Labels

LightBlog

Thursday, 26 April 2018

KAR HLA DI

 Pic : RP Jongte
( Pic is just a pic! )

Ziaktu: H. Zate,
- www.hzate.in


_Facebook_ a _Friend Request_ min thawn ka hmuh khan i profile leh thlalak engkim ka en a. Hmuhnawm ti takin ka thlir a ni ber mai. I thlalak hrang hrang enin, heti hian ka ngaihtuah a, 'He mihring duhawm hi ka ta han ni se la aw!' tiin chutih lai chuan mi dang nena inhaw lo taka in lak dun thlalak ka hmuh erawh chuan , kei, a taka vawikhat mah i la hmuh loh leh la hmu lo tu che hian 'thik' em emin ka lo natpui hial a ni.

_Friend Request_ chu _Confirm_ lo thei ka ni ta lo. Ka confirm a, thlalak _like_ atangin _Poke_ ah, _Poke_ atangin _Message_ ah kan lut a. Kha zan khat thil thu lek khan ka rilru i nei a, ka thinlung i luah a, ka no. chenin i nei ta a nih kha!
Kan inbia a, kan inbe zel a. Ka tan i hlut em vangin ka be lo thei lo che. Ka buai laia min _text_ pawhin ka buai phal lo a ni ber mai. Ka duh che a, ka duh ngawih ngawih mai che a. Ka hriatthiam phak bakin ka thinlung hi i luah a ni.
Kan inbia a, ka awmdan i hriatchian em vangin nangmah ngeiin ka rilru zawng zawng min sawitirin ka tan leh i tan rinawmna kan intiam a nih kha!
Tichuan, Kan inkawm zel a. Ka ngaina che a. Ka ngai ngawih ngawih che a.I rilru nat thu leh i nunhlui vanga i nat thu i sawi lai a ka lo nat ve zia kha hrethiam ve tak che maw?! I engkim hi ka tan a mawi a. I hmui fawh chakawm em em mai mawlh mai hian min tibuai zual!
I ngaihzawng hlui nen a in chanchin bakah amah vanga i nat thu leh a ni nena in hlim thin zia i sawi khan thik namen lo hian ka thik a. Mahse, Ka tana i hlut em vang hian ka tilang ngam lo.
Chan mai che ka hlau em a ni!
I dp leh status vel a mak tak tak i hman a, i mn ngaihzawng hlui nena in thlalak i hman laia ka thik ziate kha aw! A fek zia leh a neihnun zia i sawite khan thik viau si khan i hlimna zawk tur a nih ka rin vangin i lakah he rilru thikthu chhe ve tak hi ka tichhe ngam lo.
Min hmangaih thu sawi a, ka tana rinawm i intiam laia ka lawm ziate kha aw! Pawl sawm ka pass lai ai khan ka lawm zawk hial awm a sin. I hlimna nia ka hriat vangin rilrua thik leh na tak chuangin i nunhlui thawnthu min hrilh chu ka ngaithla ta thin a ni.
Heti ang khawp hian ka rilru luah mahla, bawihte, kei ni erawh *Sakhmel tawng lo, Kar hla di* mai kan ni si.
I lakah hian thikthu pe chhe ngam chi ka ni lova, ka tan i hlut rualin i hlimna ka ngai pawimawh si! *Kar hla Di*, i hlimna hi ka thupui ber a ni a, a ni fo bawk ang!


21 January 2017 | Silchar

- www.hzate.in

( Website a fakna awm hi Ni khatah vawikhat lo click ve la. He website enkawlna atan hian tha i thawh ve a ni mai. )

No comments:

Post a Comment