Saturday, 14 April 2018

I LOVE HER


( Credit Goes to photographer )

Ziektu - H. Zate,
  www.hzate.in

"I ngaizawngnu kha ka thei hnung a ni kha!" tia WhatsApp-ah thu ka dawng ni tluka ka lungril nat kha ka la hriet nawh. Chu thu chu thlalakin a zui a, ka hmangai em em, ka nun nia ka lo hriet hlak leh intheida naw hmel fahran a saruok thawthanga an zal lai thlalak a nih.

Ka hmu char le ka mita inthawka mitthli far kha ka dang hman nawh. Ka nun, ka iengkim nia ka lo ngai le ama khawmin mi hmangai ve vieua ka lo ngai chu hieng el hin nun a lo hmang ti ka hriet chun na ka ti ngei el.
A hmur a fawp khawm nuom naw khan mi dang lakah chun a lo inphal rai hle a nih ti ka hriet chun um dan ding tak khawm ka hriet nawh. Ka lungril hi sun angin a na ngawi ngawi a, ka natna sukzuoltu dingin a ngaizawng hlak chu hnam dang a lo ni nawk a. Mak ka tiin na ka ti a, ka hrietthiem thei hlawl naw a nih.
Chawmkhat ka inngaituo hnung chun, "I ta dingin a hlui tah; sienkhawm, ka ta ding chun a thar a nih. A nunhluiah ka buoi nawh; a nun thar lem hi ka ta ding a ni leiin! Ka hmangai a, hmangai zing bawk ka tih; asanchu, I Love Her!" ti chau te hi ka thawn a. "Hlim takin um ro!", ti char hi a hung thawn a, a re ta vang vang a.

WhatsApp Group pakhat a inthawk a inhre tan kan ni a. Khuo khat ni inlang khawm Kohran khat kan ni naw leiin ka lo hriet ngai bek bek nawh. WhatsApp group a inthawk mimal taka inpawlin, inpawla inbe zing chun inngainatna a um a. Intheida naw na na na chu kar 3 zet zawt ka bem hnung chun a ka fielna chu mi pawmpekin , inhre ngai naw kha ruolah, ruol kha ngaizawng kan ni tah a.

Ama leh chun nun hi a hlimumin a'nhawi a. Rinumna karah khawm beiseina ka nei hlak!
Chuong a a chanchin ka hei hriet el chu mak ka ti em em a. A tir chun the nghal el ka nuom hiel; Sienkhawm, ka inngaituo a, ka hmangai tak tak a ni chun a nunhlui ni lovin a tu nun lem hi ka ta ding a nih ti ka hriet a.
A chanchin chu kimchang taka indawnin, a mi hril a, chu pa a lo kawp leia a nat pha dan le an inthe hnung chena a la sukbuoi dan chenin a mi hril a. Ka lunginsietin ka hmangaina a zuol.
"Kum thum liem ta a khan hi pa le hin kan inngaizawng a" tia inthawka tanin an um dan, hun an hmang dan le nupa nun chena an lo hmang tak dam a mi hril a. A mi hril lai chun na hle langkhawm a ngaithlak ka sin a ni leiin ka ngaithlak ran a. A tawpah chun, "Ka nuna thil tam tak i hriet ta a, i ta dingin ka tling nawzie ka hriet a, i nuom chun mi maksan el rawh. I ta dingin natna intluntu mei mei ni pangpal ka tih!" a ti a, a tap feih feih a. "Chel naw ka ti che. Ka tling naw a nih!" a ti nawk a.
A nun dan po po ka ngaihthlak zo chun, ka kuo a, a mitah enin, "Ka hmangai che. Ka ta ding chun mi thienghlim i nih. Ka hmangai na che hin iengkim a hmu tha vawng!  I nunhlui ni lovin i nun thar lem hi annawm ka dit le ka ta ding chu." tiin inthla ka tum naw thu ka hril a.
Tap puma lawmthu mi hrilin a mi kuo ve ngawi ngawi a. A vawikhatna dingin a hmur inno em em el, siemtu hin a uluk bik am anih ti el dinga mawia chun ka fawp ngawi ngawi a.
Chu taka inthawk chun duot taka enkawlin, a nat ka phal ta nawh. Duot thei tawpa duotin, a natna ka hrietthiempui a, a hlimna intlun ka tum fan hlak. Ka lakah ringna a innghat angin a lakah ringum ka tum a. A mi mamawnaah chun ka sukhlawsam ngai nawh. Inpaw takin nun kan hmang a, ka lakah insit hlak sienkhawm, mani inngaihnuoinaa a sip ka nuom naw leiin ka ta dinga a thatna ka infa mawl mawl hlak.
Hmangaina hi mi tling tawngna ni lovin, mi tling naw tak khawm tlinga pawmna a ni leiin ka hmangaina hin a tling nawna po po a pawm vawng a. Vawikhat a suksuol leia a nun pumpui beidawngna kara a hmang ka phal bawk nawh. Ama khawmin ka hmangaina hrethiemin a mi'n za em em a, kei khawmin inza taka enin kan inkarah inhrietthiem nawnain hmun a chang ngai nawh; inhrietthiemna leh nun kan hmang tlat leiin.
Ka hmangai em leiin chan ka nuom naw a, ka phal bawk nawh. Chuonga intheida naw na na na chu a tawpah chun, damsunga puonthu pawt Ṭawmpui dingin a in sung ngeiah a hung inlawi tah a.


