Tuesday, 27 March 2018

NURSE DAY


- H.Zate, Hmar Rûn.


'Nupui atan chuan Nurse emaw Puan țhuithiam emaw an țha.' tia an sawi țhin hi ka hria a. Chutih rual chuan, 'Nurse nupui nei ten hna dang an neih chuan an chawlh tir tlangpui!' an tih pawh ka hre leh bawk a. Mahse, chung zawng aia ka rilru luahtu chu, 'Nurse leh zirtirtu hna hi hmangaihna nena thawh chi a ni!' tih hi a ni a. ka ngaih dan danglam ngai lo a ni bawk.

Damlo an hriat ngai loh leh an țhenawm khawveng mi pawh ni lo, an la hmuh ngai miah loh leh a piang ve tih pawh an hriat ngai loh chu duat taka enkawlin an damna turin a hun thlap thlapah damdawi pein an enkawl țhin!

Nurse Hmeichhe hmelțha leh kut no thep maiin duat taka min han enkawl chu a damdawi tel lo pawh khan min enkawl se kan dam tawh hrim hrim. Min ngaizawng ta emaw tih mai awl khawp a min han enkawl chiah chuan a ta ah min siamin kan dam sawng sawng a. A enkawlna dawn thlahlel vangin nat reng mai a chakawm leh țhin!

A che vel ringawt pawh dam lo tam tak tan damna a tling a. A nui sen sen leh a hmela hrehna leh peih loh hmel tel miah lova natna khirh tak taka na te a han enkawl zet chuan, dam lohna pawhin kian lam a pan zung zung emaw tih mai awl khawmin an dam țhin.

Dam lo zun leh ek ten lo ang maia an thian thei ringawt pawh hi hmangaihna nen lo chuan thawh har tak tur a ni. An hriat ngai pawh ni lo dam lo enkawlin an han bualfai a, nau piang nise a enkawl hmasa sa ah an țang a. Chu chang a ni lo, Hliam an han enkawlah hian a sin Nurse zaidam leh fel enkawl nih nuam chu!

A thawmhnaw inbel thianghlim tluk zetin a thinlung a thianghlim a, rinawmna, lainatna leh hmangaihna nena thawktu chu dam lo tan pawh damna thlentu a ni fo țhin.
Naupang an enkawl leh an lawm tur tawka infiampui dan an thiam a, puitling nise chuti ang bawkin. Ka Nau, a ril zai vanga Civil Hospital, Aizawla han awm pawh khan ina haw a duh tawh lo țep a nih kha maw!

Nurse fel hi chu dam lo tan na chhawkna mum lian an ni ringawt lova, damdawi mum lian an nih rualin, dam lo chhungte tan thlamuanpui awm an ni țhin.


Kum 1965 ațang khan International Council Of Nurses chuan Florence Nightingale (12 May 1820 )pian ni 12 May chu International Nurses Day atan a lo hmang țan tawh a ni. International Committee of the Red Cross chuan kum 1912 ațang khan Nurse chhuanawm tak takte chawimawina atan, Florence Nightingale Medal a pe tawh țhin a ni.

Ka buai a talangin ka thai kual tam hman lo, Nurse zawng zawngte, In hna hmangaihna nena thawh ngai hi hmangaihna leh lainatna nena lo thak zel a, Nurse țha tak lo ni zel turin duhsakna ka hlan che u a,  Nurses Day chibai ka buk vek a che u!




12 May 2017 | Guwahati

Thursday, 8 March 2018

INKHAWMPUI, AW INKHAWMPUI!


- H. Zate
  www.hzate.in

Inkhawmpui ei ti hin eini lai chu Inkhawmpui le rorel a ni kawp tlangpui a. Chu umzie chu inkhawmpuiah chun ro ei rel ngei ngei tina a nih. Kum tina Inkhawmpui hlak an um a, Inkhawmpui kher lova Inkhawmpui nei naw kumah khawm rorel inkhawm nei el hlak ei um bawk.

Baptist Church Of Mizoram (BCM) hnuoia ṭhalai pawl hi Ṭhalai Kristian Pawl (ṬKP) ti a ni a. Pawl pumpui inenkawlna a ni pha MṬKP (M - Mizoram) ti a ni hlak. MṬKP Inkhawmpui hi kum hni dan peiah hmang a ni hlak a. Kum 2016 khan Lawngtlaiah an hmang a, Kum 2019 khin Tlabungah hmang nawk an tih. Chu inkar, kum 2017 le kum 2018 a chun rorel chau neiin rorel palai, an inkeiṭhuoina dana inziekhai chau an fe hlak.  Hieng anga thil thaw hi a hadamthlak a, sumseng a tlawmin inkhawmpui khawm a hlungin a hlu hlak!

