni lovin, ka ngai lai biengsum hmu ding chau in. Ka thlir a, ka en a, “duthu, ai ang sâmin nang le leng hmun thei chang sien” tiin ka dawn vawng vawng hlak.
Sakhmel ṭha chungchuong dar ang ka tawng,
Par mawi tin kaina ṭan tlang i ieng,
I nui mawi le chet dan, fuke, chawnbân, sakruong,
Pheikhâi le zai vawr, iengkim,
A hlu ka ta dingin,
Thei chang sien nang leh run hmunkhata lêngin,
Kar ah hrailêng chawiza inla.
Chuonga val a pumpa tleitir zûnlêng tuora ka kûr el chu ka ruolhai ngaidan an ta rek naw a, an mi biekpui tum ta a. Nikhat chu a bie dingin kan suok a, a kuom kan va tlunga kan hei biek chun a lo hawihawm (Polite) khawp el a, a hming kan indawn chun ṭha tak in, a rawl fel, puom kâk el chun, “Angelica an’a, Dimasa ka nih” a hung ti var a, ka ruolpa pakhat chun hril ding le hril naw ding dawn lovin ka ditzie le ama ka hril dan po po chu ip le sieṭhat um map lovin a mi puongfai vawng a. Kan zak lûtin ka thlan a phul a, ka kimki chawi chawi a, ama hlak chu anhnik tiel tiel bawk si. A tawp a tawpa chun iengtin tin amanih, a tawp ve thei hram a.
Chuonga ka ruolpa in ami phawr muolpho ta si si chun kei khawm chu insûm a ṭangkaina ka hriet bik ta naw a. Ka hmangai Dimasa Lanu chu biethu inhlân zai ka rêl ve ta a. Kan class mate hai po po tuola an suok lai chun ka Dimasa nunghaknu kawla chun ka va fe a, a tir chun ami lo lawm hmel rak naw, anachu ka biek lui tho a, ‘Hi, i dam ṭha maw?’ ka ti a, ama khawm chun ṭha deu in ami hung dawn ve el a. Chuongchun ka lungril putzie po po chu kan puongfai vawng a, sienkhawm chuong el a awlai in ami dawn der nawh. An nui suka, ‘lawm ava um de’ ati a, thil dang a hril nawh.
Ka'n hlan i tawnah hmangaina,

Anrieng lungmawl hin,

Dawnzai hung rel ve la,

Anrieng lawmna di’n.