03 March 2017 |Thingdawl


Thuziek dang,
https://hzate.in/

Tuesday, 10 April 2018

J.N.V THENZAWL ALUMNI MEET 2016

Apps tlangzarh lai

~ H.Zate
www.hzate.in

Cambridge University emaw Oxford University emaw te iang ve pha lovin, Tute sikul emawni, St Paul’s leh Delhi Public School te tluk pha ve mah suh se, ‘Hlim leh lawma kan lenna hmun, Thiamna runpui JNV’ hi Ex-Navodaya’n te tan a hlutna a nep chuang lo!

A ri ret ret kan hria a, Ex-Navodaya’n Senior ten hma an la , JNV Thenzawl Principal hmalakna leh remruatnain JNV Thenzawl kum 1987 a din tawh chuan 02 Dec 2016 ah Alumni a ko haw dawn tih chu kan tan hriat a va nuam si em!

A hun a thleng
Kum 2016, December Thla, Ni 1, Ningani ani a. JNV Thenzawl a Tleirawl/Rawlthar nun hlu tak lo hmang ral tawh mi tam tak chu an rilruin Thenzawl lam a hawi thuap a, A kal ve lote pawh an bang chuang lo. Kal lote hlei hlei kha kal chak an ni. Mahni remchan ang ang leh thian ho inthurualin Ex-Navodaya’n ho chu kan nunhlui hlu tak awmna JNV Thenzawl panin kan kal sang sang hlawm a. Thenzawlah kan zirlaipuiten min lo hmuak a, kan han inhmu khawm zet chu lawm avang hian mittui a lo far thei chiang kher mai!
Ex-Navodaya’n Hawkhawm Runpui hmang turin, ‘Kan in, Kan Tleirawl nun kan hmanna in’ ngeiah chuan kan haw ta sang sang hlawm a! Nghakhlel tawh hlawm lutuk vanga remruattute remruatna zawm hlei thei lo pawh kan awm ! Keini, 18th Batch (2004) zinga mi, Malsawmtluanga, Remsangpuia (a.k.a Zothanpuia ) leh kei chu Bike in Aizawl atangin Thenzawl kan pan a, Aizawl atanga Hmuifang thleng Puia’n min phur a, Hmuifang atanga Thenzawl erawh Sawmtluanga’n min phur thung. Kan chak lutuk hi thlen theih loh kan hlau ani ber hlawm e. Thenzawl kan thleng ve ta ngei a, a nuam kher mai. Khami zan khan Ex-Navodaya’n Association chu din ani a, Thenzawl chu kan inpui a nih angin a sap tawng tak pawhin, ‘Headquarter’ atan kan pawm ta a nih kha!