Inkhawmpui tlung ding hin a tlungtu/dawltu an inbuotsai nasa em em hlak a. Kawng tinrengah mikhuolhai lawmna  intlun naw le tlung zo naw le ropui naw bik inlauin an inbuotsaia, an inpuocha mup mup hlak. A tlungtuhai inbuotsaina chu thuhran nisien, a fe dinghai inbuotsaina khawm hi a nasa a nih. Inkhawmpui hmang dinga inbuotsaina a hau intak em lei le tulai ei ngirhmunin a zir ta naw leiin Inkhawmpui lien tak tak a kum sira (kum tina) hmang le nei hi bansan a hun ta hle.

Inkhawmpui lien le rorel tlungtu inbuotsaina ṭhangpui dingin MṬKP chun kum tin member tinin cheng 10 an thaw khawm hlak a. Tukuma inkhawk khan cheng 20 a suksang a nih. Member 20,000 an lo ni chun 20,000 × 20 = 4,00,000 vel a hung suok a. Kum thumah chu 3 × 4,00,000 chu 12,00,000 a hung tling a, ( Maktaduoi khat le nuoi hni / Nuoi sawmpahni ) Inkhawmpui tlungtuhai ṭhangpuina dinga thil ṭangkai tak el a ni awm ie!


Tukum 2018 a Hmar kohran lien pahni ICI le EFCI, KṬP chun inkhawmpui lien ( ICI @Rengkai, EFCI @Muolhoi ) an hmang a. Inkhawmpui palai an tam bek nawh. Ka ruolpa Pensionthang Puruolte chun EFCI KṬP Inkhawmpui palai chu 1000 vel niin a hril a, Ka ruolpa Joshua Amo (Jr Amo) chun ICI KṬP Inkhawmpui palai chu 400 veli niin a hril bawk. An hril zat hi indik chie naw sienkhawm a awm tawk vel chu a ni awm ie. Ka ruol  ṭhenkhat inkhawmpui an fe naw san ka'n dawn chun, *"Kalman sengso a'n sang taluo a,"* tiin an mi dawn a. Mani hmang ding khelah kalman ding la hei intum ding chu thil hau intak tak a ni awm ie. Sakawrdai, Mizoram a inthawkin Rengkai pan ding nisien mi tam tak ta ding chun kalman ringawt khawm a harsa awm ie.  Muolhoi pan khawm a awlai bikin ka ring nawh. Ka lo huphurpui khawp el.  (PCI Mizoram Synod KṬP chu West Phailengah inkhawmpui an hmang a. Mikhuol sing hni an chuong hem el. An ni chu Member khawm Nuoi an chuong a, a awm ve tho.)

Mani sum senga inkhawmpui fe hi mi tam tak ta ding chun thil intak le harsa a ni ta a, phurrik a tling tah. Chulei chun thaw dan dang zawng a hun tah. A ni ngei, tuhin chu inkhawmpui fena ding hin mani pawisa seng ngai ta naw nih! Mak i ti el thei. A mak bek nawh. Inkhawmpui  hma kum hni khat chuong umah khan bielin inkhawmpui fena dingin Budget lo siem sien, chu chu unit tinah target sem nawkin, Unit tinin an target seng hung  sunglut anta, a tawpah chun mani pawisa fai suok lovin inkhawmpui hlim takin an hmang el ta ding annawm!
Entirna dingin; EFCI KṬP chun tukum inkhawmpui an hmang a, Kum 2021 (ka hriet suol naw chun) an nei naw chau ding a na. A hmun ding an lo hriet lawk ta lem chun a awlsam a, an hriet lawk naw khawma  awm tawk sutin Kum 2021 a Bus pahni pathum hmang theina ding tawk kha sutin, Cheng 1,00,000 a lo ni chun chu chu kum 3 in sem nawk sien, kum khata ding chu Cheng 34,000 vel a hung ni a, chu chu kum khata biel sunga unit tin haiin target insem nawk hai sien, Unit 10 an lo um chun 3400 seng damin an insem thei awm ie. Unit lien le chin ruok chu inang thei naw tawp a ta.  Chuonga kum 3 an thaw chun harsa bek bek lovin hlim tlang takin inkhawmpui an fe el ta hmel!


Tuta ei fe dan del del, Inkhawmpuiah *mani kalman intum* ang chi hi ei la fepui ran chun Inkhawmpui ṭiek nawna ram ei tlung hma hin chu member rethei ta ding chun inkhawmpui fe nawna lampui hi lampui awlsam lem a ni rawp hmel!

... ti dam hi ka imu suok, in thei si naw pumin ka ngaituo ta vel mei mei a!
In rengin hun hlimum tak hmang mawl ro!