Chuongang chun, nitin deu thaw ka hmangaina chu kan hlan a, dawn zai a rel thei naw, ka lungril a buoi em em el a. Bansan ka tum deu ta a.
Dawn zai rel si lo Hmangaina inhlan nek chun,
Hmangai lungdi, lunglai dam naw sienkhawm,
Lungawi takin kiengzai rel lem ka tih,
Ti a biethu inhlan zai rel ka tum ta a. Chuonga lungril buoi taka ka um lai chun, ni khat chu ami hung ko a, ka ve fe chun khawvel a ka thu hriet châk tawpkhawk chu a mi hril ta a, ‘Ka hmangai che’ tiin. Chu ni a inthawk chu kan hlim em em el a, nitin deuthaw kan inhmu a, kan hlim em em a, tu dang reng kan ngai bik nawh. Kan pahni chun Haflong Lake, park le hmun fienriel dang dang a kan fe deu tlar a, inhawi hi kan ti em em hlak.
Hmangai, Dite, tlumte ienga ka lo thlir,
I hmangaina nemte a i min hlan ni khan
Lunglai ruk hi lawm in a sip liem,
Ni khat chu Park a kan lenga a pasal dingin a mi dit le dit naw kan dawn a, amiruok chu a mi dawn dan a dangdai khawp el, “Min dawn naw rawh” ti le a hmur le ka hmur chuktuo an ruol a. Kei khawm chun ka fawp ve mawl mawl a, kan hriet naw karin thil ṭha naw tak thaw in a thienghlimna chu ami lo inhlân der el ta a.
Hun a hung sawt a, kan inditna le hmangaina chu a hung zuol peia. Kan sunghai na khawm alo tlung ve ta a, kan sunghai khawm chun Hnam dang ve ve ni inla khawm pawi an ti naw in an mi ditpui ve ve a, sienkhawm, khawvel hi ei nuom ang le ei dit ang ngawtin a fe si nawh. 2002 kum tawp tieng chun NC Hills sungah buoina neu neu a hung suok ṭan ta a, anachu kei ni pahni chu ami suk buoi chuong naw a. December ani a, Sikpui Ruoi hmangin Muolkhawpui chu a chin a lien um bik lovin kan lam mup mup a. Hla sak le Phuok thiem Ramsuok in “Sikpui kan lawm Muolhawi tlangah, a chin a lien kan dang bik nawh’ tia ruoṭhamlo hla a hung sak hai dam khan lung a kuoi em em a. Siel that a ruoi ṭhe dam, sikpui lung lien tawktak el phun ani dam chun kha Sikpui Ruoi kha a suk phuisui in Histawri a suktling bîkin ka hriet. Chuonga hlim taka mipui ieng dang dawn lova an leng lai chun kha NC Hills Buoi rapthlak tak el kha a lo in mung ran chu niin, sawt riel lo in a tawpa chun a hung puok suok ta nge nge a. Mitin an hung tlan khawm a, buoi leiin refugee an pawng el ta a. Kei le Angelica ruok chu hmangaina kan la tlan a. Hmar le Dimasa chu ei buoi tah. Kan in hmangaina hlak a zuol tiel tiel, ei hnam a hung buoi char chun a chun le zuo, chinlai u le nau hai chu karah doralpui ienga hung hrangin hlimte a kan leng chu an phal ta nawh. An hmelma pa le a an farnu lengza ding chu an phal chai nawh. Kei khawm ka sunghaiin hmelma hnam le runhmun khata inlawi chu an phal bik ta nawh. Ka lungril a ṭap rawng rawng a, ieng ding khera ka lo tawng ni maw tiin ka ngaituo mawl mawl a.
Chuonga ei buoi ta si chun hmangaina par tlana leng zing a rem ta si nawh. Hmangai vieu inlakhawm ṭhena biethu kan hlan a ṭul si, kei hlak volunteer a lut ka tum bawk si. Curfew le hmelma doral hrang kar a chun inhmu dingin kan intiem a, kan inhmu ta a. Hril ding kan vâi hle a, ka ṭawng suok thei naw vâng a, Kristien ani nuom le nuom naw kan dawn a, a tum naw thu in ami dawn a, rinum ka ti hle. Chuonga ka sakhuo a zawm nuom bawk si naw chun tiin hieng hin biethu kan hlan ta a: “Angelica hi ei hnam chu hmelma an hung ni ta si a, ieng am hril ei ta? Nang le kumtluonga run hmun khata leng dûn hi ka duthusâm ni hlak sienkhawm, ṭhena’n biethu inhlana ei biethu thlung hai ei sut a ngai ta si ani hih” ka hei ti chu a ṭap zawi zawi a. Ka en ran a, ka ṭawng nawh, ama khawm a to ṭawk ṭawk a, fe san ka tum a ka hei tho chie chun, ka kuta manin ansut hlap hlap a, “Fam chang chena dingin i mi tiem si a, fam em chu i la chang naw an naw?! Annawleh, ka kawla um hi i rauthla lem, ka singmit vai lem?” a hung ti chun dawn intak ka ti khawp el a, ieng dang ka hril thei nawh. “Bawi, ka hmangai che annawm” ka ti hman ṭawk ti a chun, ‘Ni e, i ti ang chun le, sienkhawm, hi chau hi lo hre ve rawh, nang ka hmangaina lei che in iengkhawm tawng lang ringum takin um ka ta, ka pasal tading khawmin, amiruokchu, lawiṭhat zan a’nthawka ka thi ni chen in ka taksa chu ka pasal ta nisienkhawm, ka lungril chu uire ran a tih, insum thei naw tawpa ka pasal tading khawma ka lo ringum zo naw chun, ka chunga hin ieng thil khawm tlung sien nang a lei ning a tih” a ti a, fe a tum ta a. Ka la chel ding a, “Duot, ka hmangai che, ka hmangai che, ka hmangai ngawi ngawi che, sienkhawm, a rem si naw, karah doral pui le chun le zuo an hrang si, ka hmangai naw lei che ani naw, bawite, duot, Hnam Doral hrang leiin maw, nang le samang ṭhe zai rêl a ṭul ta si, innghil ngai nawng ka ti che” tiin a Hmur inno tak a chun a tawpna dingin ka fawp ngawi ngawi a, ama khawmin ditthaw takin ami lo dawng sawnga, in nghawk lo takin bienga mittui far zawi zawiin kan inthla a.
Hnam Hmangai lei chun Hmangai tak khawm inphat lem ka thlang ta a. Lungril hi a ṭap rawng rawng a, santu a ko a, a tawng si nawh.
Hlimte a zaleng dang ngai lo te a lenga,
Hlimzai vawra lenglaiin,
Karah Doralpui, chun le zuo hrângin,
Nang le sam-ang ṭhena di’n thu tin an lo sêl,
Hnam doral hrang leiin maw,
Samang ṭhezai rêl a ṭul si.
Hmangai ṭhe a natzie ka hrieta, mi chunga hin tlung nawk ta naw sien ka nuom. Kum tam liem ta in ama ngei khawmin khiengawiin, hraileng chawi ta sienkhawm, lampui chang khata in tawng châng hin chu lunglaia a thar naw thei nawh. Ka hringnun liem ta hnung chu sui kir nawk ta ngailo dingin Haflong College le Angelica hai nufa chu chu ka maksan ta a.
15 August 2012 |  Silchar