Hawkhawm Runpui Chu

02 December 2016, Zirtawpni zing dar 9 ani a, kan za et et hlawm tawh ani ber e! Kan batch ami, Nautea of Champhai pawh ‘haw’ tum ve lo kha hemi tuk hian Aizawl atangin a la rawn kal a nih kha!

JNV pengah kan innghak khawm a, Kan chak et et tawh hlawm bawk ani ang e. Pilot aia tlan hmasa pawh motor 3 vel chu an awm tlat!
Kan khuaa let a, JNV a haw thin kan ni bawk a, tun tuma kan haw pawh hi hlimawm kan ti tlang. Haw ve thei lote rilru ah an awm lo thei lo.

Peng aṭangin kan tlan ṭan a, Pu Dr Marenga, 1st Batch Motor ah Senior te 2 nen , kei nen 4 kan chuang a, Thenzawl kan han fang zet kha chu a mi tham dan a va dang tehlul em! Bazar veng atanga Vengchhak/Vengthar panna kawng chho te kha zawl ta riau a ka’n hriat chuh! Kum 23 hnua an vawikhat hmuh lehna te, kum 20 hnua Thenzawl an vawikhat hmuh lehna te a ni nawk hlawm a, lunglen vangin biangah mittui a luang lo chauh ani ber e.

JNV Campus bul kan thleng a, Thlawinem lui bulah kan innghakkhawm hlek a, thenkhat la inhmu lo te kan han inhmu nak nak a, an inngai lutuk hi, “Ka ngaih zia che hi e, nang meuh pawh hian min hnem zo lo!!” tia inhril te pawh an awm tain ka hria.

JNV Thenzawl Campus chu kan han tlan lut ta sang sang a, Zirlaite leh Zirtirtuten min lo dawngsawng a, kan han inhmu hlawm chu kuta inchibai mai hi a tawk tawh lo. Inkuah meuh pawh hian a la fiah zo lo a ni ber e!
Kan han inkawm sang sang a , darkar chanve vel kan hahdam hnu chuan JNV Thenzawl Alumni Meet 2016 chu tan ani ta. Zirlaite zawng zawng pandal ah awmin kut an beng a, Zirtirtute an lo intlar a, keini Ex-Navodaya’n ho chu intlarin kan kal a, Zirtirtute chu kan chibai zel a, a chibai zo chu dawhsan lamah min lawntir zel a. Min va han duat thiam tak em aw!

Pu MP Singh, PGT Economics in inkhawm a kaihruaia, Ex-Navodaya’n te lawmna thu tawite , Pu Ramkesh Bairwa, Principal, JNV Thenzawlin a sawi a. Kum tina neih ṭhin tur Alumni Meet chu kuminah a bul kan tan chauh thu leh, Ex-Navodaya’n te chu JNV tana an rilru seng thar a, JNV hmasawnna tura theihtawp chhuah turin a chah. JNV Thenzawl Zaipawl ten mawi em emin hlain min awi a, an va thiam tehlul em! Ex-Navodaya’n ten mahni hming leh nihna te sawiin inhmelhriattirna kan nei hlawm a. inhmelhriattirna ni mahse thu tam tak sawi ta vak pawh an awm nuk e! A mawh love, an lung a leng ve em a tin a ni.
Chhunah Thingpui leh chhang tui tak kan ei a, hlim takin kan inkawm a, chawhnu lam hun erawh chu Ex-Navodaya’n te pual bik ani a, a duh tan thu sawina hun hawn ani a.Thu kan sawi sang sang hlawm a, kan hlim tlang hle. chutih rual erawh chuan lawm a kim lo, 1987 batch a tanga vawiin thlengin mi 39 in an chatuan ram min lo lawisan tawh si a. La awm ve se an hlim ve dawn vei nen. Kan theih tawk , kan hrereng ani tih lantirnan An mahni pualin minute khat hun kan hlan a. Nakinah, khita hming an lam hunah kan la ‘awm’ tlang dial ang chu.
Rokhawlna dang vanga rawn tel thei ta lo te pawh rilruin a hre reng a, keini nuam kan tih tluk zet khan kal ve thei lote khan kal ve an chak si a!
Hun hnihna kaihruaitu, Pu Dr Marenga, (1st Batch) in thusawi tur a ko zel a, a tawpah chuan kan batch lam chan a rawn thleng a, midang pawh kian lovin, thianten min phut bawk nen dawhsan lam chu ka pan ta a. Zirlaite chu thianghlim taka nun hmang a, an tu leh fate hnena uang taka an sawi ngam nun hmang tura fuihin ka thuziak dahkhawmna, android apps, H.ZATE tia vuah chu 1st- 5th Batch , Zirtirtute leh Principal chu tlangzarh turin ka sawma, an ni’n a duh apiang hman theih turin, 02 December 2016, Zirtawpni khan an tlangzarh ta rup mai ani. Nuam kan ti tlang ani ang e, kan zingah hlim lo hmel reng kan awm lo. JNV Thenzawl Zirlaite an fel a, zai leh lam an thiam narawh e! Program a zawh chuan Kan batch bik chuan kan Rawlthar/Tleirawl nun kan lo hmanna JNV Thenzawl chu kan fang kual a. Ṭhianhoa han awm chu nuam kan ti lutuk hi kan ‘a’ deuh huih vek mai ani. Kan kalhna apiangah thla kan la , kan inkham lo chu a ni ber e. Assembly courtah thla kan han la a, mahse, tun hmaa kan lak ang ani ta lo; kan tlem tawh riau, hrehawm khawpin kan tlem a ni ber e!