08 March 2018 | Thingdawl
- www.hzate.in
+919402125273

Tuesday, 6 March 2018

REASON


Ziaktu: H.Zate
- www.hzate.in

Canada mi, Zaithiam leh Hlaphuah thiam,  aw mawi leh ngaihnobei em em mai,  Shania Twain - in mawi em em a a sak,   'From This Moment' hla hi i ngaihthlak tawh ngei ka ring. I la ngaithla lo a nih pawhin he thu i chhiar hnu tal hi chuan lo ngaithla ve chhin la.
He hla 'From This Moment' hi  Robert John Lange nena an phuah niin,  Hmeichhia-in a pasal neih ni, a pasalin a kuta zungbun a buntir zawh chiaha a sak ni awm a mawi hla a ni a, a rilin mi a fan hneh a. A ruk takin mi a hneh em em a. A satuin a sa thiam bawk a, ngaihthlak nawn awn awn a awl a, a satu mai bakah a hla hi  ngaihzawn a awl a, beng a titlaiin ngaihtuahna a fan lo thei lo.

I give my hand to you with all my heart
I can't wait to live my life with you I can't wait to start
You and I will never be apart
My dreams came true because of you

tih lai te hi aw.....
A thinlung zawng zawng nen a kut a hlan a, a nghahlelh em vangin a kianga nun hman hun tur kha a nghak thei tawh lova, bul ṭan thuai thuai a duh tawh a, nghak reng thei a ni tawh lo. Chumi ni leh hun aṭang chuan, 'Engmahin min ṭhen tawh lovang' tih chu a sawi theih chhun leh a duhthusam a ni a. Ni e, chu a duhthusam, a lo sam fo ṭhin, a kianga nun hman hun ngei chu a takin a lo thleng dawn ta a,  'Nangmah vangin ka duhthusam a thleng dik si!' a ti lo thei ta lo a ni. Ni e, 'Ka duhaisam kimna i ni' te pawh a ti mahna..

He hla ami tho,
' You're the reason I believe in love '
tih lai te hi a va han ril lehpek em aw! Hmangaihnaa rinna ka nghah chhan i ni! emaw Hmangaihna ka rin chhan i ni te pawh kan ti duah thei awm e. Hetiang hian tu emawin min han ti ve reuh se Vala hi kan awn ruai ruai mai awm e! A ni kha zawng awm lo se 'Hmangaihna' hi hmangaihna a ni tih a ringin a pawm ngai awm si lova, mahse, a ni kha a nunah a lo lang a, a ni ngei kha hmangaihna a rin chhan a ni si a.


He hla tlar a, 'Hmangaihna a rinna ka nghah chhan i ni e!' han intih tawl mai hi ava han hlu dawn tak em. Mi ṭahna thlentu leh an ṭah chhan nih ai chuan Hmangaihna an rin chhan han nih chu a lawmawmin a ropui ngawt ang le. Tu mai pawh hian kan châkin ka ring.

Keini Krista zuitu intite hi miin Krista an zui ve chhan leh Kristaa rinna an nghah chhan kan ni tawh em le?  Tlangval rui pakhat chuan zaipawl membar pakhat chu kawkin, "A ni vang sawn zaipawl hi ka ring lova, Kohhran ṭhalai pawh hi ka rin loh phah," a ti bawrh bawrh a. A chhan ka zawh chuan, "a lang chauhin rawng a bawl a, a lerhin ruihhlo a ti tho si a," a ti a. Heta 'chhan' , zaipawl leh kohhran ṭhalai a rin loh chhan nih hi chu a chakawm lova, a lawmawm loh. Chumai a ni lo, a ngaithlatu tan pawh ngaihthlak hrehawm tak mai a ni.

"Anni hi vanram an kai a nih chuan ringlote pawh an kai tho ka ring," , "Kohhran Hruaitute pawh ka rin loh chhan chu amah vang hi a nia," a ti pang pang a. A thu chu enga pawh lo nise, kha thil a rin 'chhan'  kha a ni pawimawh leh ta chu. Miin kan rinna leh a rawng kan bawl Krista thlenga an rin loh 'chhan' nih hi thil pawi leh hlauhawm tak mai a ni.

"Amah vangin Isua ka rin phah a," tia an sawite, "amah vang hian Kristian nih ka chak phah," tia an sawi nih te hi a sin nuam tur chu! Hetianga a ṭha zawnga 'chhan' nih hi kan tum tur a ni a, keimahni vang hian tu emaw talin inkhawm lo chak phahin Krista lo hnaih phah se tiin kan bei fo tur a ni. Mi dang tena Krista an belh chhan leh an rin chhan nih hi kan tum fo tur a ni a. Chumi atan chuan chhel takin kan tuarin ka bei tur a ni.

Kristian te hi Krista rawng kan bawlna kawngah hian a chhe zawng ni lovin, "You're the reason i believe in love!" a tih ang hian mite hian, "You're the reason i believe in Christ" min ti mawlh teh se!

06 March 2018 | Thingdawl
- www.hzate.in