Wednesday, 3 January 2018

LIAM TAWH HI A CHÂM RENG - 2

Tluangtei


Ziaktu: H.Zate, Hmar Rûn

- www.hzate.in

Part - 2

Ka thlahlel a, a ni pawhin min thlalhlel a, inthlahlel ve ve chu karah ri kham a awm lo ṭan tawh riau a. Ven tur ka veng lo a, ven loh tur lah ka veng hek lo.  Min kuah pah chuan a ṭawng sar sar a. A thaw lum ham hama min thawk khum pahin a kut chuan ka awm vel a khawih rak rak a. Ka thlakhlelh em vangin inven der pawh ka tum hran lo. Rei ngial ka kawr chhana ka hnute a khawih hnu chuan a lawngin a khawih leh a. In tur min pek belh pahin, "sawtah kal ang!" a ti a. Hmun fal leh thengthaw nuam takah chuan min hruai a. Kan thleng a, in tur leh ei turte kan ei zawh chuan insi rialin kan ṭhu dun a. Kan infawp a, a vawikhatna a tan ka chhang ve ta a. Kan duhthawh telh telh a, kan insum zo tawh lo. Min khawihna apiang chu ka za vek mai hian ka hria! A tawpah chuan sex hial kan hmang dun ta a. Tunlai ṭawng takin dawhthlak zanah ka dawhthla a nih ber chu!

Kan ṭhiante awmna lamah chuan phei lehin an lo lam suau suau a. Keini pawh inkuah chungin kan su dun ve a. A bula awm a nuamin a thlamuanthlak tak zet. A boruak a nuamin ka hlim khawp mai. Hetiang anga nuam leh hlim hian ka la awm ngai lo.  Chutia nuam ti deuha ka awm lai chuan a Sana a bih zuk a, Zan dar 11 a lo ri tawh a. "Haw tawh ang le."  a ti a, mak tih hmel deuh a en pahin, "engati maw?!" ka ti a. "A tlai tawh, i nu leh pain an ngaihtuah lutuk ang che." a ti a. Haw peih lo viau mahila min hawpui ta thova. He mihring hi chu a va'n mak tak em. Min chhuahpui a, min chelh tur zawkin min ngaihtuah vangin min hawpui leh chuk chuk lawi si. A ṭhianten zu an in luih luih laiin a in ve duh miah lo lehnghal a.  Ka awm vang maia in duh lo emaw ka ti a. Mahse, a ni chuang lo.