Lunglen tizualtu ting a tana kan sulhnu te kan fan hnu chuan Dining Hall lamah chaw ei turin kan kal a. A ngai ang patin kan han intlar leh a nih kha! Kan intlar dan ngai mahse, intlarpuite an dang tawh si. Rilruah kan hunlai, Navodaya’n kan nih ve lai, Pawl ruk atanga senior kan nih thlengin a rawn lut zawt zawt mai a. Lung a leng duh ngei mai. Kan thian kal ve lote kan hrechhuak lo thei lo.
JNV Thenzawl fachuam te kan ni bawk a, chawhlui tuitak min lo buatsaih sak a, ava han tuiin ava han nuam tehlul em!.

Chaw ei khamin kan kal laia kan inbualna thin, Vanva lui enin kan kal a, a hmun leh velten lunglen an kai tho ngei mai! Mahni chauh chuan ni ila mittui far fap fap khawpa tah mai a awl awm e! Nuam tiin hlim viau mah ila, ni kan chelh ding zo si lo, kawlah ni a liam riai riau tawh mai si. kham lo leh thinlung za et etin JNV Thenzawl chu kan kalsan ta hlawm a!

Mi te sikul anga ropui leh mawi ni mah suhse, Kan tan a mawi si.
Mi ropui ten enkawl lo mahse, kan nun bul tanna ani tlat.
He sikulah ngei hian hmangaih tam tak an intawng a, nupa hial an lo ni tawh! He sikul leh a chhunga room ah te hian, hmanah chuan nui ri mawi tak tak a lo awm a, hmangaih Biahthu an lo inhlan a, nun hi a lo mawi thin. Hmangaihna vanga mittui, leh lawm avanga mittui chenin. He sikul ngei hi kan nun kan lo hmanna ani a. Mahni khuaa haw lova JNV Thenzawl a haw thin kan nihna ringawt pawh hi a dangdai bik ani.
He sikula i va kal ve chuan, dawhkhan leh thutna te kha, Tleirawl rilru thianghlim tak tak lo thut tawhna ani tih hria la, a room tin mai te kha an nun pum an lo hmanni ani. Mittui tam tak sur mahse, nui ri tam tak a awm a, lungngaihna phena lawmna an hmuhna ṭhin a ni a. Beidawnna phena beiseina an lo chharna ṭhin a ni. He sikul ngei atang hian Doctor, Engineer, Army, Civil Service leh Zirtirtu thlengin an lo chhuak tawh.

