Labels

LightBlog

Wednesday, 14 February 2018

THE ACTOR

Ziektu: H.Zate,
- www.hzate.in
Hi khawvelah hin phunaw sai tluka intak le rinum a um kher di’m chuh. sienkhawm, chu nek chun phu zing si a, hêltu cho lo Val hrang leia hmangaina inhlan ngamnaw le changnaw hi a rinumin a tuor a intak awm ie. 
‘Michael Learns To Rock, MLTR tia ei hrietlar khaipa taka hril Pu Jascha Richter-in a phuok ‘The Actor’ hih ka dit ve em em, ama ngei khawmin a lungril a mi pek ve, ka lungril inhlan tuma lampuia kan intlawn mêklai rosum le hausakna leia ka cho lo valin Bike a a hung phur vik vik hma khan chu a hlutzie ka hrietthiem naw a, hmangaitu lungril ding le a phuoktu lungril ding ka ngaituo pui phak nawh. sienkhawm, kha ni a inthawk khan chuh ka ta ding ngei khawmin hi hla hih hla mawi le nal em em a hung ni ve ta a’ tiin ka ruolpain a hril.
A nei rosum suongin a nuomna tieng tieng ṭhuoi kuolvel chein I nuomna tieng tieng a ṭhuoi vel che a, Zan sawt tak taka khawm in in sungah inlawiin a leng hlak che. I thilthawna iengkimah ṭhang vein a ṭhangpui che a, I mamaw hunah I koin sun, zan khawm nisien a hung el hlak. sienkhawm, kei ruok chun ka thei ve nawh, zan sawt tak tak menga leng ve thei che ka ni naw a, zan re mi zal hnunga thlum taka biethu inhlan dingin ka meng sawt ve thei nawh. Ka hmangai naw lei che le ka ngai pawimaw naw lei che a ni hran nawh.
sienkhawm, ka neinain a tlin ve naw a, zing varṭiena thoa kawla ni suok tiema sin thaw nawk ding ka ni tlat leiin I ṭangnem bela zan sawt tak tak meng chu thlakhla hle langkhawm inhma taka ka zal a ngai nawk si. zing khawvarah sin tam takin a mi nghak zing leiin I kuoma hun hmang kha thlakhla tak pumin ka tawpsan lem hlak a nih.
‘A Ngur hraichawi chun suortin hrutpuiin
Muoltin a fangpui che,
Kei a riengval ruok chun
Sin tamtak nghaktu leiin
Mate’n thlepnem ka bel nawk hlak.

ti hi a awl a, Pu Jascha Richter meu khawm hi insum zo lovin, 

He takes you out and he takes you up
’cause he can show you so much
I go to bed and tomorrow again
there’s a lot of work to be done

a lo ti ve a, hmanngaina leia beiseina beidawng tlak zet nei chuh a buoithlak anih. Hmangai tak ṭhang lova hringnun hmang ding chu tu am rinnaw bik an ta? Hmangaina inhlan theinaw bik a ni sinew a. sienkhawm, a rem si nawh, a chantawk khuonu ruot hrietthiem a’ntak. chu huna chun,
‘Parmawi tin, le tangka raw a tiem che,
I ta dingin Khuovel meu khawm,
A iengin Hmangaina ka’n hlan thei che ,
A rem si nawh, raira kan inrieng luo ie.

tia inkiu rawng rawng el a awl awm ie. chulai chun,

He gives you gold and he’ll promise you
the whole world will be yours
I just can tell you I love you so
even though my odds are low

tiin a hung inkiu vawng vawng a. Rangkachak le lunghlu tam tak pe chein, khawvel meu khawm I ta dingin intiem a ti che. Ka hmangai taluo che ti hi ka inhlan thei che, sienkhawm, retheina hi ka inchalrempui lem si.
Vangkhaw zawlah riengte’n lengin,
Kan nei rosum tlawm sienkhawm,
Ka kiengah lenga Hmangaina mita
I mi thlir zing hih Ka ring la fan a,
ti el naw hih chu hril ding a vang hle chu ni ngei ding a nih.

I’m not an actor I’m not a star
and I don’t even have my own car
But I’m hoping so much you’ll stay
that you will love me anyway

A hung ti suok a. Mi inlar le a changtu khawm ka ni nawh, Car el khawm ka nei nawh. sienkhawm, hieng sa khawm hin ka ta dinga ringuma I mi la hmangai hi ka la ring fan a.
Nawmsip bawlna le khawvel tirdakum tak tak hai hi a khawvel hriet sun chu a nia, nuomsip bawlnaa ṭhuoi lut che khawm tum hlawk a tih. kha kha a khawvel hriet ve sun ani a, khawvel mawina par tlanin nun zalen takin hmangpui hlak a ti che. sienkhawm, kei ruok chuh ama leia lunginthip tak pumin chunga thla le Arasi eng ruoi khi thlirin ka lunglawm ka sukkim hlak. Nang ngai leia lungngai tak pumin a varna khin hlimna a mi pek nawk hlak.

The dirty games and the neonshows
This is the world he knows
Watching the stars satisfies my soul
thinking of him makes me feel so cold

A car nal tak tak le chawlbuk-hai leh, a neinungna tam takhai leia I hei ngaina el ka hmu chang hin mitdel ni thut la ka ti chang a tam. Hmangaina neka rosum hnawt tlan i ni ka hmu changin ka na hlak a, A theina le hausakna hi nei veka chak hiel hlak. Ṭha anga inlang na zawng hi an ṭha vawng naw a, A lungril inhmul dem dum le inhnawk em em dam hi I mit hin I hmu thiem hlawl naw am anih ka ti hlak.

The fancy cars and the restaurants
You’re just so fond of the man
Sometimes I wonder if you are blind
Can’t you see, he’s got dirt on his mind

Lunglem nei lo le rosum hnawt hmangaina partin lawrhai hin chu khuo khawm an hmu naw a ni deu tak a ni hi.
24 September 2015 | Silchar

No comments:

Post a Comment