A bike chuan kan tlan zel a. A vawt vur tawh mai si a, ka kuah a, ka kuah nghet sauh mai. A bula awm reng chungin ka ngai riau ni mai hian ka hria. A changin ka kut a rawn hmer leh ṭhin a.  Kawng lakah dingin kan chawl a, a zunga ka zung ve tur chu Bike phena zung turin min ti a, min en duh miah lova, mak ka ti ang reng. Nichin lawkah sex min hmanpui a, tuna taka han zah deuh tlat chu mak ka ti leh hnuhnaw. Mahse, a pawi love. Ka zung zo chu, a bulah dingin inhmatawn zawngin ka kuah a. Kawng aṭanga khawpui mawi taka lang chu kan thlir dun a, zan dang zawng aiin chu khawpui chu a mawi zualin ka hria. Ṭawng ka tum chiah chu ka hmui hupin, "kal ang, a tlai tawh." a ti khur hlak a. "Nih leh le." ka ti a, ka kuahna chu ka thla dul a. Kan in lam pan chuan kan tlan leh ta a.
Kan in kawt kan thleng a, lut mai lovin kawtah chuan kan ṭhu leh rih a. Ka bianga dawm pahin chik em ema min melh pahin, "thil thleng vang khan min hrethiam hram dawn nia aw!" a ti a. A chil a lem khalh a, a ngawi vang vang a, ka mita min en pah chuan, "Ka tum reng a ni lo. Ka insum zo nang lo a ni!" a ti a. Ka ngawi reng a, a ṭawng leh a, "mahse, eng pawh thleng se ka phatsan lovang che. I tan ka awm reng ang." a ti a. "Ka hmangaih che!" tiin min fawp a, kham lo leh inthlahlel takin kan tawp a. Inah ka lut tur chu min chelh a, min luhpui a, ka chhungte min hauh tur pawh amah zawkin, a thiam loh a nih thu leh min chelh rai thu a hrilh mawlh mawlh a. Tichuan, min haw san ta a.

03 January 2018 | Thingdawl
Chhunzawm zel tur..

Tuesday, 2 January 2018

LIAM TAWH HI A CHAM RENG

Tluangtei





Ziaktu : H.Zate, Hmar Rûn.
- www.hzate.in
"Ka duh che, ka hmangaih che. I nalh lutuk!" tia min fawp zauh pah chuan a Bike chu a tinung a. Uṭawk sawt tur ang maiin zei mangkhengin ka lawnkai ve a. Kan kalna tur lam chu panin kan kal a, ka hlim kher mai. Ka chhungte'n an phal lo chung bumin kan chhuak a ni a. Urlawk zan hlimawm hman ngei tumin chu December 24 zan thli thaw heuh heuh karah chuan kan tum ram chu kan pan ta a. A vawh em vangin ka kuah a, a hnung si châtin ka kuah bet a. Kan titi reng a, ka kuah nghet sauh sauh bawk. 
Kawng ṭha laiah a kut pakhatin ka kut a rawn hmer a, "zanin na na na chu hlim takin aw?!" a ti a. Ka tan  "Aw" tih loh phal chi a ni lo, ka "aw" rang kher mai.  Thil eng eng emaw kan sawi zel a. "Zanin hi ka nghakhlel lutuk a." tiin a nghahhlelh thu a thiam ang tawkin min hrilh ve a.
A ni nen hian College aṭanga intawng kan ni a. Kan inhriat tirh chuan han duh em emna ka nei hran lo. Mahse, min bêm a, ka tan a ṭhat em a vang leh ka ṭhiante'n min tihpui  nasat vangin ka chhang ve a. Kan nih aṭang chuan Class lah kan chawl chhunzawm nghal a ni deuh mai a. Chuvang chuan class kal tawp nia kan inhmuh bak a falin hun kan la hmang hman lo.
Chumi ṭuma kan inhmu chu a fala kan hun hman hmasak ber a ni bawk a kan lai deuh ve ve a. Mahse, a chezia leh a awm danah a theih tawp chuan min duhsakin min tihlawm a tum tih ka hre thei. Ka hlim loh a hlau a, min ngaihsakin min ngaihtuah em em a ni. Kan thil lei duhte leiin kan bazar a, kan bazar hnu chuan tlang pakhat thawveng leh nuam deuh ah hian min hruai a. A tlang chu a thengthaw nuamin ka hahdam sawng sawngin ka hria. Chutah chuan a vawi khatna atan kan pahnihin thla kan la dun a, WhatsApp DP atan kan hmang ve ve a. Min hmangaih thu leh ka chhan ve vanga a lawm thu min hrilh mawlh mawlh pahin min kuah a. Ka biangah a fawp zauh a.  Min ngaihtuah thu leh inringtawn taka engkim inhrilh ṭhin a duh thu a sawi a. A changin thla kan la a, a changin kan inkuah a. Nuam ka ti ve veng veng. Ka kut khal niap niap pah chuan a lamah min pawt hnai a, ka biangah dawmin "min hrethiam hram dawn nia." tih pahin ka hmuiah min fawp zauh a, chhanlet duh viau mahila ka chhanlet hmain a duhtawk daih a. Inthlahrun hmel deuh hian, "tihpalh i nalh em a ka insum thei lo!" a ti a. "A pawi lo."  tiin ka chhang ringawt a, kan haw ta a.

