Thursday, 12 July 2018

ANLANG CHANG CHANG (MIZO)

( A lan chang chang)

- H. Zate
www.hzate.in


He hla, 'An lang chang chang" hi Pi Thanglienzo in a phuah a ni a. Amah vek hian a sain a lo larpui tawh a. Chiang takin a ziak hmu lo mahila 1997 vel kha chuan ka  ngaithla daih tawh a, 1997 hmaa a phuah leh record a ni tih erawh a chiang hle.

He hlain a ken ber chu ngaihzawng kawplawr deuh, pakhata rinawm thei lo, thlah thei bawk si lova a ngaihzawng dang te a lan changa be leh zeuh zeuh thin ang te sawiselna a ni ber awm e. 

A hla hi Hmar tawnga phuah niin, Emma Pachuau -in a rawn sa leh a, a larpui phian mai a. A niin a sak hnu phei hi chuan hretu leh ngaihventu an tam a. Tunlai mi tam takin an hriatna pawh Pi Emma Lalawmpuii Pachuau in a rawn sak atang hian ni awm e!

He hla hi hetia a lar takah chuan a  awmzia min zawttu leh min lehtirtu an tam a. Chutia ka lehlin tak foah chuan tiin mi tam zawk leh a mamawh ten an hmuh theih turin ka han ziaklang ta a ni. Ka lo dahtha ngai si lova, min dil changin tha tharin ka let leh ta thin a. Mahse, hei ngaihtuahna thar neiin heti hian ka han dah ta a ni e. 


Pi Thanglienzo hi Hmar Zaithiam leh hla phuahthiam a ni a, a hla phuahthiam mai bakah hian a zaithiam tel avangin mi lawm leh ngainat a hlawh a.
mahse, an hunlai (generation) in a zir lova, Hmeichhe lengzem hla sa ngaihnep hun lai nen an intawn fuh miau avangin a hlut tur angin a hlu lo nia sawi an awm nual.

A hlaah lut dawn i la....A awmzia, aw hla a awm dan ang angin ka ziak chhuak mawp mawp a,sak tur emaw hlaa a thluk nena inmil turin ka siamrem hran lo. (Dil lova lo leh ngawt kha ni berin ka hre tlat lo pek a.)  Hmar Version ka dah hmasa zel a, a hnuaiah Mizo version ka dah zel mai e.. 

Thuom ang ka do zo nawh,
Ka hratnain a tlin thei mawl nawh;
Zaidam le nunnem,
Adozotu ding dang zawng lem rawh.
Thuam ang ka do zo lo,
Ka chaknain a tlin mawlh lo;
Zaidam leh nunnem,
A dozotu tur dang zawng zawk rawh.

Anlang chang changa dingin,
Hmangaina chenve i min hlan a;
Anlang naw chang changa dingin,
Hmelhriet ngailo angin.
 
A lan chang a tan,
Hmangaihna chanve min hlan a,
A lan loh chang atan,
Hmelhriat ngai lo angin.


Lungril tamtak nei chun,
Leng dang sai pum zinga ringum tumin;
I dittak kuomah chun, 

I nei po hmangaina inhlan el rawh.
 
Rilru tam tak nei chuan,
Leng dang chhai reng chunga rinawm tumin,
I duh tak hnenah chuan,
I neih zawng hmangaihna hlan mai rawh.

( He chang bikah hian ‘Lungril’ hi ‘rilru’ tihna ni mahse, ‘ngaihtuah’ emaw ‘duh’ emaw sawina'n a hmang angah ngai ta ila Mizo tawng chuan a sawi tum a chiang awm e. )

No comments:

Post a Comment