A chhunga thil awm te khan lo hrilh lo che mahse, he hmunah ngei hian inṭhianṭhat hlutna, hmangaina awmzia, leh finna leh thiamna te kan chhar an i tih min lo hriatsak dawn nia!

A tawpna’n, ‘Hlim leh lawma kan lenna JNV vul reng rawh se!’

03 December 2016 | Aizawl

thuziak dang @ www.hzate.in

Friday, 6 April 2018

NUN THAMRAL


Blog Girl: Tetei Fanai
Ziaktu: H.Zate
     - www.hzate.in

Kan khuaa Zirlaite lawmthu thlen tumin , Zirlaite leh MZP aiawhin kan bialtu MLA zahawm tak, a theih tâwka a bial mite ngaihsak thiam em em mai, Pu Hmingdailova Khiangte hmuh tumin a awmna hmun tura ka rin hmasa zâwk Bhawan lam ka pan a. Bhawan a a țhut ni   lo ni lo kher nen Mizoram New Secretariat lam pan tumin bhawan ka chhuahsan a. DIKTAWN magazine pisa kawta ka bike chu her remin MZP Pisaa kal phawt tuma ka insiam mek lai chuan ka hmaah tleirawl pakhat hi a sikul thuam famkim nen  a rawn chhuk a. A nalhin a mawi zet zawt ngei mai. Sikul thuam zawngin inthuam lo se nula pangngai emaw tiin ka melh sala ngei ang!


Ka lo en deuh ngut ngut a, a lai deuh nge ni a inchhuih a, a tlu ta mai a. A thawh leh mai ringin ka en reng a; mahse, a rawn hawi chhuak chu a mittui a hnâm pâr mai a.  A khûp ațangin thisen a chhuak zaih zaih mai a. Ka khawgaih ngei mai, chu thil ka hmuh chuan Ka insum thei tawh lo. Ka bike ka dah a, chu tleirawl lam chu ka pan ding a. Ka pawm tho lawk a, ka bike ah chuantirin ka  damdawiin hnâi ber chu ka panpui ta a.


Damdawiin tihah clinic   ni mah zawk. Nurse ten an buaipui a, an han silfai sak lai chuan a țap faih faih a.  A chhungte no zawtin ka call a, an rawn thlen hmain ka lo buaipui leh rih a.
A khûp kak an han țhui chu nã a ti ve ngei a ti ang e, a chalah thlan a lo hnâm țiam țiam a. Ka bân   hmer ngawt ngawt bawk a, ka khawngaih ngei mai.  Nurse chuan, “i hmel țhat em hi țap suh!” a lo ti a,  “ni e, i țha reuh si!” ka lo tih zawm zat , a țah nuih a, rei fe kan inchai hnu chuan a zo ve ta hram a.
kan zo chu a nu leh a u ni awm tak nula puitling hi an rawn lut a. An rawn ri bawrh bawrh a, “a lum hle mai. Darkar chanve zet kan thang a lawm le.” An rawn tih chuan thil min hriatchhuahtir a, ka sana ka en a, “eh, New Secretariatah ka kal a ngai.” tih leh chhuah ka rual ta a.
Ni 2 liam hnu chuan ka hna thar thawk turin sikul lam ka kal a. Mamawhna a nasat em vangin class ka la nghal a. Pawl 12 room ka’n lut zet chuh awi karei! Kan tleirâwli kha a lo awm chu niin  A zia nge zia lo pawh ka hre tawh nek love. A ni pawh a lai a, kei pawh ka lai a. Class lak pawh a buai lek lek. Ka hriat phâk an ring lo nge ni a bula țhu nen chuan ka chanchin an lo sawi sep sep a. A nuam lo lek lek !

