Friday, 15 June 2018

PHU LOH CHAWIMAWINA MIN HLANTU YMA VENGTHAR BRANCH CHUNGAH KA LAWM E


Vawiin 15 June 2018, khan Branch dang rualin kan branch, YMA Vengthar Branch, Thingdawl pawhin YMA Day hlim takin kan hmang a. Kan hlim tlang hle.

Chuatah chuan, V Lalchungnunga, MZP Sub-Hqrs, Thingdawl  President ni lai leh Kei, Ex-President chu Zophai, Bairabi a 10 March 2018 a Mizoram leh Assam ramri buai vanga Assam Police kut kan tawrhna chu 'Ram leh Hnam chhan nana tuar' a min chhal a, Insual tur nise Branch khata a dawihzep leh ṭangkai lo ber ni hial tur hi, 'Hnam tana hnung tawlh ngai lo leh tawlh ngai tawh lo tur' ti ang hiala min chhala Tawlhloh Puan min ban/hlan hi kan tan chuan a hlu a, phu loh chawimawina a ni a. Kan lawm takzet a ni.

Khami ṭuma tuar ve kan ṭhiante'n an lo hriaa, "Branch hruaitu fing tak in nei a ni," an ti hi keini pawhin kan ngaihdan a ni a, Hetiang hruaitu remhria leh fing, mahni memberte chawimawi thiam kan nei hi kan lawm tak meuh meuh a. Kan chhuang hle a ni.

Keimah bikah chuan, mahni khua mai ni lo, mahni vengah ngei, hetiang chawimawina ka dawng thei hi ka lawm a. Ka hre reng tawh anga, ka theihnghilh leh tawh ngai lo ang. He ni hi ka nunah hriatreng a ni tawh anga, hruaitu zahawm tak tak, phu loh chawimawina min hlantute, ka nunah hriat reng in ni tawh ang.

YMA dam zel se la. Phu loh chawimawina min hlantu 'YMA Vengthar Branch', member tling lo tak hi i chungah ka lawm e!
YMA Vul Zel Rawh Se!

- H. Zate,
+919402125273
www.hzate.in

No comments:

Post a Comment