Sponsorship atan helai hmun hi i tan a ruak e. To Advertise here contact: +919402125273 (Call / WhatsApp / SMS)

Labels

LightBlog

Friday, 9 February 2018

KA DEM LUL NAW CHE



ZIEKTU: H. ZATE.

TAP LE INSUT HLAWP HLAWP PUMIN A K O LAWM LAWMA, “BAWITE, DAWNZAI I REL TA SI NAW MAW?!” . A SAKRUONG RIEL ANGA DEI DAR DAR EL, PANGTI LUM HRIM NEI TA LO CHU AKUO NGAWI NGAWI A, LUNGNAT LEA LUOITHLI NUL IN A BIENGAH ALUONG NGAI NGAI A, A BIENG KHAWMIN DAWL ZO TA LOIN A HMANGAI BIENGA CHUN A FARTHLA TA A, NI DANG CHU NISIEN ‘U RAM, TAP NAW RAWH, KA HMANGAI, I TA KA NI’ TIIN A HMANGAI LUOITHLI NUL CHU HNEMZAI REL VE A TA. SIENKHAWM, ‘BAU-SAWNTU’ DING A UMTA SI NAWH. HMANGAI EM EM IN A DUOTLAI BIENG CHU A FAWP NGAWI NGAWI A, A SAKRUONG PIELLEI THUORIET HNUOIA SAM-ANG ZALA THAMRAL EL DING CHUN A PHAL LUL NAWH, PHAL THEI DI’N A MAWI BAWK  NAWH.

 FAM CHANG CHENA DINGA INTIEM AN NI SIA.

A HMANGAI BIENG VUOI ZAWR HNAP CHU TLEITIR BIENG INNO LAI ANG EL IN A TUOI MAWL MAWL A, A VANGLAI A A HMANGAI DAN NEKIN A NEP CHUONG NAWH.

BAWITE, BAWITE, KA HMANGAI, KA DUOTLAI, ILO NUNRAWNG NGEI MAW, KA CHANDING KHAWM IMI DAWNPUI NAW MAW?! , I SAKRUONG RIEL ANGA DEI HI HUNG HLUO NAWK TALAM. BAWITE, I HMANGAI LUOITHLI NUL HI I HMU VE NAW AM ANI., I MITTUI SUKTHLA NAW RAWH, ITA KA NI’ I TI LAI KHA I’NNGHIL ZO TA MAW!

BAWI, HLIMTEA RUN HMUNKHAT A LENGHMUN DINGA KAN RUN INSANG I HUNG INLAWINI HAI KHA I HRIET TA NAW MAW, KHA NI A I HMELTHAT BIK ZIE KHA, AW. . . . , BAWITE, VAWISUN CHEN HIN ILA THA ZING ANNAWM,. LENGDANG PO IN ‘TAR’ TIIN SEL HAI SIENLA CHE KHAWM KA TAWNA CHUN TLEITIR MITMENG PAWRIEI ANG I LA NI ANNAW!!, . IENG DINGA MUOL I LIEM EL AM ANI A. KA CHAN DING I DAWN NAW KHAWMA I HRAILENG HAI CHAN NDING BEK DAWN VE TA LAM, AN KO LAWM LAWM CHE HI, ENTA, , BUONGNU KHAWM A LEKHA INCHUKNA A’NTHAWK A HUNG TLUNG HI, I LO LAWM HLAK AN NAW, HEI LAWM NAWK TA LA, KIRZAI REL NAWK HRAM RAWH. I THANG LOVIN IENGTIN AM KHUO ENG HMU NGAM KA TA.

TU’N AM PA BIEKBUK LAMTLUONG HRUT DINGIN KA BAN CHEL TA ANTA?!

TU’N AM KA LUNGNAT, LUNGSAWL MI HNEM TA ANTA?!

TU’N AM KA LOVAI INLAWI MI LO TUOK AN TA? MAW,? MI DAWNPUI RAWH. .

SIENKHAWM, BAU-SAWNTU DING AN UM TA NAW. BAWITE, HI BEK HI HUNG HRIL TA LAM, “KA LA HMANGAI ZING CHE!” TI HI, . SIENKHAWM, DAWNZAI A REL TA SI NAW H.

BAWI, KA THUOMHNAW TU’N AM MIN HAKTIR TA AN TA, BAWITE, AW , NAU ANG EI INLAWMNA LAIKHUM HI IENGTIN AM MAKHATIN BEL NGAM KA TA? IENGKIM EL HIN NANG NGAI AN SUKZUOL DING ANI HI. . . . .!

BAWITE, KIRZAI RELNAWK HRAM RAWH, . SIENKHAWM, LUNGLO TUI DAWN IN KHUOVEL HRIM NGAINA ANEI TA SINAW. BAWITE, I RAUTHLA BEK KA KIENGAH HUNG TIR TALAM, KA HMANGAI CHE ITI LAI KHAN INNGHILZO TA MAW!!

U RAM, NANG LE FANAU MALTLUON CHAWIIN LENGHMUN EI TA. . . ,ITI A , BAWITE, FANAU MALTLUON EI CHAWIDUN TA A, KA TA DINGA I HLUTZIE HI I HRIETTHIEM TA NAW EL AM ANI. KIRZAI RELNAWK HRAM RAWH, I SAKRUONG RIEL ANG RALA PIELLEI THUORIET HNUOIA INZAL EL FING CHUN A PAMHMAI LUO IE. .

IENGPO KHAWM NISIEN, KIRZAI I REL TA SI NAW MAW, HI CHAU BEK HI LO HRE LA ” I DAMSUNGA HMANGAI PAR TLANA EI LENGLAI KHAN HLIMTAKA LENGDI’N I MI’N TIEM A, FAMCHANG HMAKHAT HMANGAI DINGIN, BAWITE, KA DEM LUL NAW CHE, ILAKA HIN LUNGAWINAWNA HRIM KA NEINAW I TIEMTHU I HLEN LEIIN”.

FAM CHANG CHENA HMANGAI DINGA INTIEMIN I SUKHLAWTLING LEIIN “KA DEM LUL NAW CHE” .

No comments:

Post a Comment