Zan a ni a, call ka dawng a, kan tleirawli nu kha lo niin leng turin min  sawm a. Kal dan turte kan inhrilh hnu chuan ka leng ta a. An felin biak an nuam khawp mai.  An fel a talangin chu zan ațang chuan zan tin chu inah chuan   ka leng ta ziah mai a. An felin a nuam țhin khawp mai. Chhunah sikulah, zanah an inah, kan inhmu zing ta hle mai.
Zan khat ka leng chu mi dang an awm lova, a tihtur te tihpuiin, a zirlaite ka zirpui a. “Sikulah chuan i zirtirtu ka ni tih kha chu i la hria ti raw?!”  Ka ti a, “aw, hria hria. I sual lutuk” tih pahin min beng taih taih a. Kan infiam a, kan hlim ngei mai. Ka kuah a, “i țha thlawt e, duhawmte!” Ka ti a. A khabe ah dawmin ka chawi a, a hmui no leh fawh chakawm em em ah chuan ka fawp zauh a, engtin mah min tih tak loh ah chuan fawh leh tumin ka kûn leh a.

Chutih lai tak chuan, “Zate,  tho ta rawh. I in sawt taluo tah” tiin ka țhiante, Nathanael Neingate leh Joshua Ralsun chuan min lo sawi harh a. Ka mumang lo ni lekin, Ka va’n ui tak! Silchara Ka țhianpa in luahah ka lo awm niin,  Ui tak chungin mumang lama ka lo hman, nun thâmral chu ka thawhsan ta a.

17 March 2017 | Thingdawl

Sunday, 1 April 2018

KARHLA HMANGAIHNA


( Pic is just a pic )
Model: Kimkimi Hrahsel
Photographer : Valte Camera
Ziaktu: H. Zate
- www.hzate.in

Fb-ah ka thu post pakhat a lo comment ve aṭangin kan inhre ṭan a. A profile ka en a, a thlalak ah 'like' ka hmet pawp pawp a. A ni pawhin ka thlalakah a lo hmet ve zel a. A tawpah chuan inbox lamah kan ṭuan a, ṭhian ni ngai lo kha fb ah ṭhian kan lo ni ta a.
Chuti chuan remchang leh hun awl apiangah kan inbiaa, hun awl lo ah lah kan inbe awl lo! A online in ka lawm a, a online loh lah chuan ka ngai veng veng lawi a. Kan han inkawm te hi ka sawifiah thiam phak bak hian nuam ka ti a, ka hlim veng veng ṭhin. Tichuan, inkawm ve ta fo chu fb ringawt chu ka kham khawp ta lo. A Phone number ka dil a. "Mipa i ni a min pe hmasa zawk rawh," a  ti a. Mahse, a dil hmasatu zawk ka nih thu ka chhuanlam tlat a, chutia ka ṭan tlat takah chuan min pe ve ta a. Ka va lawm kher em! Ka lawm zia lantir nan Kei pawhin ka phone number chu ka pe ve ta a.


Fb aṭang chauha inbiak kan kham lova, tichuan, Phone Call ten kan inbia a.  A aw mawi tak mai ka hriat kha ka bengah hian a la cham reng ṭhin. Ni e, ka tan chuan a aw tluka ri mawi leh ngaihnawm he khawvelah hian a awm ve tlat lo. Ka tan chuan ka engkima engkim a ni ringawt. Phone Call ringawt pawh chu kan duhtawk ta lo, WhatsApp lamah nen kan inbe leh ta zel a. Kan inbiak tawh hi chuan nuam ka ti a, ka hlim veng veng ṭhin. A changin ṭha takin min biaa, min biak viau chang nei mahse, min ngaihsak miah loh chang a nei fo ṭhin.

Zan khat kan inbia chu a bialpa nen an inṭhen thu min hrilh a. Ka lawm kher mai! Mahse, lawmna tihlan vak chi a ni si lo. Amah tawrhpui angin ka awm a, a ruk chuan ngaihzawng nei lo ka biak tawh dawn avangin ka lawm lawi si. Ka theih tawk chuan ka hnem ve ngial a. A tawpah chuan kan inhnem thei ve ta a. Amah ka duh a, ṭha ka ti bawk a, ka hriat loh hlanin a zunah ka uai a,  ka thamral zo ta.  A awm dan engkim chu mawi ka ti a. A aw ngaihthlak ringawt pawh ka thlahlel a, ka be ngun telh telh a, ka biak zin poh leh biak nawn leh ka chak ngun a ni deuh ber mai.

