Monday, 31 December 2018

KUMTHAR CHIBAI LE!


Kum 2019 kum thar kan chuangkai thei hi a lawmawm tak zet a. Pathian hnenah lawmthu i sawi ang (u).

Kumthar hun hlimawm tak hi inhlan thar nan hmang i la.

He hun thar mi dang ni lova nangmah ngeiin i hmang thei hi ka lawmpui tak meuh meuh che!

Dam leh tha taka kum thar i thleng thei hi ka lawmpui rual chein he niin a ken tel, i hmaa mawhphurna leh chona lo awm chhel taka hmachhawn thei turin duhsakna ka hlan a che.

Mi lakah beiseina dah sang ngai lo la, i beisei anga an awm loh hunah i nat phah lutuk lo nan!

Mi zawng zawng ring la, an lakah i rilru erawh nghat vek kher suh.

Lehkhabu hi a kawm atang chauhin thlir lo la, a chhung a inziak atangin ngaihdan siem zawk rawh.

Khawvel tan hian engmah i ni lo mahla, tu emaw tan erawh a Khawvel i ni!!!

Chu tu emaw chu i hriatah a inlan kher lo a nih pawhin a ni erawh chuan a thlir reng ang che!

Thawh tam hi thain tuar mahse, mi tinin an lawm si!

I tel tawhna reng rengah a nep pawl ni lovin an la ngaih vawng vawng tur khawpa thawh tum fo la.

Hruaitu nih hi thaa mi dang kaihhruai mai ni lovin, an rilru hneh a, an tana beiseina nih hi a ni.

Beisei tur a awm tawh loh hnuah pawh i kaihhruaite tan beiseina ni fo rawh!

Thawk la, an zui ang che!
I sawi tam chuan an ning ang che!

I tihhlawhtlin theih loh tur tiamin beiseina siam sak suh. Mi rinawm lo hna a ni ngai e!

Harsatna hi chhelna leh chakna hnar a tan hmang fo la! Beidawnnna phena Beiseina awm hi thlir fo ṭhin rawh!

He kum thar hi i tan malsawmna lo ni se, mi dang tana malsawmna i nih kum lo ni mawlh rawh se.

 Kumthar hian i nunah malsawmna te, hlimna te, lawmna te, damna te, hriselna te, hmuingilna chi hrang hrang rawn thlen che se la, mi dangte tana malsawmna i nih kum lo ni mawlh rawh se.

Kumthar chibai le!


Rinawmin,

H Zate
WhatsApp: +919402125273

Camp: Thingdawl
Date: January 1, 2019

No comments:

Post a Comment