Pic : Berema Chhakchhuak


Chumi zan chuan Phone ah kan inbia a,  lawmthu min hrilh mawlh mawlh a, awm dan ka thiam lo lek lek zawk. Min ngaihsak thiam em em a, ka phu lo zawk hialin ka hre ṭhin. Kan mimal thil chu mimal thil a nih anga vawng tlat turin min hrilh ṭhin a. Phone inhman thleng, Facebook password inhrilh leh inzawh te a tih ngai loh tur thu a sawi mawlh mawlh a.  Ka lawm kher mai. Mipain an ngaihzawngte thunun tum rana an facebook account thlenga thunun an tum hi ka haw tlat a.
Kan ni rei tial tial a, kan inbe zing bawk a ka ngai ve ta riau a. A tel lova hun hman hi a nuam lo viauin ka hre ṭhin. Phone ah inbe fo mahila phone aṭang ringawt chuan engkim hi a thleng vek thei si lova inthlahlel leh inngai deuh chungin hun kan hmang a.  Kan duhthusam tipuitling turin a taka inhmuh ngei kan tum fan ṭhin.
Ka ngai ve thei em em a, a taka hmuh hlan ka nghakhlel ve takzet. A ni nena hun hlimawm hman ngei ka duh vangin hun hmanpui tura min sawmna ka pawm a. Mahse, December 24 zan a ni a, ka chhungte'n an phal dawn lo tih ka hriatin chhuanlam dang ka siama chhuah ka dil a, Ka dil tak tlut tlut hnu chuan an phal ve ta hram a. An phal ta chu ka lawm a, a ni ka hrilh vat a, amah pawh a lawm kher mai.
...
Kan kal tumna kan thlen chuan kan ṭhiante pawh an lo awm ṭhap tawh a. Kan inhmukhawm chu kan hlim tlang ngei mai. Nuam zawng zawng neih tumin in chi chi hrang hrang leh ei tur nen, ri thei zawng zawng nen, kan hlim khawp mai. A ṭhenin hla play a an lam a, a ṭhenin an lo bawl a, a kawp tea lo interek hrang tawk nen. Kan kim khawp mai.
Kei pawh a kiangah ka awm bawka nuam ka ti khawp mai. Beer a in a, min pe ve a ka in ve a. Ka  hnungah a ding a, min kuah chial a. A thim china ding kan ni bawk a ka min kuah pahin a kut a hlei ṭan khawp mai.  
02 January 2018 | Thingdawl
Chhunzawm tur...