Ka duhnain a hneh a, a zunah ka uai tlu ngang mai si a, insum leh inzep reng thei ka ni ta lo. A tawpah chuan zah pawh dawn lovin ka bem ve ta a. Min be chhe hran lova, mahse, min be ṭha lutuk lo.  Min ring chiah lo te pawh a ni mahna.

Chutia kan inbiak lai chuan Fb ah naute pakhat nena kan thlalak ka dah chu a lo hmu a. Nupui fanau nei tawh emaw min ti a, a thinrim ta tlat mai.  Ni e, a ni tan chuan fimkhur a ngai a, min ringhlel pawh kha ka dem chuang lo. Tin, a taka la inhmu lo kan ni a awm pawh ka ti. Chutianga ka chanchin a lo chik ve tak danah chuan a tan mi pangngai mai chu ka ni tawh lo ni ten ka hria a, ka lawm letling zawk mah a.

Mi pa emaw min tih tlat avang chuan kan inkar chu a hma angin a ṭha thei lova, min be ṭha peih tawh lo. Kei lahin ka ngai a, ka duh a, ka vei a, be lovin ka awm thei si lo. Ka thiam dan ang angin ka hrilhfiah a, ka han insawifiah a. Insawifiahna ropui kan neih hnu chuan 'tlangval' ka nihna chu a pawm ve thei hram a. Luhlul ngang hi a ni a, a lung ka tiawi zo lo lek lek a ni.

A hma ang chuan kan inbe leh a. Mahse, mak deuh mai chu min fiah nge ni, min hnawl lova min chhang mai hek lo.  Ka rilru a buai a, amah ngaihtuah hian ka hun leh ni ka hmang liam zova. Tawpsan mai duh chang ka nei a, mahse, tawpsan mai tur lahin ka lo hmangaih ve laklawh tawh si. Ni e, ka hmangaih a ni. Kei pawhin hetiang hian a taka ka la hmuh loh ka hmangaih mai hi ka ring bik lo. Mahse, rin loh theih pawh a ni lo, ka hmangaih miau si a.

A niin min ngaihsak lovin min be duh lo mahse, he thinlung hian a duh miau avangin ka be lo thei lo. Ka hmangaih em avangin tha tharin ka bem nawn leh ta  a. Ka birh tlur tlut hi a ni deuh mai.


A tawp a tawpah chuan a lak aṭanga ka lo beisei ṭhin chhanna chu ka dawng ta a. A ni nen chuan hmelhriat satliah mai ni lovin ngaihzawng kan lo ni ve ta a. Hmun khata awm si lovin thinlung hmunkhat puin Hringnun hlim takin kan zawh dun ta a.

A ni nen chuan thlalak kan inthawn awl lova, ka mit tan a hmuhnawm miau vangin a thlalak ka dil a, min pe leh ṭhin. A hnu phei chuan ka dil loh pawn min pe fo ṭhin.

Chutia kan inbiak ṭhat a, nuam ka tih em em lai chuan a bialpa hlui a rawn inrawlh leh a, a rawn be thar leh a. A rilru a lo pek tawhna a nih vang nge ni ka ngaihsak angin min ngaihsak lova,  ngaihsak lah ka phut ngam bawk si lova amah vangin ka rilru a  na fo ṭhin.

Ka nghak a, ka dawh a, a ruka na siin hlim angin ka awm ṭhin. Chutia ni tam tak kan awm hnu chuan Kan inbe pangngai ve leh tawh a. Ka rilru pawh a hlimin ka lawm khawp mai. Ni e, ka hlimna leh lawmna a ni a, ka engkim a ni tak meuh meuh a ni. Mual leh tlang tam tak kar dana awm ta chuan kan inthlahlelin kan innngai a. Kan inbe ngun ṭhin khawp mai.

Ka hmangaih em vang chuan min ngaihsak loh chang paw'n ka kalsan phal lova, kar khat dawn dawn min biak loh paw'n ka thinrim ngam phal lova, ka be chhe phal hek lo. Mahse, a  hriat loh hian ka na a, amah vang hian ka mittui a far leh ṭhin. Min ngaihsak lova, min hmangaih tawk lo ni te hian ka hre ṭhin. Mahse, a chang chuan min hmangaih mah mah ni te hian a hriat leh lawi si! Ka hmuh atana a taksa saruak thlalak min pe te kha min ring lo nise min pe awm si lova. A hnute thlalak min thawn te kha min rin vang a ni ka ti lo thei si lo. Mawi ka ti a, ka tan hmuhnawm a tling tak meuh meuh a ni. Mi dangin an hmuh chuan a mualpho thei dawn a ni tih kan hre ve ve a, ka timualpho phal dawn lo a ni tih min ring ngam kha ka lawm a. Kei pawhin a mualphona tur ka thlen phal lo. A thlalak min thawn chu ka en a, ka en ning thei lo a ni ber mai. Ka tan chuan khawvela thil hmuhnawm ber a ni miau a.  A ni nen chuan engkim a nuamin a hlimawm a. Ka tan a hlu a, ka hmangaih a, min kalsan tuma min  ngaihsak loh pawhin kei chuan ka kalsan ve phal ngai lo. Ka hmangaih em vang hian min ngaihsak loh chang pawn ka nghak fan fan ṭhin.

Ka hmangaih em vang chuan a hlimna nih ve ka duh a. A tan ka thei tawk chu tlem hle mahse ka chhuah ve ṭhin.


Kan inngaina telh telh a, kan inthlahlel tual tual a. Aw  leh thuthawn mai chu kan duh tawk ta lova,  Video Call ten kan inbe fo ṭhin. Ni e, khatih hunlai khan nuam kan tiin kan hlim ṭhin. A taksa saruakin min entir ṭhin a. Ka mit atan hian ava hmuhnawm si em! Chutia inthlahlel ta chu kan inkarah thup leh zep a awm lo tial tial a. Phone Sex te hial kan hmang fo ṭhin.
Kan nun hman kha nuam ka ti thei hle a. Min ring em em a,  Min rin ang bawkin a tana ṭha lo turin engmah ka ti ngai lo. A inbual laite in Video call hmangin min entir a. Timualpho duh ni ila lo screenshot zauh ila, ka tihdarh chuan a mualpho a ni nghal mai a. Mahse, hmeichhe awm nem timualpho duh tur khawpa pa lo ka ni lo. Tin, Ka hmangaih a, a tana ṭha lo tur engmah tih ka tum bawk lo.

Mahse, mahse, chutia hlim taka hmangaihna par kan tlan dun lai chuan a bialpa hlui a rawn inrawlh leh a. Kan inkarah hem a rawn thlak a. Kan buai ta neuh neuh mai a.  A tawpah phei chuan kei, hmel la inhmu lo zawk leh eizawnnaa chhuan tur nei lo zawk chu min hnawlin a bialpa hlui, eizawnna lamah pawh sawrkar zem zen leh a taka a lo hmuh tawh. A thlum a al a lo tempui tawh chu thlangin kei min hnawl ta zawk a. Na tiin hrehawm ti viau mahila ka hnangaih berin ka chan tura min ruatsak a ni a, mittui nen ka chan tur kawng chu mahniin ka zawh leh ta a.

Chu ni aṭang chuan ka nunin hlimna ni reng a hmu tawh lo. Ka hlimna thlen ṭhintu kha ka ṭahna thlentu mai a ni tawh a.  Ka hlimnana ka tana vul ṭhin chu mi dang tan a vul ta si!

A changin a rawn let leh ṭhin a. Ka hmangaih em vangin ka lo pawm leh a. Mahse, rei daih lovin min liamsan leh mai ṭhin. Hetiang khawp hian ka lo hmangaih theih hi ka ring ngai lova, mahse, ka hmangaih tlat si! Min phatsan hnu pawh hian ka thinlung chuan engtiklai pawhin a la ngaidam reng a, a la pawm tlat reng si! A lo let leh hun tur a nghak reng ṭhin.

31 March 2018 | Thingdawl